ശാസ്ത്രി ഭവൻ തീപിടുത്തം; മോദിക്കെതിരെ രാഹുലിന്റെ ട്വീറ്റ്
ഫയലുകൾ കത്തിച്ച് കളഞ്ഞത് കൊണ്ട് താങ്കൾ രക്ഷപ്പെടില്ലെന്ന് രാഹുലിന്റെ ട്വീറ്റ്. ശാസത്രി ഭവനിലെ തീപിടുത്തം നടന്നതിന് പിന്നാലെയായിരുന്നു ഇത്
ദില്ലി: ശാസ്ത്രി ഭവനിൽ നടന്നുവെന്ന വാർത്തക്ക് പിന്നാലെ നരേന്ദ്രമോദിക്കെതിരെ രാഹുൽ ഗാന്ധിയുടെ ട്വീറ്റ്. ഫയലുകൾ കത്തിച്ച് കളഞ്ഞത് കൊണ്ട് താങ്കൾ രക്ഷപ്പെടില്ലെന്നും അന്ത്യ വിധിയുടെ ദിനം അടുത്തു കഴിഞ്ഞെന്നുമായിരുന്ന് രാഹുലിന്റെ ട്വീറ്റ്.
Modi ji burning files is not going to save you. Your day of judgement is coming. https://t.co/eqFvTJfDgY
— Rahul Gandhi (@RahulGandhi) April 30, 2019
ഇന്ന് ഉച്ചയോടെയാണ് ദില്ലിയിലെ ശാസ്ത്രി ഭവനിന്റെ ഏഴാം നിലയിൽ തീപിടുത്തമുണ്ടായത്. മാനവവിഭവശേഷി മന്ത്രാലയവും വാർത്താവിതരണ മന്ത്രാലയവും അടക്കം പ്രവർത്തിക്കുന്നത് ശാസ്ത്രി ഭവനിലാണ്. ഏഴ് ഫയർ എഞ്ചിനുകൾ എത്തിയാണ് തീ അണച്ചത്. ഷോർട്ട് സർക്യൂട്ടാണ് തീപിടുത്തതിന് കാരണമെന്നാണ് നിഗമനം. ആർക്കും പരിക്കേറ്റതായി റിപ്പോർട്ടില്ല.
#UPDATE: Fire which had broken out at Shastri Bhawan, has now been doused. pic.twitter.com/q6JkwZX0SJ
— ANI (@ANI) April 30, 2019