പതിനഞ്ച് സ്ഥാനാർത്ഥികളുടെ പേരുകളാണ് ആദ്യഘട്ട പട്ടികയിലുള്ളത്. ഗുജറാത്തിലെ നാലും യുപിയിലെ പതിനൊന്നും സീറ്റുകളിലാണ് പ്രഖ്യാപനം.
ദില്ലി: വരുന്ന ലോക്സഭാ തെരഞ്ഞെടുപ്പിലെക്കുള്ള കോൺഗ്രസ് സ്ഥാനാർത്ഥികളുടെ ആദ്യ പട്ടിക പുറത്തിറക്കി. പതിനഞ്ച് സ്ഥാനാർത്ഥികളുടെ പേരുകളാണ് ആദ്യഘട്ട പട്ടികയിലുള്ളത്.
യുപിയിലെ റായ്ബറേലിയിൽ നിന്ന് യുപിഎ അധ്യക്ഷ സോണിയ ഗാന്ധി വീണ്ടും മത്സരിക്കും. സിറ്റിംഗ് മണ്ഡലമായ അമേഠിയിൽ നിന്നുതന്നെയായാവും കോൺഗ്രസ് അധ്യക്ഷൻ രാഹുൽ ഗാന്ധി ഈ തവണയും ജനവിധി തേടുന്നത്. സൽമാൻ ഖുർഷിദ് ഫറൂഖാബാദിൽ മത്സരിക്കും. പ്രിയങ്ക ഗാന്ധിയുടെ പേര് പട്ടികയില് ഇല്ല. ഗുജറത്തിലെ നാലും ഉത്തർപ്രദേശിലെ 11 ഉം മണ്ഡലങ്ങളിലെ ആദ്യഘട്ട സ്ഥാനാർത്ഥികളെയാണ് കോൺഗ്രസ് പ്രഖ്യാപിച്ചത്.
പട്ടികയിലുള്ള മറ്റ് സ്ഥാനാർഥികൾ:
അഹമ്മദാബാദ് വെസ്റ്റ്– രാജു പരമർ
ആനന്ദ് – ഭരത്സിങ് എം. സോലൻകി
വഡോദര– പ്രശാന്ത് പട്ടേൽ
ഛോട്ടാ ഉദയ്പൂർ – രഞ്ജിത് മോഹൻസിങ് രത്വ
ബഹരൻപുർ – ഇമ്രാൻ മസൂദ്
ബുദൗൻ – സലീം ഇക്ബാൽ ശർവേണി
ദൗരാഹ്ര – ജിതിൻ പ്രസാദ്
ഉന്നാവാ – അനു ടൻഡൻ
ഫറൂഖാബാദ് –സൽമാൻ ഖുർഷിദ്
അക്ബർപുർ – രാജാറാം പാൽ
ജലാൻ – ബ്രിജ് ലാൽ ഖബ്റി
ഫൈസാബാദ്– നിർമൽ ഖത്രി
കുശിനഗർ – ആർ.പി.എൻ.സിങ്
