ആധാർ സൗജന്യമായി പുതുക്കാനുള്ള അവസരം അടുത്ത മാസം അവസാനിക്കും. അഡ്രസ് പ്രൂഫ് എങ്ങനെ അപ്ലോഡ് ചെയ്യാം എന്നറിയാം
രാജ്യത്ത് ഒരു പൗരന്റെ അടിസ്ഥാന രേഖയാണ് ആധാർ കാർഡ്. എല്ലാവിധ ആനുകൂല്യങ്ങളും ലഭിക്കണമെങ്കിൽ തിരിച്ചറിയൽ രേഖയായി ആധാർ ആവശ്യമായുണ്ട്. ആധാർ കാർഡ്. ജനസംഖ്യാപരമായ വിവരങ്ങൾ പുനർമൂല്യപ്പെടുത്തുന്നതിനായി ഐഡന്റിറ്റി പ്രൂഫ്, അഡ്രസ് പ്രൂഫ് ഡോക്യുമെന്റുകൾ അപ്ലോഡ് ചെയ്യാൻ യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) പൗരന്മാരോട് ആവശ്യപ്പെട്ടിട്ടുണ്ട്. പ്രത്യേകിച്ചും ആധാർ കാർഡ് പത്ത് വർഷത്തിന് മുൻപ് എടുത്തതാണെങ്കിൽ. 2023 മാർച്ച് 15 മുതൽ ജൂൺ 14 വരെ ആധാർ കാർഡ് സൗജന്യമായി അപ്ഡേറ്റ് ചെയ്യാം. ജൂൺ 14 കഴിഞ്ഞാൽ ആധാർ കാർഡ് പുതുക്കാൻ പണം നൽകണം.
അതേസമയം, ഈ സേവനം myAadhaar പോർട്ടലിൽ മാത്രമേ സൗജന്യമായിട്ടുള്ളൂവെന്നും മുമ്പത്തെപ്പോലെ ആധാർ കേന്ദ്രങ്ങളിൽ 50 രൂപ ഫീസ് ഈടാക്കുന്നത് തുടരുമെന്നും ശ്രദ്ധിക്കുക.
ALSO READ: ആധാർ കാർഡ് പുതുക്കിയില്ലേ? ഈ തീയതി കഴിഞ്ഞാൽ പണം നൽകണം
പേര്, ജനനത്തീയതി, വിലാസം മുതലായ ജനസംഖ്യാപരമായ വിശദാംശങ്ങൾ മാറ്റേണ്ട ആവശ്യമുണ്ടെങ്കിൽ, തീർച്ചയായും ഓൺലൈൻ അപ്ഡേറ്റ് സേവനം ഉപയോഗിക്കാം. ല്ലെങ്കിൽ അടുത്തുള്ള ആധാർ കേന്ദ്രം സന്ദർശിക്കാം.
അഡ്രസ് പ്രൂഫ് എങ്ങനെ സൗജന്യമായി അപ്ലോഡ് ചെയ്യാം
ഘട്ടം 1: https://myaadhaar.uidai.gov.in/ സന്ദർശിക്കുക
ഘട്ടം 2: ലോഗിൻ ചെയ്ത് 'പേര്/ലിംഗഭേദം/ ജനനത്തീയതി & വിലാസ അപ്ഡേറ്റ്' തിരഞ്ഞെടുക്കുക
ഘട്ടം 3: ‘ആധാർ ഓൺലൈനിൽ അപ്ഡേറ്റ് ചെയ്യുക’ എന്നതിൽ ക്ലിക്ക് ചെയ്യുക
ഘട്ടം 4: ജനസംഖ്യാപരമായ ഓപ്ഷനുകളുടെ ലിസ്റ്റിൽ നിന്ന് 'വിലാസം' തിരഞ്ഞെടുത്ത് 'ആധാർ അപ്ഡേറ്റ് ചെയ്യാൻ തുടരുക' ക്ലിക്ക് ചെയ്യുക
ഘട്ടം 5: സ്കാൻ ചെയ്ത ഒരു പകർപ്പ് അപ്ലോഡ് ചെയ്ത് ആവശ്യമായ വിവരങ്ങൾ നൽകുക.
ഘട്ടം 6: 50 രൂപ അടയ്ക്കുക. (ജൂൺ 15 വരെ ആവശ്യമില്ല).
ഘട്ടം 7: ഒരു സേവന അഭ്യർത്ഥന നമ്പർ (SRN) ജനറേറ്റുചെയ്യും. പിന്നീട് സ്റ്റാറ്റസ് ട്രാക്കുചെയ്യുന്നതിന് ഇത് ഉപയോഗിക്കാം.
പരിശോധന പൂർത്തിയാകുമ്പോൾ, നിങ്ങൾക്ക് ഒരു എസ്എംഎസ് ലഭിക്കും
