1000, 500 രൂപ നോട്ടുകള്‍ പിന്‍വലിച്ചതില്‍ പൊതു ജനങ്ങള്‍ കാരണവശാലും ആശങ്കപ്പെടേണ്ടതില്ലെന്ന് റിസര്‍വ്വ് ബാങ്ക് ഓഫ് ഇന്ത്യ അറിയിച്ചു. ക്ഷമകാണിക്കണമെന്നും തിരക്കുകൂട്ടാതെ ഡിസംബര്‍ മുപ്പതിന് മുമ്പായി സൗകര്യമുള്ള സമയത്ത് ബാങ്കുകളിലെത്തി പഴയ നോട്ടുകള്‍ക്ക് പകരം പണം വാങ്ങിക്കണമെന്നും റിസര്‍വ് ബാങ്ക് അറിയിച്ചു. ബാങ്കുകളുടെ എല്ലാ ബ്രാഞ്ചുകളിലേക്കും ആവശ്യത്തിനുള്ള 2000 രൂപാ നോട്ടുകള്‍ എത്തിച്ചിട്ടുണ്ട്. നവംബര്‍ 18 വരെ എടിഎമ്മുകളില്‍ നിന്നും 2000 രൂപ വരെ ദിവസവും പിന്‍വലിക്കാം. നവംബര്‍ പതിനെട്ടിന് ശേഷം ഇത് ദിവസം 4000 രൂപ എന്ന നിരക്കില്‍ പിന്‍വലിക്കാനാകുമെന്നും റിസര്‍വ് ബാങ്ക് ഇന്ന് പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി.