പാഞ്ഞെത്തിയ കാർ വൈദ്യുതി പോസ്റ്റിൽ ഇടിച്ച് മറിഞ്ഞു; പോസ്റ്റ് ഒടിഞ്ഞ് വീണു; 4 യാത്രക്കാരിൽ 2 പേർക്ക് പരിക്ക്
മലപ്പുറം സ്വദേശികളാണ് അപകടത്തിൽ പെട്ടതെന്നാണ് വിവരം. ഇലക്ട്രിക്ക് പോസ്റ്റ് അപകടത്തിൽ പൂർണമായും തകർന്നു, മൂന്നായി ഒടിഞ്ഞു
 )
കോഴിക്കോട്: തിരുവമ്പാടി ആനക്കാംപൊയിലിൽ കാർ വൈദ്യുതി പോസ്റ്റിൽ ഇടിച്ച് അപകടം. കാറിൽ യാത്ര ചെയ്ത രണ്ട് പേർക്ക് ഗുരുതരമായി പരിക്കേറ്റു. മുത്തപ്പൻപുഴ റോഡിലെ നടുക്കണ്ടത്തിലാണ് അപകടം നടന്നത്. അമിത വേഗത്തിലെത്തിയ കാർ വൈദ്യുതി പോസ്റ്റിലിടിച്ച് മറിഞ്ഞു. കാറിൽ 4 പേരാണ് ഉണ്ടായിരുന്നത്. ഇതിൽ രണ്ടുപേർക്കാണ് ഗുരുതര പരിക്കേറ്റത്. ഇവരെ ആശുപത്രിയിലേക്ക് കൊണ്ടുപോയി. മലപ്പുറം സ്വദേശികളാണ് അപകടത്തിൽ പെട്ടതെന്നാണ് വിവരം. ഇലക്ട്രിക്ക് പോസ്റ്റ് അപകടത്തിൽ പൂർണമായും തകർന്നു, മൂന്നായി ഒടിഞ്ഞു. ഇതോടെ മേഖലയിൽ വൈദ്യുതി വിതരണം തടസപ്പെട്ടു.
