ഖത്തറിന്‍റെ സൗരോർജ്ജ ശേഷി വർധിപ്പിക്കാൻ രണ്ട് സോളാർ പ്ലാന്‍റുകൾ കൂടി, ഉദ്ഘാടനം ചെയ്‌ത്‌ അമീർ

റാ​സ് ല​ഫാ​നി​ലും തെ​ക്കു​കി​ഴ​ക്ക​ൻ മേ​ഖ​ല​യി​ലെ മി​സൈ​ദി​ലു​മാ​യാ​ണ് ര​ണ്ട് പ​വ​ർ പ്ലാന്‍റുകളുടെ നി​ർ​മാ​ണം പൂര്‍ത്തിയാക്കിയത്. 

qatar amir inaugurates two solar power plants

ദോഹ: ഖത്തർ വിഷൻ 2030ന്‍റെ ഭാഗമായി രാജ്യത്തെ സൗരോർജ്ജ ഉത്പാദനം വർധിപ്പിക്കുക എന്ന ലക്ഷ്യത്തോടെ രണ്ട് സോളാർ പ്ലാന്റുകൾ കൂടി നിർമാണം പൂർത്തിയായി പ്രവർത്തനം ആരംഭിച്ചു. സൗ​രോ​ർ​ജ ശേ​ഷി ഇ​ര​ട്ടി​യാ​യി വ​ർ​ധി​പ്പി​ച്ചു​കൊ​ണ്ട് റാ​സ് ല​ഫാ​നി​ലും മി​സൈ​ദി​ലു​മുള്ള ​സൗ​രോ​ർ​ജ പ്ലാ​ന്റു​ക​ളാണ് അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി രാ​ജ്യ​ത്തി​ന് സ​മ​ർ​പ്പി​ച്ചത്. 

ദോ​ഹ​യി​ൽ ​നി​ന്ന് 80 കി​ലോ​മീ​റ്റ​റോ​ളം വ​ട​ക്ക് വ്യ​വ​സാ​യ​ മേ​ഖ​ല​യാ​യ റാ​സ് ല​ഫാ​നി​ലും തെ​ക്കു​കി​ഴ​ക്ക​ൻ മേ​ഖ​ല​യി​ലെ മി​സൈ​ദി​ലു​മാ​യാ​ണ് ര​ണ്ട് പ​വ​ർ പ്ലാ​ന്റു​ക​ളു​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്. റാ​സ് ല​ഫാ​ൻ സി​റ്റി​യി​ൽ ന​ട​ന്ന ഉ​ദ്ഘാ​ട​ന ച​ട​ങ്ങി​ൽ ഊർജ്ജകാര്യ സ​ഹ​മ​ന്ത്രി​യും ഖ​ത്ത​ർ എ​ന​ർ​ജി സി.​ഇ.​ഒ​യും പ്ര​സി​ഡ​ന്റു​മാ​യ സ​അ​ദ് ശെ​രി​ദ അ​ൽ ക​അ​ബി ഉ​ൾ​പ്പെ​ടെ ഉ​ന്ന​ത​ ഉദ്യോഗസ്ഥരും നേതാക്കളും പ​​ങ്കെ​ടു​ത്തു. പ​രി​സ്ഥി​തി സൗ​ഹൃ​ദ ഊ​ർ​ജ പ​ദ്ധ​തി​ക​ളി​ലൂ​​ടെ കാ​ർ​ബ​ൺ ബ​ഹി​ർ​ഗ​മ​നം കു​റ​ക്കു​ക​യെ​ന്ന ഖ​ത്ത​റി​ന്റെ ദേ​ശീ​യ വി​ഷ​ൻ 2030​ന്റെ ​ല​ക്ഷ്യ​ങ്ങ​ളി​ൽ ശ്ര​ദ്ധേ​യ​മാ​യ ചു​വ​ടു​വെ​പ്പാ​യാ​ണ് ര​ണ്ട് സോ​ളാ​ർ പ​വ​ർ പ്ലാ​ന്റു​ക​ളു​ടെ ഉ​ദ്ഘാ​ട​ന ച​ട​ങ്ങി​നെ മന്ത്രി വി​ശേ​ഷി​പ്പി​ച്ചത്.

2030 ആകുമ്പോഴേക്കും പു​ന​രു​പ​യോ​ഗ ഊ​ർ​ജ പ​ദ്ധ​തി​ക​ളി​ലൂ​ടെ 4,000 മെഗാവാട്ട് വൈ​ദ്യു​തി ഉ​ൽ​പാ​ദ​നം സാ​ധ്യ​മാ​ക്കു​ക​ എന്ന ദേ​ശീ​യ വി​ഷ​ന്റെ പ്ര​ധാ​ന ലക്ഷ്യത്തിലേക്കുള്ള ഗണ്യമായ പുരോഗതിയാണിതെന്ന് മ​ന്ത്രി സ​അ​ദ് ഷെ​രി​ദ അ​ൽ ക​അ​ബി പ​റ​ഞ്ഞു. ഇത് മൊത്തം പ്രാദേശിക വൈദ്യുതി ഉൽപാദനത്തിന്റെ ഏകദേശം 30 ശതമാനമാണ്. ഖത്തറിന്റെ പുനരുപയോഗ ഊർജ്ജ തന്ത്രത്തിന്റെയും ഖത്തർ എനർജിയുടെ സുസ്ഥിരതാ തന്ത്രത്തിന്റെയും കേന്ദ്രബിന്ദുവാണ് ഈ നാഴികക്കല്ല്. ദേശീയ ഊർജ്ജ ഉത്പാദന മേഖലയിലേക്ക് പുനരുപയോഗ ഊർജ്ജ സ്രോതസ്സുകളുടെ സംഭാവന വർദ്ധിപ്പിക്കുക എന്നതാണ് പ്രധാനമായും പുതിയ സോളാർ പ്ലാന്റുകളിലൂടെ ലക്ഷ്യമിടുന്നത്. രാജ്യത്തിന്റെ കാലാവസ്ഥാ സാഹചര്യങ്ങൾ കണക്കിലെടുക്കുമ്പോൾ ഊർജ്ജോൽപ്പാദനത്തിന് ഏറ്റവും പ്രായോഗികമായ മാർഗം സൗരോർജ്ജമാണ്.

സൗ​രോ​ർ​ജ​ത്തി​ൽ ​നി​ന്ന് വൈ​ദ്യു​തി ഉ​ൽ​പാ​ദി​പ്പി​ക്കു​ന്ന​തി​ന് ഏ​റ്റ​വും പു​തി​യ സാ​ങ്കേ​തി​ക​വി​ദ്യ​ക​ളാ​ണ് പു​തി​യ പ്ലാ​ന്റു​ക​ളി​ൽ ഉ​പ​യോ​​ഗി​ക്കു​ന്ന​ത്. വി​ശാ​ല​മാ​യ മ​രു​ഭൂ​മി​യി​ലാ​യി കി​ലോ​മീ​റ്റ​റു​കളോളം വ്യാ​പി​ച്ചുകിടക്കുന്ന സോ​ളാ​ർ പാ​ട​ത്തി​ന്റെ ഉ​ൽ​പാ​ദ​ന​ശേ​ഷി 875 മെ​ഗാ​വാ​ട്ട് വൈ​ദ്യു​തി​യാ​ണ്. ഇ​തോ​ടെ, ഖ​ത്ത​റി​ന്റെ ആ​കെ സൗ​രോ​ർ​ജ ഉ​ൽ​പാ​ദ​നം 1675 മെ​ഗാ​വാ​ട്ടാ​യി ഉ​യ​ർ​ന്നു. പു​തി​യ ര​ണ്ട് സോ​ളാ​ർ പാ​ട​ങ്ങ​ൾ​ക്കു പു​റ​മെ, നേ​ര​ത്തെ പ്ര​വ​ർ​ത്ത​ന​മാ​രം​ഭി​ച്ച അ​ൽ ഖ​ർ​സ പ്ലാ​ന്റി​ന്റെ 800 മെ​ഗാ​വാ​ട്ട് ശേ​ഷി ഉ​ൾ​പ്പെ​ടെ​യാ​ണ് ഈ നേട്ടം.

കാ​ർ​ബ​ൺ ബ​ഹി​ർ​ഗ​മ​നം കു​റ​ക്കാ​നും സു​സ്ഥി​ര പ​ദ്ധ​തി​ക​ൾ വി​ക​സി​പ്പി​ക്കാ​നും വൈ​ദ്യു​തി ഉ​ൽ​പാ​ദ​ന സ്രോ​ത​സ്സു​ക​ൾ വൈ​വി​ധ്യ​വ​ത്ക​രി​ക്കു​ന്ന​തി​നു​മു​ള്ള ഖ​ത്ത​റി​ന്റെ ഏ​റ്റ​വും പ്ര​ധാ​ന​പ്പെ​ട്ട സം​രം​ഭ​ങ്ങ​ളി​ലൊ​ന്നാ​ണ് സൗ​രോ​ർ​ജ നി​ല​യ​ങ്ങ​ളു​ടെ നി​ർ​മാ​ണ​മെ​ന്ന് മ​ന്ത്രി വി​ശ​ദീ​ക​രി​ച്ചു. ഈ പുതിയ പ്ലാന്റുകൾ ഓരോ വർഷവും ഏകദേശം 4.7 ദശലക്ഷം ടൺ കാർബൺ ഡൈ ഓക്സൈഡ് ബഹിർഗമനം കുറയ്ക്കാൻ സഹായിക്കും. അൽ ഖർസ സോളാർ പ്ലാന്റുമായി ചേർന്ന്, പീക്ക് സമയങ്ങളിൽ രാജ്യത്തിന്റെ വൈദ്യുതി ആവശ്യത്തിന്റെ ഏകദേശം 15 ശ​ത​മാ​നം ഇത് നിറവേറ്റും. ദു​ഖാ​ൻ സൗ​രോ​ർ​ജ​നി​ല​യത്തിന്റെ നി​ർ​മാ​ണം കൂ​ടി പൂ​ർ​ത്തി​യാ​കു​ന്ന​തോ​ടെ 2029ൽ രാജ്യത്തെ വൈദ്യുതി ഉല്പാദനം 2000 മെ​ഗ​വാ​ട്ടാ​യി ഉ​യ​ർ​ത്താ​നാ​വുമെന്നാണ് പ്രതീക്ഷ. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം