നേതാക്കളെ വിട്ടയക്കണമെന്നാവശ്യപ്പെട്ട് സമരം നടത്തിയ 132 എസ്ഡിപിഐക്കാര് റിമാന്ഡില്
എസ്.ഡി.പി.ഐ എറണാകുളം ജില്ല കമ്മിറ്റിയുടെ നേതൃത്വത്തില് നടന്ന മാര്ച്ചിന് അനുമതി ഇല്ലാത്തതിനാല് പ്രവര്ത്തകരെ പോലീസ് ഇന്നലെ അറസ്റ്റ് ചെയ്തിരുന്നു
കൊച്ചി: ഇന്നലെ ആലുവ എസ്.പി ഓഫീസിലേക്ക് മാര്ച്ച് നടത്തിയ 132 എസ്.ഡി.പി.ഐ പ്രവര്ത്തകരെ റിമാന്ഡ് ചെയ്തു. മഹാരാജാസ് കോളേജിലെ എസ്.എഫ്.ഐ നേതാവ് അഭിമന്യുവിന്റെ കൊലപാതകവുമായി ബന്ധപ്പെട്ട് നേരത്തെ പൊലീസ് അറസ്റ്റ് ചെയ്ത ജില്ലാ നേതാക്കളെ വിട്ടയക്കണം എന്നാവശ്യപ്പെട്ടായിരുന്നു ഇന്നലെ മാര്ച്ച് നടത്തിയത്.
എസ്.ഡി.പി.ഐ എറണാകുളം ജില്ല കമ്മിറ്റിയുടെ നേതൃത്വത്തില് നടന്ന മാര്ച്ചിന് അനുമതി ഇല്ലാത്തതിനാല് പ്രവര്ത്തകരെ പോലീസ് ഇന്നലെ അറസ്റ്റ് ചെയ്തിരുന്നു. ഇന്ന് പുലര്ച്ചെയാണ് ഇവരെ മജിസ്ട്രേറ്റിന് മുന്നില് ഹാജരാക്കി റിമാന്ഡ് ചെയ്തത്. ഐപിസി 143, 147, 149, 283, 353 എന്നീ വകുപ്പുകള് പ്രകാരം നിയമവിരുദ്ധമായി സംഖം ചേരല്, കലാപം ഉണ്ടാക്കല്,
പൊതുവഴി തടസപ്പെടുത്തല്, ജോലി തടസപ്പെടുത്തല് തുടങ്ങിയ കുറ്റങ്ങളാണ് എസ്.ഡി.പി.ഐ പ്രവര്ത്തകര്ക്കെതിരെ ചുമത്തിയിരിക്കുന്നത്.