കാസര്കോട്ട് നേരിയ ഭൂരിപക്ഷത്തില് എല്ഡിഎഫ് ജയിക്കുമെന്ന് സര്വേ
കാസര്കോട് മണ്ഡലത്തില് രാജ്മോഹന് ഉണ്ണിത്താന് തോല്ക്കുമെന്ന് പോസ്റ്റ് പോള് പുതിയ സര്വേ.
തിരുവനന്തപുരം: കാസര്കോട് മണ്ഡലത്തില് രാജ്മോഹന് ഉണ്ണിത്താന് തോല്ക്കുമെന്ന് പോസ്റ്റ് പോള് പുതിയ സര്വേ. കേരളത്തിലെ മറ്റ് രണ്ട് സര്വേകളെയും തള്ളിയാണ് കൈരളി ടിവിയുടെയും സിഇഎസിന്റെയും സര്വേ ഫലം. 41.7 ശതമാനം വോട്ടുകള് എല്ഡിഎഫ് സ്ഥാനാര്ത്ഥി നേടുമ്പോള് 40.1 ശതമാനം വോട്ടുകള് യുഡിഎഫ് സ്വന്തമാക്കുമെന്നുമാണ് സര്വേ ഫലം. അതേസമയം ബിജെപി 16.4 ശതമാനം വോട്ടുകള് നേടും.
വോട്ട് രീതിയില് പറഞ്ഞാല് 16000-17000 വോട്ടുവരെ ഭൂരിപക്ഷത്തില് എല്ഡിഎഫ് സ്ഥാനാര്ത്ഥി ജയിക്കുമെന്നാണ് സര്വേ പറയുന്നത്. 1096470 വോട്ടുകള്, 80.75 ശതമാനം വോട്ടുകളാണ് പോള് ചെയ്തത്.
അതേസമയം കൈരളി ടിവിക്ക് സര്വേയില് ഉത്തരവാദിത്തമില്ലെന്നും പൂര്ണ ഉത്തരവാദിത്തം സര്വേ ഏജന്സിയായ സിഇഎസിനായിരിക്കുമെന്നും അവതാരകന് വ്യക്തമാക്കുന്നുണ്ട്. 20 മണ്ഡലങ്ങളിലായി 80 നിയമസഭാ മണ്ഡലങ്ങളില് 12000 പേര് സര്വേയില് പങ്കെടുത്തുവെന്ന് ഏജന്സി അവകാശപ്പെടുന്നു.