കുവൈത്ത് ഇന്ത്യന് എംബസി ഓപ്പണ് ഹൗസ് സംഘടിപ്പിക്കുന്നു
2021ല് ഇന്ത്യയും കുവൈത്തും തമ്മില് ഒപ്പുവെച്ച് നടപ്പില് വരുത്തിയ ഗാര്ഹിക തൊഴിലാളി റിക്രൂട്ട്മെന്റ് കരാര് സംബന്ധിച്ച് വിശദമായി ചര്ച്ച ചെയ്യും. തൊഴിലുടമയും ഗാര്ഹിക തൊഴിലാളികളും തമ്മിലുള്ള അവകാശങ്ങളും ബാധ്യതകളും വിവരിക്കുന്ന ധാരണാ പത്രത്തിനൊപ്പം ഗാര്ഹിക തൊഴിലാളികള്ക്ക് 24 മണിക്കൂര് സഹായം ഉറപ്പു നല്കുന്ന സംവിധാനവും സ്ഥാപിച്ചിട്ടുണ്ട്.
കുവൈത്ത് സിറ്റി: കുവൈത്തിലെ ഇന്ത്യന് എംബസി ഓപ്പണ് ഹൗസ് സംഘടിപ്പിക്കുന്നു. ഗാര്ഹിക തൊഴിലാളികളുടെ റിക്രൂട്ട്മെന്റും ക്ഷേമവും എന്ന വിഷയത്തിലാണ് ഓപ്പണ് ഹൗസ് സംഘടിപ്പിക്കുന്നത്. 29ന് വൈകിട്ട് ആറിന് എംബസിയിലാണ് പരിപാടി.
2021ല് ഇന്ത്യയും കുവൈത്തും തമ്മില് ഒപ്പുവെച്ച് നടപ്പില് വരുത്തിയ ഗാര്ഹിക തൊഴിലാളി റിക്രൂട്ട്മെന്റ് കരാര് സംബന്ധിച്ച് വിശദമായി ചര്ച്ച ചെയ്യും. തൊഴിലുടമയും ഗാര്ഹിക തൊഴിലാളികളും തമ്മിലുള്ള അവകാശങ്ങളും ബാധ്യതകളും വിവരിക്കുന്ന ധാരണാ പത്രത്തിനൊപ്പം ഗാര്ഹിക തൊഴിലാളികള്ക്ക് 24 മണിക്കൂര് സഹായം ഉറപ്പു നല്കുന്ന സംവിധാനവും സ്ഥാപിച്ചിട്ടുണ്ട്. കൊവിഡ് വാക്സിന് സ്വീകരിച്ച എല്ലാ ഇന്ത്യക്കാര്ക്കും ഓപ്പണ് ഹൗസില് പങ്കെടുക്കാം. പ്രത്യേകമായി എന്തെങ്കിലും അന്വേഷിക്കേണ്ടവര് പേര്, പാസ്പോര്ട്ട് നമ്പര്, സിവില് ഐഡി നമ്പര്, ഫോണ് നമ്പര്, കുവൈത്തിലെ വിലാസം എന്നിവ ഉള്പ്പെടെ amboff.kuwait@mea.gov.in എന്ന വിലാസത്തില് അറിയിക്കണം.
വാഹനത്തില് കണ്ടെത്തിയത് ലഹരിമരുന്നും ആയുധങ്ങളും പണവും; കുവൈത്തില് ഒരാള് പിടിയില്
കുവൈറ്റ് മനുഷ്യക്കടത്ത്: മുഖ്യപ്രതി ഗസാലിയെ കേരളത്തിലെത്തിക്കാന് നീക്കം, വിവരങ്ങള് കൈമാറാതെ അജുമോന്
കൊച്ചി: കുവൈറ്റ് മനുഷ്യക്കടത്ത് കേസിൽ മുഖ്യപ്രതി ഗസാലിയെ കേരളത്തില് എത്തിക്കാന് അന്വേഷണ സംഘം. കേസിൽ അന്വേഷണം തുടങ്ങി ഒരുമാസം പിന്നിടുമ്പോഴും മുഖ്യപ്രതി ഗസാലിയെന്ന മജീദിനെ പിടികൂടാൻ പൊലീസിനായിട്ടില്ല. വ്യാഴാഴ്ച കണ്ണൂർ മരക്കാർകണ്ടിയിൽ അന്വേഷണ സംഘം എത്തിയിട്ടും വിവരങ്ങളൊന്നും കിട്ടിയിട്ടില്ല. കുവൈറ്റിൽ ഗസാലിയുടെ റിക്രൂട്ട്മെന്റ് സ്ഥാപനം പൂട്ടിയതോടെ അവിടെ നിന്നും ഇയാള് രക്ഷപ്പെട്ടോ എന്നും പൊലീസ് സംശയിക്കുന്നു. ഉടൻ തന്നെ കുവൈറ്റ് സർക്കാരുമായി ബന്ധപ്പെടാനുള്ള നടപടികളിലേക്ക് അന്വേഷണ സംഘം കടക്കുകയാണ്. കേരളത്തിൽ നിന്നും യുവതികളെ കുവൈറ്റിലയച്ച അജുമോനെ പിടികൂടി ചോദ്യം ചെയ്തിട്ടും കാര്യമായ വിവരങ്ങൾ കിട്ടിയിട്ടില്ല.
'കഴിക്കാൻ ഒരുകുബ്ബൂസ് മാത്രം, ലൈംഗിക തൊഴിലാളിയാകാൻ നിർബന്ധിച്ചു'; ശാലിനിയുടെ പൊള്ളുന്ന അനുഭവം
ഇരുപതിലധികം യുവതികളെ കുവൈറ്റിലയച്ചു എന്നാണ് അജുമോൻ പൊലീസിനെ അറിയിച്ചത്. പിന്നീട് കുവൈറ്റിൽ നടന്ന വിൽപ്പനയും ചൂഷണവും തന്റെ അറിവോടെയല്ലെന്നാണ് അജുമോന്റെ മൊഴി. എന്നാൽ തങ്ങൾ നേരിട്ട ക്രൂരതകൾ അജുമോനെ അറിയിച്ചിട്ടും കയ്യൊഴിഞ്ഞുവെന്നാണ് രക്ഷപ്പെട്ടെത്തിയ യുവതികളുടെ മൊഴി. അജുമോനൊപ്പം റിക്രൂട്ടിംഗിനായി പ്രവർത്തിച്ച ആനന്ദിനെ എറണാകുളം സൗത്ത് പൊലീസ് ചോദ്യം ചെയ്തു. എന്നാൽ അറസ്റ്റ് രേഖപ്പെടുത്തിയിട്ടില്ല. കുവൈറ്റിൽ നിന്നും കൂടുതൽ യുവതികൾ രക്ഷപ്പെട്ട് മടങ്ങിയെത്തുന്നതും പൊലീസ് നിരീക്ഷിക്കുന്നു. എന്നാൽ ഇവർ പരാതി നൽകിയിട്ടില്ല. കേരളത്തിലെ മാധ്യമവാർത്തകളും പൊലീസ് നടപടികളും പ്രവാസി സംഘടനകളുടെ ഇടപെടലും യുവതികൾക്ക് നാട്ടിലെത്താൻ സഹായകമായിട്ടുണ്ട്. പൊലീസ് മനുഷ്യക്കടത്ത് ചുമത്തിയിട്ടും എൻഐഎ ഇതുവരെ വിശദമായ അന്വേഷണത്തിലേക്ക് കടന്നിട്ടില്ല.