ആക്ഷന് പ്രാധാന്യമുള്ള ഗ്യാങ്സ്റ്റര് ഡ്രാമ ചിത്രം ആയിരിക്കും തഗ് ലൈഫ് എന്നാണ് സൂചന.
കമൽ ഹാസൻ നായകനായി എത്തുന്ന ഏറ്റവും പുതിയ ചിത്രം തഗ് ലൈഫിലെ പുതിയ ലിറിക് വീഡിയോ റിലീസ് ചെയ്തു. ഷുഗർ ബേബി എന്ന ഗാനത്തിന് സംഗീതം ഒരുക്കിയിരിക്കുന്നത് എ ആർ റഹ്മാൻ ആണ്. ശിവ അനന്തും എ.ആർ. റഹ്മാനും ചേർന്നാണ് വരികൾ എഴുതിയിരിക്കുന്നത്. അലക്സാന്ദ്ര ജോയ്, ശുഭ, ശരത് സന്തോഷ് എന്നിവരാണ് പാടിയത്. തൃഷയാണ് ഗാനരംഗത്ത് പ്രതൃക്ഷപ്പെട്ടിരിക്കുന്നത്. ഒപ്പം ചിത്രത്തിലെ ചില സ്വീക്വൻസുകളും വീഡിയോയിൽ ഉൾപ്പെടുത്തിയിട്ടുണ്ട്.
37 വര്ഷങ്ങള്ക്ക് ശേഷം കമൽഹാസനും മണി രത്നവും ഒന്നിക്കുന്ന ചിത്രമാണ് തഗ് ലൈഫ്. ചിത്രം ജൂൺ 5 ന് തിയേറ്ററുകളിലേക്കെത്തും. തൃഷ, അഭിരാമി, നാസര് തുടങ്ങിയവര്ക്കൊപ്പം ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ചിമ്പുവാണ്. കമല് ഹാസന്റെ രാജ്കമല് ഫിലിംസിനൊപ്പം മണി രത്നത്തിന്റെ മദ്രാസ് ടാക്കീസും ഉദയനിധി സ്റ്റാലിന്റെ റെഡ് ജയന്റ് മൂവീസും ചേര്ന്നാണ് ചിത്രം നിര്മ്മിക്കുന്നത്.
ജയം രവി, തൃഷ, ദുല്ഖര് സല്മാന്, അഭിരാമി, നാസര് എന്നിങ്ങനെ വലിയ താരനിര ഉണ്ടാവുമെന്ന് ടൈറ്റിലിനൊപ്പം ഔദ്യോഗിക പ്രഖ്യാപനം വന്ന സിനിമയാണിത്. എന്നാല് ഡേറ്റ് പ്രശ്നത്തെ തുടര്ന്ന് ദുല്ഖറും ജയം രവിയും ചിത്രത്തില് നിന്ന് പിന്മാറുകയായിരുന്നു. ദുല്ഖറിന് പകരമാണ് പിന്നീട് ചിമ്പു എത്തിയത്.
Related Articles
ആക്ഷന് പ്രാധാന്യമുള്ള ഗ്യാങ്സ്റ്റര് ഡ്രാമ ചിത്രം ആയിരിക്കും തഗ് ലൈഫ് എന്നാണ് സൂചന. രംഗരായ ശക്തിവേല് നായ്ക്കര് എന്നാണ് ചിത്രത്തില് കമല് ഹാസന് അവതരിപ്പിക്കുന്ന കഥാപാത്രത്തിന്റെ പേര്. മണി രത്നത്തിനൊപ്പം പതിവ് സഹപ്രവർത്തകരായ സംഗീതസംവിധായകൻ എ ആർ റഹ്മാനും എഡിറ്റർ ശ്രീകർ പ്രസാദും ഈ ചിത്രത്തിലും ഒരുമിക്കുന്നുണ്ട്. രവി കെ ചന്ദ്രന് ആണ് ഛായാഗ്രാഹകന്. അശോക് സെല്വന്, അലി ഫസല്, പങ്കജ് ത്രിപാഠി, ജോജു ജോര്ജ്, ഐശ്വര്യ ലക്ഷ്മി, ജിഷു സെന്ഗുപ്ത, സാന്യ മല്ഹോത്ര, രോഹിത് ഷറഫ്, വൈയാപുരി എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. പിആർഒ - വൈശാഖ് വടക്കേവീട്, ജിനു അനിൽകുമാർ എന്നിവരാണ് മറ്റ് അണിയറ പ്രവർത്തകർ.
