കല്യാശേരിയിലേത് കള്ളവോട്ടെങ്കിൽ നിയമനടപടി വേണം; ന്യായീകരിക്കില്ലെന്ന് കെ പി എ മജീദ്
കള്ളവോട്ട് വിഷയത്തിൽ സിപിഎമ്മിനെ പോലെ ന്യായീകരണങ്ങൾ നിരത്താൻ മുസ്ലീം ലീഗ് മുതിരില്ലെന്നും കെ പി എ മജീദ്
മലപ്പുറം: കല്യാശേരിയിൽ മുസ്ലീ ലീഗ് പ്രവർത്തകർ കള്ളവോട്ട് ചെയ്തുവെന്ന സിപിഎം ആരോപണത്തിൽ പ്രതികരണവുമായി മുസ്ലീം ലീഗ് സംസ്ഥാന സെക്രട്ടറി കെ പി എ മജീദ്. കല്യാശേരിയിൽ നടന്നത് കള്ളവോട്ടാണെങ്കിൽ നിയമപരമായ നടപടി വേണം. ഇതേക്കുറിച്ച് പരിശോധിച്ച് റിപ്പോർട്ട് നൽകാൻ മുസ്ലീം ലീഗിന്‍റെ കണ്ണൂർ ജില്ലാ നേതൃത്വത്തോട് ആവശ്യപ്പെട്ടിട്ടുണ്ടെന്നും കെ പി എ മജീദ് പറഞ്ഞു.
വോട്ട് ചെയ്ത വ്യക്തി ലീഗുകാരനാണോയെന്ന് വ്യക്തമല്ല. വീഡിയോയിൽ കാണുന്ന ആൾ മുസ്ലീം ലീഗുകാരനാണെങ്കിൽ പാർട്ടി നടപടി എടുക്കും. കള്ളവോട്ട് വിഷയത്തിൽ സിപിഎമ്മിനെ പോലെ ന്യായീകരണങ്ങൾ നിരത്താൻ മുസ്ലീം ലീഗ് മുതിരില്ലെന്നും കെ പി എ മജീദ്
Last Updated Apr 30, 2019, 10:48 AM IST
