കൊവിഡ് ബാധിച്ച് ചികിത്സയിലായിരുന്ന പ്രവാസി മലയാളി മരിച്ചു
നാലുദിവസമായി ആശുപത്രിയിൽ ചികിത്സയിലായിരുന്നു. പരിശോധനയിൽ കൊവിഡ് സ്ഥിരീകരിച്ചിരുന്നു.
റിയാദ്: കൊവിഡ് ബാധിച്ച് ചികിത്സയിലായിരുന്ന മലയാളി സൗദി അറേബ്യയിലെ റിയാദിൽ മരിച്ചു. മലപ്പുറം കോട്ടപ്പടി സ്വദേശി മച്ചിങ്ങൽ നജീബ്(50) ആണ് ചൊവ്വാഴ്ച പുലർച്ചെ റിയാദിലെ ആശുപത്രിയിൽ മരിച്ചത്. നാലുദിവസമായി ആശുപത്രിയിൽ ചികിത്സയിലായിരുന്നു.
പരിശോധനയിൽ കൊവിഡ് സ്ഥിരീകരിച്ചിരുന്നു. പരേതനായ തിരികൊട്ടിൽ കോയയുടെയും മൈമൂനത്തിെൻറയും മകനാണ്. ഭാര്യ: റൈഹാനത്ത്. മക്കൾ: ജഹാന ഷെറിൻ, ജസീം, ജാഹിസ്. സഹോദരങ്ങൾ: ഹമീദ് (റിയാദ്), നസീമ, റജീന. മൃതദേഹം റിയാദിൽ ഖബറടക്കുന്നതിനുള്ള നടപടിക്രമങ്ങൾ പൂർത്തിയാക്കുന്നതിന് കെ.എം.സി.സി നേതാവ് അഷ്റഫ് വേങ്ങാട്ട്, വെൽഫെയർ വിങ് പ്രവർത്തകരായ സിദ്ദീഖ് തുവ്വൂർ, മുനീർ മക്കാനി എന്നിവർ രംഗത്തുണ്ട്.
യുഎഇയില്‍ നേരിയ ആശ്വാസം; കൊവിഡ് മുക്തരുടെ എണ്ണം ഉയരുന്നു; ഇന്ന് 993 പേര്‍ക്ക് കൂടി രോഗം ഭേദമായി
