ആരും വോട്ട് ചെയ്യാന് എത്താതെ ഒരു പോളിംഗ് ബൂത്ത്!
ഉത്തര്പ്രദേശിലെ ഫത്തേപൂര്സിക്രി മണ്ഡലത്തിലെ ഒരു പോളിംഗ് ബൂത്തിലാണ് വോട്ട് ചെയ്യാന് ആരും എത്താത്തത്.
ലഖ്നൗ: വോട്ടെടുപ്പ് ആരംഭിച്ച് എട്ട് മണിക്കൂറുകള് പിന്നിട്ടിട്ടും ഒരാള് പോലും വോട്ട് ചെയ്യാന് എത്താതെ ഒരു പോളിംഗ് ബൂത്ത്. ഉത്തര്പ്രദേശിലെ ഫത്തേപൂര്സിക്രി മണ്ഡലത്തിലെ ഒരു പോളിംഗ് ബൂത്തിലാണ് വോട്ട് ചെയ്യാന് ആരും എത്താത്തത്.
ബോളിവുഡ് താരം രാജ് ബബ്ബാര് കോണ്ഗ്രസിനു വേണ്ടി ജനവിധി തേടുന്ന മണ്ഡലമാണ് ഫത്തേപൂര് സിക്രി. രാജ്കുമാര് ചാഹര് ആണ് ഇവിടെ ബിജെപി സ്ഥാനാര്ത്ഥി. ആവശ്യത്തിന് ജലസേചന സൗകര്യങ്ങള് ജനങ്ങള്ക്ക് ലഭ്യമാക്കാത്ത അധികൃതരുടെ നടപടിയില് പ്രതിഷേധിച്ചാണ് മംഗോളികാലാ ഗ്രാമത്തിലുള്ള 41ാം നമ്പര് ബൂത്തില് വോട്ട് രേഖപ്പെടുത്താന് ആരും എത്താഞ്ഞത്. തങ്ങള് തെരഞ്ഞെടുപ്പ് ബഹിഷ്കരിക്കുമെന്ന് ഗ്രാമവാസികള് നേരത്തെ അറിയിച്ചിരുന്നെങ്കിലും തീരുമാനം ഇത്ര കടുത്തതാണെന്ന് രാഷ്ട്രീയനേതാക്കള് കരുതിയിരുന്നില്ലെന്നാണ് ലഭിക്കുന്ന വിവരം.
ഉരുളക്കിഴങ്ങും കരിമ്പും ആണ് മംഗോളികാലായിലെ പ്രധാന കൃഷി. കൃഷിയാവശ്യത്തിന് മതിയായ ജലസേചന സൗകര്യം അധികൃതര് ഒരുക്കിത്തരുന്നില്ലെന്നാണ് കര്ഷകരുടെ പരാതി. ഇവിടെ ചില പ്രദേശങ്ങളില് കുടിവെള്ളപ്രശ്നവും രൂക്ഷമാണ്.