Asianet News MalayalamAsianet News Malayalam

'ഹിന്ദുസ്ഥാന്‍ സിന്ദാബാദ്' ; സണ്ണി ഡിയോളിനൊപ്പമുള്ള ചിത്രം പങ്കുവച്ച് മോദി

സണ്ണി ഡിയോളിന്‍റെ മനുഷ്യത്വവും ഇന്ത്യയ്ക്ക് വേണ്ടിയുള്ള കരുതലുമാണ് തന്നെ അദ്ദേഹത്തിലേക്ക് ആകര്‍ഷിച്ചതെന്ന് മോദി പറഞ്ഞു.

narendra modi tweets photo with bjp candidate sunny deol
Author
New Delhi, First Published Apr 28, 2019, 8:11 PM IST

ദില്ലി: അടുത്തിടെ ബിജെപിയില്‍ ചേര്‍ന്ന ബോളിവുഡ് താരം സണ്ണി ഡിയോളിനൊപ്പമുള്ള ചിത്രം പങ്കുവച്ച് പ്രധാനമന്ത്രി നരേന്ദ്ര മോദി. 'ഹിന്ദുസ്ഥാന്‍ സിന്ദാബാദ് ഉണ്ടായിരുന്നു, ഉണ്ട്, ഇനിയും നിലനില്‍ക്കും' എന്ന കുറിപ്പോടെയാണ് മോദി ചിത്രം ട്വിറ്ററില്‍ പോസ്റ്റ് ചെയ്തത്. സണ്ണി ഡിയോള്‍ അഭിനയിച്ച ഗദ്ദാര്‍ എന്ന ചിത്രത്തിലെ പ്രശസ്തമായ സംഭാഷണമാണിത്. 

സണ്ണി ഡിയോളിന്‍റെ മനുഷ്യത്വവും ഇന്ത്യയ്ക്ക് വേണ്ടിയുള്ള കരുതലുമാണ് തന്നെ അദ്ദേഹത്തിലേക്ക് ആകര്‍ഷിച്ചതെന്ന് മോദി പറഞ്ഞു. തെരഞ്ഞെടുപ്പില്‍ മത്സരിക്കുന്ന സണ്ണി ഡിയോളിന്‍റെ വിജയത്തിനായി കാത്തിരിക്കുകയാണെന്നും മോദി കുറിച്ചു. പഞ്ചാബിലെ ഗുരുദാസ്പൂരില്‍ നിന്നുള്ള സ്ഥാനാര്‍ത്ഥിയാണ് സണ്ണി ഡിയോള്‍. 

Follow Us:
Download App:
  • android
  • ios