താജ്മഹൽ കണ്ടിട്ടെങ്കിലും മോദി സ്നേഹവും അനുകമ്പയുമെന്തെന്ന് പഠിക്കട്ടെ: അഖിലേഷ് യാദവ്
താജ്മഹൽ കണ്ടിട്ടെങ്കിലും സ്നേഹവും അനുകമ്പയുമെന്താണെന്ന് പ്രധാനമന്ത്രി നരേന്ദ്ര മോദി പഠിക്കെട്ടെയെന്ന് സമാജ് വാദി പാർട്ടി നേതാവ് അഖിലേഷ് യാദവ്.
ലഖ്നൗ: താജ്മഹൽ കണ്ടിട്ടെങ്കിലും സ്നേഹവും അനുകമ്പയുമെന്താണെന്ന് പ്രധാനമന്ത്രി നരേന്ദ്ര മോദി പഠിക്കെട്ടെയെന്ന് സമാജ് വാദി പാർട്ടി നേതാവ് അഖിലേഷ് യാദവ്. ആഗ്ര സന്ദർശിക്കാനെത്തുന്ന പ്രധാനമന്ത്രിയെ പരോക്ഷമായി പരിഹസിച്ചു കൊണ്ടായിരുന്നു അഖിലേഷിന്റെ ഈ ട്വീറ്റ്.
उम्मीद है देश के प्रधान ताजमहल से प्रेम-मोहब्बत का पाठ पढ़कर जाएँगे और अपने आनंद-विहार के बाद यहाँ के आसपास के आलू ,गन्ने और धान के किसानों के दुख-दर्द भी उनको याद आएँगे. दिल्ली से यूपी इतना दूर पहले कभी न था कि उसके बदहाल किसानों और व्यापारियों की देश के सिरमौर को ख़बर न हो. pic.twitter.com/gRfZuKsRHB
— Akhilesh Yadav (@yadavakhilesh) January 9, 2019
ആഗ്രയിലെത്തുമ്പോഴെങ്കിലും ഉരുളക്കിഴങ്ങ് കർഷകരുടെയും കരിമ്പും നെല്ലും കൃഷി ചെയ്യുന്നവരുടെയും സങ്കടങ്ങളും പ്രതിസന്ധികളും കാണാൻ മോദിക്ക് കഴിയട്ടെയെന്നും യാദവ് തന്റെ ട്വീറ്ററിൽ കുറിച്ചിട്ടുണ്ട്. ദില്ലിയിൽ നിന്നും അധികം അകലെയല്ല ആഗ്രയെന്നും മോദി മനസ്സിലാക്കണം. 2980 കോടി ചെലവഴിച്ച വിവിധ പദ്ധതികളുടെ ഉദ്ഘാടനം നിർവ്വഹിക്കാനാണ് മോദി ആഗ്രയിലെത്തുന്നത്. പ്രധാനമന്ത്രിയായതിന് ശേഷം ഇത് രണ്ടാം തവണയാണ് മോദിയുടെ ആഗ്രാ സന്ദർശനം.
