പരിക്കേറ്റവരെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി
തിരുവനന്തപുരം: മംഗലപുരത്ത് നിയന്ത്രണം വിട്ട കാർ റോഡ് വശത്ത് നിന്നവരെ ഇടിച്ച് തെറിപ്പിച്ച് മൂന്നുപേർക്ക് ഗുരുതരമായി പരിക്കേറ്റു. മംഗലപുരം മുരുക്കുംപുഴ റോഡിലാണ് അപകടം നടന്നത്. പരിക്കേറ്റവരെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. കാറിന്റെ സ്റ്റിയറിങ് ലോക്കായിപ്പോയതാണ് അപകടത്തിന് കാരണമെന്നാണ് ഡ്രൈവർ പോലീസിന് നൽകിയ മൊഴി. സംഭവത്തിൽ പോലീസ് അന്വേഷണം ആരംഭിച്ചു.
