കിഴക്കഞ്ചേരിയിൽ സിനിമാ സ്റ്റൈലിൽ ലോറി തടഞ്ഞുനിർത്തി പോത്തുകളെ മോഷ്ടിച്ച് രണ്ടംഗ സംഘം.
പാലക്കാട്: കിഴക്കഞ്ചേരിയിൽ സിനിമാ സ്റ്റൈലിൽ ലോറി തടഞ്ഞുനിർത്തി പോത്തുകളെ മോഷ്ടിച്ച് രണ്ടംഗ സംഘം. പൊലീസിന്റെ അതിവേഗ നീക്കത്തിന് പിന്നിൽ, ചീരക്കുഴി സ്വദേശികളായ ഷജീർ, ഷമീർ എന്നിവർ പിടിയിലായി. ഇന്നലെ പുലർച്ചെ 4 മണിക്കാണ് സംഭവം.ആന്ധ്രയിൽ നിന്ന് ലോറിയിൽ പേത്തുകളെ കൊണ്ടുവരികയായിരുന്നു സുഭാഷ് രാജ്. 50 പോത്തുകളും 27 കാളകളുമാണ് ലോറിയിൽ ഉണ്ടായിരുന്നത്.
കായംകുളം സ്വദേശി ബിനുവിന്റേത് ആയിരുന്നു ഉരുക്കൾ. വടക്കഞ്ചേരി എത്തിയതും കാറിലും ജീപ്പിലും ബൈക്കിലുമെത്തിയ സംഘം വണ്ടി തടഞ്ഞുനിർത്തി. കത്തികാട്ടി ഭീഷണിപ്പെടുത്തിയ ശേഷം വാഹനം ഓടിച്ചിരുന്ന സുഭാഷിനെ മറ്റൊരു കാറിലേക്ക് മാറ്റി മോഷണസംഘം ലോറിയുമായി പോയി. ഒരു മണിക്കൂറാണ് സുഭാഷുമായി നഗരത്തിൽ കറങ്ങിയത്. ഒടുവിൽ വടക്കഞ്ചേരിയിലെത്തിയപ്പോൾ ലോറി തിരികെ നൽകി. പക്ഷെ അതിൽ ഉരുക്കൾ ഇല്ലായിരുന്നു.
ഉടമയുടെ പരാതിയിൽ വടക്കഞ്ചേരി പെലീസ് അന്വേഷണം തുടങ്ങി. സിസിടിവി കേന്ദ്രീകരിച്ച് നടത്തിയ അന്വേഷണത്തിൽ ഷജീറും, ഷമീറും പിടിയിലായി. കിഴക്കഞ്ചേരി പഞ്ചായത്തിന്റെ രണ്ടു ഭാഗങ്ങളിൽ നിന്നായി പേത്തുകളെയും പശുക്കളെയും കണ്ടെത്തി.
