അമ്മമാർക്കും സഹോദരിമാർക്കും സല്യൂട്ട്: രാഹുൽ ഗാന്ധി
തുല്യ അവസരങ്ങൾ, ബഹുമാനം, ഏകീകൃത രാജ്യം എന്നിവ ആവശ്യപ്പെടുന്ന സ്ത്രീകളുടെ വീഡിയോയും രാഹുൽ കുറിപ്പിനോടൊപ്പം പങ്കുവച്ചിട്ടുണ്ട്.
ദില്ലി: ലോക്സഭാ തെരഞ്ഞെടുപ്പിന്റെ അവസാന ഘട്ട വോട്ടെടുപ്പ് 59 മണ്ഡലങ്ങളിലായി പുരോഗമിക്കുമ്പോൾ അമ്മമാർക്കും സഹോദരിമാർക്കും കോൺഗ്രസ് അധ്യക്ഷൻ രാഹുൽ ഗാന്ധിയുടെ സല്യൂട്ട്. ട്വിറ്ററിലൂടെയാണ് രാഹുൽ അവർക്ക് അഭിവാദ്യമർപ്പിച്ചത്.
‘‘ഇന്ന് തെരഞ്ഞെടുപ്പിന്റെ ഏഴാമത്തെതും അവസാനത്തേതുമായ ഘട്ടമാണ്. സ്ഥാനാർത്ഥികളായി മാത്രമല്ല, അർപ്പണ ബോധമുള്ള വോട്ടർമാരായും നമ്മുടെ അമ്മമാരും സഹോദരിമാരും ഈ തെരഞ്ഞെടുപ്പിൽ മുഖ്യ പങ്കുവഹിച്ചു. അവരുടെ ശബ്ദം കേൾക്കേണ്ടതുണ്ട്. അവർക്ക് എന്റെ സല്യൂട്ട് .’’ രാഹുൽ ഗാന്ധി ട്വീറ്റ് ചെയ്തു.
Today is the 7th and last phase of polling. Our mothers and sisters have played a key role in these elections, not just as candidates, but also as committed voters whose voices must be heard. I salute them all. #AbHogaNYAY pic.twitter.com/2qspqzkKvY
— Rahul Gandhi (@RahulGandhi) May 19, 2019
തുല്യ അവസരങ്ങൾ, ബഹുമാനം, ഏകീകൃത രാജ്യം എന്നിവ ആവശ്യപ്പെടുന്ന സ്ത്രീകളുടെ വീഡിയോയും രാഹുൽ കുറിപ്പിനോടൊപ്പം പങ്കുവച്ചിട്ടുണ്ട്. 30 സെക്കന്റ് ദൈർഘ്യമുള്ളതാണ് വീഡിയോ. കോൺഗ്രസിന്റെ ന്യായ് പദ്ധതി വന്നാൽ സ്ത്രീകൾ ആവശ്യപ്പെടുന്ന കാര്യങ്ങൾ ലഭിക്കുമെന്നുള്ള പ്രത്യാശയും വീഡിയോയിലൂടെ പ്രകടമാകുന്നുണ്ട്.
