യാംബുവിൽ 15 വർഷമായി ഒരു സ്വകാര്യ കമ്പനിയുടെ മാനേജരാണ്.
റിയാദ്: സൗദി പടിഞ്ഞാറൻ പ്രവിശ്യയിലെ യാംബുവിൽ ഹൈദരാബാദ് സ്വദേശി ഹൃദയാഘാതം മൂലം മരിച്ചു. മിർസ ഇബ്റാഹിം ബൈഗ് (42) ആണ് നെഞ്ചുവേദനയെ തുടർന്ന് യാംബു നാഷനൽ ആശുപത്രിയിലേക്ക് കൊണ്ടുപോകും വഴി ശനിയാഴ്ച രാവിലെ മരിച്ചത്.
യാംബുവിൽ 15 വർഷമായി ഒരു സ്വകാര്യ കമ്പനിയുടെ മാനേജരാണ്. പിതാവ്: പരേതനായ മിർസ റഹിം ബൈഗ്. മാതാവ്: സുലൈഖ ബീഗം. ഭാര്യ: ശാരിഖ സന. മക്കൾ: ഇസ്മാഈൽ ബൈഗ്, സിയാദ് ബൈഗ്, മിൻഹ ഫാത്തിമ, അമ്മാറ ഫാത്തിമ, റുഷ്ദ ഫാത്തിമ. യാംബു റോയൽ കമീഷൻ ആശുപത്രിയിലുള്ള മൃതദേഹം നടപടികൾ പൂർത്തിയാക്കി യാംബുവിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു. യാംബുവിലുള്ള സഹോദരൻ മിർസ ഇസ്ഹാഖ് ബൈഗും പ്രവാസി വെൽഫെയർ യാംബു മേഖല കമ്മിറ്റി നേതാക്കളും നടപടികൾ പൂർത്തിയാക്കാൻ രംഗത്തുണ്ട്.
Read Also - മണിക്കൂറുകൾ നീണ്ട തെരച്ചില്; സൗദിയിൽ വെള്ളക്കെട്ടിൽ മുങ്ങിമരിച്ച 10 വയസ്സുകാരന്റെ മൃതദേഹം കണ്ടെത്തി
ദുബൈയില് വാഹനാപകടത്തില് രണ്ടു മരണം, രണ്ടു പേര്ക്ക് ഗുരുതര പരിക്ക്
ദുബൈ: ദുബൈയിലുണ്ടായ വാഹനാപകടത്തില് രണ്ടു മരണം. രണ്ടു പേര്ക്ക് ഗുരുതര പരിക്കേറ്റു. ശൈഖ് മുഹമ്മദ് ബിന് സായിദ് റോഡിലാണ് അപകടമുണ്ടായത്.
വെള്ളിയാഴ്ച രാവിലെ അഞ്ചു മണിക്കാണ് അപകടം സംഭവിച്ചത്. പിക്കപ്പും ട്രക്കും കൂട്ടിയിടിക്കുകയായിരുന്നു. വാഹനങ്ങള് തമ്മില് കൃത്യമായ അകലം പാലിക്കാതിരുന്നതാണ് അപകടത്തിന് കാരണമെന്ന് പൊലീസ് പറഞ്ഞു. രാവിലെ അഞ്ചു മണിക്ക് അപകടത്തെ കുറിച്ചുള്ള വിവരം പൊലീസ് കമാന്ഡ് ആന്ഡ് കണ്ട്രോള് റൂമില് ലഭിച്ചതായി ദുബൈ പൊലീസിലെ ജനറല് ട്രാഫിക് വകുപ്പ് ആക്ടിങ് ഡയറക്ടര് ബ്രിഗേഡിയര് ജുമാ സാലിം ബിന് സുവൈദാന് പറഞ്ഞു. ട്രക്കില് നിന്ന് മതിയായ അകലം പാലിക്കാന് പിക്കപ്പ് ഡ്രൈവര് ശ്രദ്ധിക്കാതിരുന്നതാണ് അപകടത്തിന്റെ കാരണമെന്നാണ് പ്രാഥമിക അന്വേഷണത്തില് വ്യക്തമായതെന്ന് അദ്ദേഹം പറഞ്ഞു.
വിവരം ലഭിച്ച ഉടനെ എമര്ജന്സി ടീമുകള്, ട്രാഫിക് പൊലീസ് പട്രോള് സംഘം എന്നിവ സ്ഥലത്തെത്തി പരിക്കേറ്റവര്ക്ക് അടിയന്തര മെഡിക്കല് സഹായം ലഭ്യമാക്കി. പരിക്കേറ്റവരെ ആശുപത്രിയിലെത്തിച്ചു.
