ദിവാകരനും ഭാര്യ ശ്രീജയും ചൊവ്വാഴ്ച വൈകീട്ട് പട്ടാമ്പിയിലെ ബന്ധുവീട്ടില് പോയി ബുധനാഴ്ച രാവിലെ ഒമ്പതിന് തിരിച്ചെത്തിയപ്പോഴാണ് മുന്വാതിലിന്റെ പൂട്ട് പൊളിച്ചതായി ശ്രദ്ധയില്പ്പെട്ടത്. കൂടാതെ വൈദ്യുതി ഫ്യൂസ് ഊരി മാ റ്റിയിരുന്നു.
മലപ്പുറം: മഞ്ചേരി നറുകരയില് വീട് കുത്തിത്തുറന്ന് 10 പവന് സ്വര്ണാഭരണം മോഷ്ടിച്ചു. മഞ്ചേരി ദേവി ട്രേഡേഴ്സ് ഉടമ പട്ടലൂര് മന ദിവാകരൻ്റെ വീട്ടിലാണ് കവർച്ച നടന്നത്. വീട്ടിലെ അലമാരയില് സൂക്ഷിച്ച ആഭരണമാണ് നഷ്ടമായത്.
ദിവാകരനും ഭാര്യ ശ്രീജയും ചൊവ്വാഴ്ച വൈകീട്ട് പട്ടാമ്പിയിലെ ബന്ധുവീട്ടില് പോയി ബുധനാഴ്ച രാവിലെ ഒമ്പതിന് തിരിച്ചെത്തിയപ്പോഴാണ് മുന്വാതിലിന്റെ പൂട്ട് പൊളിച്ചതായി ശ്രദ്ധയില്പ്പെട്ടത്. കൂടാതെ വൈദ്യുതി ഫ്യൂസ് ഊരി മാ റ്റിയിരുന്നു.
വൈദ്യുതി ബന്ധം വിഛേദിച്ചും സി.സി.ടി.വിയുടെ ഡി.വി. ആര് മാറ്റിയുമാണ് മോഷണം നടത്തിയത്. വീട്ടിലെ വൈഫൈ ക ണക്ഷന് ഉപയോഗിച്ചാണ് അടുത്ത വീട്ടിലെ കുട്ടികള് കഴിഞ്ഞ ദിവസം നടന്ന ലോകകപ്പിലെ അര്ജന്റീന - ഈജിപ്ത് മത്സരം കണ്ടിരുന്നത്. കളിയുടെ അവസാനം വൈഫൈ ബന്ധം വിഛേദിക്കപ്പെട്ടിരുന്നതായി വീട്ടുടമ പൊലീസിന് മൊഴി നല്കി. മഞ്ചേരി ഇന്സ്പെക്ടര് മനോജ് കെ. ഗോപി, എസ്.ഐ വിരലടയാള വിദഗ്ധര് എന്നിവര് സ്ഥലത്തെത്തി പരിശോധന നടത്തി. പൊലീസ് അന്വേഷണം ആരംഭിച്ചിട്ടുണ്ട്.
