നടുറോഡില് സംഘര്ഷം; സൗദിയില് എട്ടുപേര് അറസ്റ്റില്
സംഘര്ഷത്തിന്റെ വീഡിയോ പ്രചരിച്ചതിനെ തുടര്ന്നാണ് ഇവരെ അറസ്റ്റ് ചെയ്തത്.
റിയാദ്: സൗദി അറേബ്യയില് പൊതുസ്ഥലത്ത് സംഘര്ഷത്തിലേര്പ്പെട്ട എട്ടുപേരെ പൊലീസ് അറസ്റ്റ് ചെയ്തു. സൗദി പൗരന്മാരാണ് അറസ്റ്റിലായത്. ഈ മാസം ഇത്തരത്തിലുള്ള രണ്ടാമത്തെ അറസ്റ്റാണിത്.അല് നൈരിയ പ്രവിശ്യയിലെ പൊതുസ്ഥലത്താണ് സംഘര്ഷം ഉണ്ടായത്. സംഘര്ഷത്തിന്റെ വീഡിയോ പ്രചരിച്ചതിനെ തുടര്ന്നാണ് ഇവരെ അറസ്റ്റ് ചെയ്തത്. അറസ്റ്റിലായവര്ക്കെതിരെ നിയമനടപടികള് സ്വീകരിച്ചു. ഇവരെ പബ്ലിക് പ്രോസിക്യൂഷന് കൈമാറിയതായി പൊലീസ് വ്യക്തമാക്കി.
കഴിഞ്ഞ ദിവസം സൗദിയിലെ ഒരു പാര്ക്കില് കാല്നടയാത്രക്കാരെ ശല്യം ചെയ്ത 17 പേരെ പൊലീസ് പിടികൂടിയിരുന്നു. പൗരന്മാരും താമസക്കാരും ഉള്പ്പെടെയാണ് പിടിയിലായത്. ഹഫ് ര് അല് ബാതിന് പൊലീസാണ് ഇവരെ പിടികൂടിയത്. പ്രതികള് ഗതാഗതം തടസ്സപ്പെടുത്തുകയും ഔദ്യോഗിക വാഹനങ്ങളില് അതിക്രമിച്ച് കടക്കുകയും ചെയ്തതായി പൊലീസ് അറിയിച്ചു. പിടിയിലായവരെ തുടര് നിയമ നടപടികള്ക്കായി പബ്ലിക് പ്രോസിക്യൂഷന് കൈമാറിയിട്ടുണ്ട്.
അമ്യൂസ്മെന്റ് പാര്ക്കുകളിലെ ഏഴു തൊഴിലുകള് സ്വദേശിവത്കരിക്കില്ലെന്ന് മാനവ വിഭവശേഷി മന്ത്രാലയം
സൗദിയില് കള്ളനോട്ട് നിര്മ്മാണ കേന്ദ്രത്തില് റെയ്ഡ് വിദേശികള് ഉള്പ്പെടെ പിടിയില്
റിയാദ്: സൗദി അറേബ്യയില് കള്ളനോട്ട് നിര്മ്മാണ കേന്ദ്രത്തില് നടത്തിയ പരിശോധനയില് വിദേശികള് ഉള്പ്പെടെ പിടിയില്. സൗദി പൗരനും സിറിയ, യെമന്, ഈജിപ്ത് സ്വദേശികളുമാണ് റിയാദ് പൊലീസിന്റെ പിടിയിലായത്.
റിയാദിലെ വെയര്ഹൗസ് കേന്ദ്രീകരിച്ചാണ് പ്രതികള് കള്ളനോട്ടുകള് അച്ചടിച്ചിരുന്നത്. പ്രതികള് അച്ചടിച്ച വിദേശ രാജ്യങ്ങളുടെ വ്യാജ കറന്സികളുടെ വന് ശേഖരമാണ് ഇവിടെ നിന്ന് പൊലീസ് പിടിച്ചെടുത്തത്. കള്ളനോട്ട് നിര്മ്മിക്കാന് ഉപയോഗിച്ചിരുന്ന യന്ത്രവും മറ്റ് സജ്ജീകരണങ്ങളും ഇവിടെ നിന്ന് കണ്ടെത്തി.
നിര്മാണത്തിലിരുന്ന കെട്ടിടത്തില് നിന്നു വീണ് പ്രവാസി മരിച്ചു
നിയമാനുസൃത നടപടികള് സ്വീകരിച്ച ശേഷം പ്രതികള്ക്കെതിരായ കേസ് പബ്ലിക് പ്രോസിക്യൂഷന് കൈമാറിയതായി റിയാദ് പൊലീസ് അറിയിച്ചു. പൊലീസ് റെയ്ഡ് നടത്തുന്ന ദൃശ്യങ്ങള് ഉള്പ്പെടുന്ന വീഡിയോ ആഭ്യന്തര മന്ത്രാലയം പുറത്തുവിട്ടിട്ടുണ്ട്.