മോദി സിംഹം; വാലാട്ടി നിൽക്കുന്ന നായ്‌ക്കുട്ടിയാണ് രാഹുൽ ഗാന്ധി; ഗുജറാത്ത് മന്ത്രി
മോദിയെ കാണുമ്പോൾ ഗുജറാത്തിലെ സിംഹം നിൽക്കുന്നത് പോലെയാണ് തോന്നുന്നതെന്നും അതേസമയം രാഹുൽ വാലാട്ടി നിൽക്കുന്ന നായ്ക്കുട്ടിയെ പോലെയാണെന്നും ഗണപത് വാസവ പറഞ്ഞു.
ഗാന്ധിനഗർ: കോൺഗ്രസ് അധ്യക്ഷൻ രാഹുൽ ഗാന്ധിക്കെതിരെ രൂക്ഷവിമർശനവുമായി ഗുജറാത്ത് മന്ത്രി ഗണപത് വാസവ. മോദിയെ കാണുമ്പോൾ ഗുജറാത്തിലെ സിംഹം നിൽക്കുന്നത് പോലെയാണ് തോന്നുന്നതെന്നും അതേസമയം രാഹുൽ വാലാട്ടി നിൽക്കുന്ന നായ്ക്കുട്ടിയെ പോലെയാണെന്നും ഗണപത് വാസവ പറഞ്ഞു. ഗുജറാത്തിലെ തെരഞ്ഞെടുപ്പ് പ്രചാരണ റാലിയിലാണ് രാഹുലിനെതിരെ മന്ത്രി വിമർശനമുന്നയിച്ചത്.
'പ്രധാനമന്ത്രി നിൽക്കുമ്പോൾ ഗുജറാത്തിലെ സിംഹം നിൽക്കുന്നതുപോലെയാണ് തോന്നുക. എന്നാൽ രാഹുൽ നിൽക്കുമ്പോൾ നായ്‍ക്കുട്ടി വാലാട്ടുന്നതു പോലെയാണ് തോന്നുന്നത്. പാകിസ്ഥാൻ റൊട്ടി കൊടുത്താൽ അത് പാകിസ്ഥാനിലേക്ക് പോകും ചൈന റൊട്ടി കൊടുത്താല്‍ അത് ചൈനയിലേക്കും പോകും'- ഗണപത് വാസവ രാഹുലിനെ ആക്ഷേപിച്ചുകൊണ്ട് പറഞ്ഞു.
Gujarat Minister Ganpat Vasava: When PM Modi stands, it looks like the lion of Gujarat is standing. When Rahul Gandhi stands, it looks like puppy of a dog is there wagging its tail, if Pakistan offers it a 'roti', it'll go there & if China offers it 'roti', it'll go there as well pic.twitter.com/DjN3GoMnV3
— ANI (@ANI) April 20, 2019
ഇതാദ്യമായല്ല ഗണപത് വാസവ രാഹുലിനെതിരെ വിമർശനമുന്നയിക്കുന്നത്. രാഹുല്‍ ഗാന്ധി ഹിന്ദു ദൈവം ശിവന്‍റെ അവതാരമാണെന്ന് സമൂഹമാധ്യമങ്ങളിൽ പ്രചരിച്ചപ്പോൾ രാഹുലിന് വിഷം കൊടുത്ത് അത് തെളിയിക്കണമെന്ന് വാസവ പറഞ്ഞിരുന്നു. എന്നാൽ ഈ പാരാമർശം വിവാദമായതോടെ സമൂഹമാധ്യമങ്ങളിലെ പോസ്റ്റുകള്‍ക്കുള്ള മറുപടിയാണ് താൻ പറഞ്ഞതെന്നായിരുന്നു വാസവയുടെ മറുപടി.
