Asianet News MalayalamAsianet News Malayalam

ലോ അക്കാദമി സമരം ശക്തമാകും; ഇന്ന് എബിവിപി വിദ്യാഭ്യാസ ബന്ദ്

law academy protest enters 29th day
Author
First Published Feb 8, 2017, 1:34 AM IST

തിരുവനന്തപുരം: ലോ അക്കാദമിയിലെ സമരം ഇന്ന് ഇരുപത്തിയൊമ്പതാം  ദിവസത്തിലേക്ക്. കഴിഞ്ഞ ദിവസം നടന്ന സംഘർഷത്തിനിടെ ഒരാൾ കുഴഞ്ഞു വീണ് മരിച്ച സാഹചര്യത്തിൽ സമരത്തിന്റെ രൂപം മാറാനാണ് സാധ്യത. സമരം കൂടുതല്‍  സംഘര്‍ഷത്തിലേക്ക് നീങ്ങാന്‍ സാധ്യതയുണ്ടെന്നാണ് പൊലീസ് റിപ്പോര്‍ട്ടും. എബിവിപി ഇന്ന് സംസ്ഥാന വ്യാപകമായി ബന്ദ് പ്രഖ്യാപിച്ചിട്ടുണ്ട്.

കഴിഞ്ഞദിവസം വൈകുന്നേരം നാടകീയ സംഭവങ്ങളാണ് ഉണ്ടായത്. അത്മഹത്യാ ഭീഷണിയുമായി എബിവിപി പ്രവർത്തകൻ മരത്തിന് മുകളിൽ കയറുകയും കെ എസ് യു പ്രവർത്തകർ ദേഹത്ത് പെട്രോൾ ഒഴിച്ചതുമൊക്കെ. ഇതേത്തുടർ പൊലീസ് നടപടി ശക്തമാക്കി. തുടർന്നുണ്ടായ സംഘർഷത്തിനിടെയാണ് അബ്ദുൽ ജബ്ബാർ എന്നയാൾ കുഴഞ്ഞുവീണ് മരിച്ചത്. സമരത്തിനിടെ ഒരാൾ മരിച്ച സാഹചര്യത്തിൽ പ്രതിഷേധം ശക്തമാക്കാനാണ് സമരക്കാരുടെ തീരുമാനം. കോൺഗ്രസ് നേതാവ് കെ മുരളീധരൻ, ബിജെപി നേതാവ് വി വി രാജേഷ് എന്നിവരുടെ നിരാഹാര സമരം തുടരുകയാണ്.

Follow Us:
Download App:
  • android
  • ios