യെമനിൽ സൗദി അറേബ്യയുടെ യുദ്ധവിമാനം തകര്‍ന്നു വീണു

ഹൂതി വിമതരാണ് വിമാനം വെടിവച്ചിട്ടതെന്നാണ് സൂചന. ഹൂതികൾക്കെതിരെ യെമൻ സർക്കാരുമായി ചേർന്ന് സൗദി-യുഎഇ സഖ്യം നടത്തിയസൈനിക നീക്കത്തിനിടെയാണ് അപകടം

saudi fighterjet

അല്‍ജൗഫ്: യെമനിൽ സൗദി അറേബ്യയുടെ യുദ്ധ വിമാനം തക‍ർന്നു വീണു. യെമനിലെ വടക്കൻ പ്രവശ്യയായ അൽ ജൗഫിലാണ് അപകടം. ഹൂതി വിമതരാണ് വിമാനം വെടിവച്ചിട്ടതെന്നാണ് സൂചന.

ഹൂതികൾക്കെതിരെ യെമൻ സർക്കാരുമായി ചേർന്ന് സൗദി-യുഎഇ സഖ്യം നടത്തിയ സൈനിക നീക്കത്തിനിടെയാണ് അപകടം. ശത്രുക്കളുടെ വിമാനം വെടിവച്ചിട്ടെന്ന് ഹൂതി വിമതർ അറിയിച്ചതിന് പിന്നാലെയാണ് സൗദിയുടെ സ്ഥിരീകരണവും വന്നത്.

ടൊർണാഡോ എയർക്രാഫ്റ്റ് വിഭാഗത്തിൽ പെട്ട യുദ്ധവിമാനമാണ് തകർന്നത്. ഇതിനിടെ യെമനിലെ അൽ ജൗഫിൽ സൗദി വ്യോമാക്രമണത്തിൽ 31 പേർ മരിച്ചെന്ന് യുഎൻ അറിയിച്ചു.