ഗൂഗിൾ, മക്കിൻസി, ഹിന്ദുസ്ഥാൻ യൂണിലെവർ എന്നിവിടങ്ങളിൽ പ്രവർത്തിച്ച ശേഷമാണ് അദ്ദേഹം ജിയോസ്റ്റാറിൽ ചേരുന്നത്.
മുംബൈ: ഇഷാന് ചാറ്റര്ജിയെ ജിയോസ്റ്റാറിന്റെ സ്പോര്ട്സ് വിഭാഗത്തിന്റെ സിഇഒയായി നിയമിച്ചു. ഗൂഗിള്, മക്കിന്സി, ഹിന്ദുസ്ഥാന് യൂനിലെവര് എന്നിവിടങ്ങളില് പ്രവര്ത്തിച്ച ശേഷമാണ് ഇഷാന് ചാറ്റര്ജി ജിയോസ്റ്റാറില് ചേരുന്നത്. നിലവില് ജിയോസ്റ്റാറിന്റെ ചീഫ് ബിസിനസ് ഓഫീസര് - സ്പോര്ട്സ് റവന്യൂ, എസ്എംബി & ക്രിയേറ്റേഴ്സ് ആയി സേവനം അനുഷ്ഠിക്കുകയായിരുന്നു ഇഷാന്. ഇദ്ദേഹം ജിയോസ്റ്റാറിന്റെ സ്പോര്ട്സ് ആന്ഡ് ലൈവ് എക്സ്പീരിയന്സസ് വിഭാഗത്തിന്റെ സിഇഒ ആയി നിയമിതനായതായി കമ്പനി തിങ്കളാഴ്ച അറിയിച്ചു.
ടിവിയും ഡിജിറ്റലും ഉള്പ്പെടെയുള്ള ജിയോസ്റ്റാറിന്റെ മുഴുവന് സ്പോര്ട്സ് ബിസിനസിനെയും മേല്നോട്ടം ഇഷാന് വഹിക്കും. ഡിജിറ്റല് വിഭാഗം സിഇഒ കിരണ് മണിക്ക് കീഴിലായിരിക്കും ഇഷാന് ഉണ്ടാവുക. കൂടാതെ അദ്ദേഹം വൈസ് ചെയര്മാന് ഉദയ് ശങ്കറിനോടൊപ്പം നിര്ണായക തീരുമാനങ്ങളിലും പങ്കാളിയാകും. സ്പോര്ട്സ് ട്രാന്സ്ഫര്മേഷനും, സ്റ്റേക്ക്ഹോള്ഡര് ബന്ധങ്ങള്ക്കും ഒരുമിച്ചും പ്രവര്ത്തിക്കും. ഇഷാന് ജിയോഹോട്ട്സ്റ്റാറിന്റെ മൊത്തം മൊണറ്റൈസേഷന് സ്റ്റ്രാറ്റജിക്കും വരുമാന വളര്ച്ചയ്ക്കുമുള്ള നേതൃത്വം നല്കും.
ഇക്കോസിസ്റ്റം വളര്ത്തുന്നതിനും ജിയോസ്റ്റാറിനെ സജീവ വേദിയാക്കി മാറ്റുന്നതിനും അദ്ദേഹം നേതൃത്വം നല്കും. 20 വര്ഷത്തെ ബിസിനസ് - റവന്യൂ ആധാരമായ അനുഭവ സമ്പത്ത്, ഡിജിറ്റല് പ്ലാറ്റ്ഫോമുകള് മാനേജ് ചെയ്യുന്നതിനും വളര്ച്ചയിലേക്ക് നയിക്കുന്നതിലും ഗഹന പരിചയമുള്ള വ്യക്തിയാണ് ഇഷാന്. ഗൂഗിളില് 13 വര്ഷം സേവനം അനുഷ്ഠിച്ച അദ്ദേഹം, യുട്യൂബ് ഇന്ത്യ മാനേജിംഗ് ഡയറക്റ്റര് ആയിരുന്നു. അതിന് മുമ്പ് അദ്ദേഹം മക്കിന്സി, ഹിന്ദുസ്ഥാന് യൂനിലെവര് എന്നിവിടങ്ങളിലും പ്രവര്ത്തിച്ചിട്ടുണ്ട്.
ഇതിനിടെ മുന് സിഇഒ സഞ്ജോഗ് ഗുപ്തയെ ഐസിസി തങ്ങളുടെ ഔദ്യോഗിക സിഇഒ ആയി പ്രഖ്യാപിച്ചു. ഐസിസിയുടെ ഏഴാമത്തെ സിഇഒയാണ് അദ്ദേഹം. മാര്ച്ചില് തുടങ്ങിയ ഗ്ലോബല് റിക്രൂട്ട്മെന്റ് പ്രോസസില് നിന്നാണ് ഗുപ്ത തെരഞ്ഞെടുക്കപ്പെട്ടത്. 25 രാജ്യങ്ങളില് നിന്ന് 2500ത്തോളം അപേക്ഷകള് ഐസിസിക്ക് ലഭിച്ചിരുന്നു. ''ക്രിക്കറ്റ് വളര്ച്ചയിലേക്കുള്ള പാതയിലാണ്. ലോകമെമ്പാടും രണ്ടരക്കോടിയോളം ആരാധകരുണ്ട് ക്രിക്കറ്റിന്. കായിക ഇനത്തില് ഒളിംപിക് അംഗീകാരം കിട്ടിയത് വലിയ നേട്ടമാണ്.'' ഗുപ്ത പറഞ്ഞു.
