എംപ്ലോയീസ് പ്രൊവിഡന്റ് ഫണ്ടിൽ ഇതുവരെ അംഗമല്ലേ? നേട്ടങ്ങൾ ഇവയാണ്
ജീവനക്കാർ വിരമിക്കുന്ന അവസരത്തിൽ സാമ്പത്തിക സുരക്ഷിതത്വം ഇപിഎഫ് ഉറപ്പാക്കുന്നു.
കോർപ്പറേറ്റ് മേഖലയിലെ ജീവനക്കാർക്ക് ലഭ്യമായ റിട്ടയർമെന്റ് പദ്ധതിയാണ് എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) സ്കീം. ജീവനക്കാരും തൊഴിലുടമയും നടത്തുന്ന നിക്ഷേപങ്ങളിലൂടെ റിട്ടയർമെന്റ് കോർപ്പസ് രൂപീകരിക്കുന്നു. ജീവനക്കാർ വിരമിക്കുന്ന അവസരത്തിൽ സാമ്പത്തിക സുരക്ഷിതത്വം ഇപിഎഫ് ഉറപ്പാക്കുന്നു.
ഇപിഎഫിന്റെ നേട്ടങ്ങൾ
● നികുതി ഇളവ്
1961-ലെ ആദായനികുതി നിയമത്തിലെ സെക്ഷൻ 80C പ്രകാരം ജീവനക്കാരൻ നൽകുന്ന സംഭാവനയ്ക്ക് നികുതിയിളവ് ലഭിക്കും. കോർപ്പസിൽ ലഭിക്കുന്ന പലിശയും നികുതി രഹിതമാണ്. കൂടാതെ, 5 വർഷം പൂർത്തിയായതിന് ശേഷം പിൻവലിക്കുകയാണെങ്കിൽ കോർപ്പസ് തുക നികുതി രഹിതമായി തുടരും.
● റിട്ടയർമെന്റ് കോർപ്പസ്
ഇപിഎഫ് സ്കീം ഒരു റിട്ടയർമെന്റ് കോർപ്പസ് ഒരുക്കാൻ സഹായിക്കുന്നു. ഈ തുക വിരമിച്ച ജീവനക്കാരന് സാമ്പത്തിക സുരക്ഷിതത്വത്തിന് സഹായിക്കുന്നു.
● സാമ്പത്തിക അടിയന്തരാവസ്ഥ
സാമ്പത്തിക അത്യാഹിതങ്ങൾ പോലുള്ള അപ്രതീക്ഷിത സാഹചര്യങ്ങളിൽ ഇപിഎഫ് അക്കൗണ്ടിലെ ഉപയോഗിക്കാം. അത്തരം സന്ദർഭങ്ങളിൽ, ജീവനക്കാരന് ഫണ്ടിൽ നിന്ന് പണം ഭാഗികമായി പിൻവലിക്കാം.
● തൊഴിലില്ലായ്മ
ഇപിഎഫ് സ്കീമിന് കീഴിൽ, തൊഴിലില്ലായ്മ സമയത്തും ജീവനക്കാർക്ക് ആനുകൂല്യങ്ങൾ ലഭിക്കും. ഒരു ജീവനക്കാരന് ജോലി നഷ്‌ടപ്പെട്ടാൽ, ഒരു മാസത്തെ തൊഴിലില്ലായ്മയ്ക്ക് ശേഷം സമാഹരിച്ച ഫണ്ടിന്റെ 75% പിൻവലിക്കാം. രണ്ട് മാസത്തെ തൊഴിലില്ലായ്മയ്ക്ക് ശേഷം ഫണ്ടിന്റെ ബാക്കി 25% പിൻവലിക്കാം.
● മരണ ആനുകൂല്യങ്ങൾ
ജീവനക്കാരൻ മരിക്കുകയാണെങ്കിൽ, വെല്ലുവിളി നിറഞ്ഞ സാഹചര്യങ്ങളിൽ കുടുംബത്തിന് സാമ്പത്തിക സഹായം നൽകാൻ കഴിയുന്ന മുഴുവൻ ഇപിഎഫ് കോർപ്പസ് തുകയും സ്വീകരിക്കാൻ നോമിനിക്ക് അർഹതയുണ്ട്
