മസ്കറ്റ് ഇന്ത്യന് എംബസി ഓപ്പണ് ഹൗസ് ഏപ്രില് 26ന്
എംബസി അങ്കണത്തില് നാലുമണി വരെ നടക്കുന്ന പരിപാടിയിൽ ഇന്ത്യൻ സ്ഥാനപതി അമിത് നാരങ് പങ്കെടുക്കും.
മസ്കത്ത്: മസ്കറ്റ് ഇന്ത്യന് എംബസിയില് ഓപ്പണ് ഹൗസ് ഏപ്രില് 26ന്. ഒമാനിലെ ഇന്ത്യക്കാരുടെ പ്രശ്നങ്ങൾക്കും മറ്റും പരിഹാരം കാണുന്നതിനായുള്ള ഓപ്പണ് ഹൗസ് വെള്ളിയാഴ്ച ഉച്ചക്ക് 2.30ന് നടക്കും.
എംബസി അങ്കണത്തില് നാലുമണി വരെ നടക്കുന്ന പരിപാടിയിൽ ഇന്ത്യൻ സ്ഥാനപതി അമിത് നാരങ് പങ്കെടുക്കും. ഒമാനിൽ താമസിക്കുന്ന ഇന്ത്യക്കാർക്ക് തങ്ങളുടെ പരാതികളും സഹായങ്ങൾ ആവശ്യമുള്ള കാര്യങ്ങളും അധികൃതരെ നേരിട്ട് ബോധിപ്പിക്കാം. ഓപ്പണ് ഹൗസില് നേരിട്ട് പങ്കെടുക്കാൻ കഴിയാത്തവർക്ക് ഓപൺ ഹൗസ് സമയത്ത് 98282270 എന്ന നമ്പറിൽ വിളിച്ച് കാര്യങ്ങൾ ബോധിപ്പിക്കാനുള്ള സൗകര്യവും ഉണ്ടെന്ന് എംബസി അധികൃതര് അറിയിച്ചു.
Read Also - സൗദിയില് സ്ത്രീയെ ശല്യം ചെയ്ത പ്രവാസിക്ക് അഞ്ച് വര്ഷം തടവുശിക്ഷയും 1.5 ലക്ഷം റിയാല് പിഴയും