ഓഹരി വിപണിയില്‍ നഷ്ടം
മുംബൈ: ഓഹരി വിപണികൾ നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 113 പോയന്‍റ് താഴ്ന്ന് 34,082ലും നിഫ്റ്റി 21 പോയന്‍റ് നഷ്ടത്തിൽ 10,476ലും ക്ലോസ് ചെയ്തു.
പലിശ നിരക്കിൽ മാറ്റമില്ലെന്ന റിസർവ് ബാങ്ക് പ്രഖ്യാപനമാണ് വിപണികളെ നഷ്ടത്തിലാക്കിയത്. തുടർച്ചയായ ആറ് ദിവസത്തെ നഷ്ടത്തിനൊടുവിൽ സെൻസെക്സ് രാവിലെ 470 പോയന്‍റ് നേട്ടത്തിലേക്ക് ഉയർന്നിരുന്നു. നിഫ്റ്റി 115 പോയന്‍റും നേട്ടമുണ്ടാക്കി.
എന്നാൽ ഉച്ചയോടെ വിപണികൾ നേട്ടം കൈവിട്ടു. ഡോളറുമായുള്ള വിനിമയത്തിൽ രൂപയും നേരിയ നഷ്ടത്തോടെ 64 രൂപ 28 പൈസയിലാണ് വ്യാപാരം അവസാനിപ്പിച്ചത്.
Last Updated Oct 4, 2018, 6:25 PM IST
