സൗദിയിലെ താമസസ്ഥലത്ത് മരിച്ച മലയാളിയുടെ മൃതദേഹം നാട്ടിലെത്തിച്ചു
30 വർഷമായി സ്വകാര്യ കമ്പനിയിൽ വെൽഡറായി ജോലി ചെയ്യുകയായിരുന്ന അദ്ദേഹം നാല് വർഷം മുമ്പാണ് അജി അവസാനമായി നാട്ടിൽ പോയി മടങ്ങിയത്.
റിയാദ്: സൗദി അറേബ്യയിലെ താമസസ്ഥലത്ത് മരിച്ച പ്രവാസി മലയാളിയുടെ മൃതദേഹം ഇന്ന് നാട്ടിലെത്തിച്ചു. മെയ് നാലിന് റിയാദിന് സമീപം ശഖറ എന്ന സ്ഥലത്തെ താമസസ്ഥലത്താണ് എറണാകുളം പറവൂർ മന്നം എടയാറ്റ് വീട്ടിൽ അജയകുമാർ എന്ന അജി (58) മരിച്ചത്.
30 വർഷമായി ഇവിടെ സ്വകാര്യ കമ്പനിയിൽ വെൽഡറായി ജോലി ചെയ്യുകയായിരുന്നു. നാല് വർഷം മുമ്പാണ് അജി അവസാനമായി നാട്ടിൽ പോയി മടങ്ങിയത്. ഭാര്യ: ശ്രീന. മക്കൾ: ആർച്ച, നികേതന. പിതാവ്: അടയാറ്റ് ബാലകൃഷ്ണൻ. മാതാവ്: ഭവാനി. സഹോദരങ്ങൾ: രത്നാകരൻ, ദിനേശൻ, അനിൽ കുമാർ, ഷെല്ലി.
Read also: ബാൽക്കണിയിൽ നിന്ന് താഴെ വീണ് മരിച്ച പ്രവാസിയുടെ മൃതദേഹം നാട്ടിലെത്തിച്ചു
പ്രവാസി മലയാളി കുവൈത്തില് നിര്യാതനായി
കുവൈത്ത് സിറ്റി: കണ്ണൂര് സ്വദേശിയായ പ്രവാസി കുവൈത്തില് നിര്യാതനായി. എരഞ്ഞോളി പഞ്ചായത്തിലെ തോട്ടുമ്മല് സ്വദേശി പ്രദീപന് എന്. പാലോറന് (50) ആണ് മരിച്ചത്. കുവൈത്തിലെ ഫഹാഹീലില് ഇലക്ട്രിക്കല് ഷോപ്പിലെ ജീവനക്കാരനായിരുന്നു.
ഫ്രണ്ട്സ് ഓഫ് കണ്ണൂര് കുവൈത്ത് എക്സ്പാറ്റ്സ് അസോസിയേഷന് ഫഹാഹീല് യൂണിറ്റ് അംഗമായിരുന്നു. ഭാര്യ - ഷനില. മക്കള് - നവജ്യോത്, ആകാംഷ. നടപടിക്രമങ്ങള് പൂര്ത്തീകരിച്ച് മൃതദേഹം ചൊവ്വാഴ്ച രാവിലെയുള്ള വിമാനത്തില് നാട്ടിലേക്ക് കൊണ്ടുപോയി. പൊതുദര്ശനത്തിന് ശേഷം സ്വദേശത്ത് സംസ്കരിച്ചു. ഫ്രണ്ട്സ് ഓഫ് കണ്ണൂര് കുവൈത്ത് എക്സ്പാറ്റ്സ് അസോസിയേഷന് പ്രവര്ത്തകര് നടപടികള് പൂര്ത്തിയാക്കാന് നേതൃത്വം നല്കി.
Read also: യുഎഇയില് കൊലപാതകത്തിന്റെ വീഡിയോ ദൃശ്യങ്ങള് പ്രചരിക്കുന്നു; മുന്നറിയിപ്പുമായി പൊലീസ്
Read also: സന്ദര്ശക വിസ ലഭിക്കാനുള്ള ശമ്പള പരിധി ഉയര്ത്തിയേക്കുമെന്ന് റിപ്പോര്ട്ട്