സാങ്കേതിക തകരാറാണ് വിമാനം വൈകാൻ കാരണമെന്ന് എയർ ഇന്ത്യ എക്സ്പ്രസ് അധികൃതര് അറിയിച്ചു.
ഷാര്ജ: ഷാർജയില് നിന്നും കണ്ണൂരിലേക്ക് പുറപ്പെടേണ്ട വിമാനം വൈകുന്നു. എയർ ഇന്ത്യ എക്സ്പ്രസ് വിമാനമാണ് വൈകുന്നത്. രാവിലെ 8ന് പുറപ്പെടേണ്ട വിമാനമാണിത്. എയര് ഇന്ത്യ എക്സ്പ്രസിന്റെ IX 746 വിമാനമാണ് വൈകുന്നത്. യുഎഇ സമയം രാവിലെഎട്ടു മണിക്ക് പുറപ്പെടേണ്ട വിമാനമാണിത്. എന്നാല് അഞ്ച് മണിക്കൂര് കഴിഞ്ഞിട്ടും വിമാനം പുറപ്പെട്ടിട്ടില്ല.
യാത്രക്കാരെ വിമാനത്തിൽ എത്തിക്കാൻ ബസിൽ കയറ്റിയ ശേഷം തിരിച്ചിറക്കി.150ലേറെ യാത്രക്കാരാണ് ദുരിതത്തിലായത്. സാങ്കേതിക തകരാറാണ് വിമാനം വൈകാൻ കാരണമെന്ന് എയർ ഇന്ത്യ എക്സ്പ്രസ് അധികൃതര് അറിയിച്ചു.
Read More - ഒമാനില് നിന്ന് തിരുവനന്തപുരത്തേക്ക് പുറപ്പെട്ട വിമാനം 45 മിനിറ്റിന് ശേഷം അടിയന്തരമായി തിരിച്ചിറക്കി
കണ്ണൂരിലേക്ക് പുതിയ വിമാന സര്വീസ് ചൊവ്വാഴ്ച മുതല്
ദുബൈ: ദുബൈയില് നിന്ന് കണ്ണൂര് വിമാനത്താവളത്തിലേക്ക് എയര് ഇന്ത്യ എക്സ്പ്രസ് പുതിയ സര്വീസ്. നവംബര് ഒന്ന് മുതലായിരിക്കും പുതിയ സര്വീസ് ആരംഭിക്കുകയെന്ന് എയര് ഇന്ത്യ എക്സ്പ്രസ് വൃത്തങ്ങള് അറിയിച്ചു. നിലവില് ഗോ ഫസ്റ്റ് എയര്ലൈന് മാത്രമാണ് ദുബൈയില് നിന്ന് കണ്ണൂരിലേക്ക് നേരിട്ട് സര്വീസ് നടത്തുന്നത്.
Read More - 'ഇനിയെല്ലാം ലാഭ കണക്ക്'; എയർ ഇന്ത്യയ്ക്ക് മുന്നിലുള്ളത് വലിയ സ്വപ്നങ്ങളുടെ അഞ്ച് വർഷം
ആഴ്ചയില് നാല് ദിവസമായിരിക്കും എയര് ഇന്ത്യ എക്സ്പ്രസിന്റെ ദുബൈ - കണ്ണൂര് സര്വീസ്. ചൊവ്വ, വ്യാഴം, ശനി, ഞായര് ദിവസങ്ങളില് യുഎഇ സമയം വൈകുന്നേരം 6.40ന് ദുബൈയില് നിന്ന് പുറപ്പെടുന്ന ഐ.എക്സ് 748 വിമാനം ഇന്ത്യന് സമയം രാത്രി 11.50ന് കണ്ണൂരിലെത്തും. തിരികെ തിങ്കള്, ബുധന്, വെള്ളി, ഞായര് ദിവസങ്ങളില് ഇന്ത്യന് സമയം രാത്രി 12.50ന് കണ്ണൂരില് നിന്ന് പുറപ്പെടുന്ന ഐ.എക്സ് 747 വിമാനം യുഎഇ സമയം പുലര്ച്ചെ 3.15ന് ദുബൈയില് എത്തും. ദുബൈയില് നിന്ന് കണ്ണൂരിലേക്ക് 300 ദിര്ഹം മുതലാണ് ടിക്കറ്റ്. അഞ്ച് കിലോ അധിക ലഗേജും അനുവദിക്കും.
