കേരളത്തിലെ ജനങ്ങള്ക്ക് കിട്ടിയ അംഗീകാരം: മന്ത്രിസ്ഥാനത്തോട് പ്രതികരിച്ച് വി മുരളീധരന്
നരേന്ദ്രമോദി എന്ന പ്രധാനമന്ത്രിയെ പിന്തുണക്കാന് ആരെയും കേരള ജനത തെരഞ്ഞെടുത്തില്ലെങ്കിലും കേരളത്തിലെ ജനങ്ങളെ മോദി കൈവിടില്ലെന്ന് വി മുരളീധരന്
ദില്ലി: പ്രധാനമന്ത്രി നരേന്ദ്രമോദിയുടെ മന്ത്രിസഭയിലേക്ക് കേരളത്തില്നിന്ന് തന്നെ തെരഞ്ഞെടുത്തതിലുള്ള സന്തോഷം പങ്കുവച്ച് വി മുരളീധരന്. കേരളത്തിലെ ജനങ്ങള്ക്ക് കിട്ടിയ അംഗീകരമാണ് തന്റെ മന്ത്രി സ്ഥാനമെന്ന് മുരളീധരന് പ്രതികരിച്ചു.
നരേന്ദ്രമോദി എന്ന പ്രധാനമന്ത്രിയെ പിന്തുണക്കാന് ആരെയും തെരഞ്ഞെടുത്തില്ലെങ്കിലും കേരളത്തിലെ ജനങ്ങളെ മോദി കൈവിടില്ല. ഇതിന്റെ സൂചനയായാണ് മോദി ടീമിന്റെ ഭാഗമാകാന് ക്ഷണിച്ചിരിക്കുന്നതെന്നാണ് താന് മനസ്സിലാക്കുന്നതെന്നും വി മുരളീധരന് പറഞ്ഞു.
ഉത്തരവാദിത്വം അതിന് അര്ഹിക്കുനന് ഗൗരവത്തോടെ നിറവേറ്റാനുള്ള പരിശ്രമമാണ് തന്റെ ഭാഗത്തുനിന്ന് ഉണ്ടാകുക എന്ന് മുരളീധരന് കൂട്ടിച്ചേര്ത്തു. തെരഞ്ഞെടുപ്പില് ബിജെപി വലിയ മുന്നേറ്റം കൈവരിച്ചു. സംസ്ഥാനങ്ങളുടെ ഉയര്ച്ചയ്ക്കുവേണ്ടിയുള്ള ഒരു സര്ക്കാര് രൂപീകരിക്കുന്നു. അത്തരത്തിലാണ് കേരളത്തില്നിന്നുള്ള ഒരു പ്രതിനിധിയെ തെരഞ്ഞെടുത്തിനെ കാണുന്നത്.