Gulf News : സൗദിയില് മൂന്നുമാസ ഇഖാമ പുതുക്കല് ആരംഭിച്ചു
മാനവവിഭവ ശേഷി വകുപ്പിന്റെ ലെവി, ജവാസത്തിന്റെ ഫീസ് എന്നിവ ചേര്ത്ത് വലിയ തുകയാണ് ഇഖാമയും വര്ക്ക് പെര്മിറ്റും പുതുക്കനോ പുതിയത് എടുക്കാനോ ചെലവുവരുക. ഇതിന്റെ നാലിലൊന്ന് തുക മാത്രം അടച്ച് മൂന്ന് മാസത്തേക്ക് മാത്രമായി അല്ലെങ്കില് അതിന്റെ ഗുണിതങ്ങളായി ഇഖാമ പുതുക്കാനുള്ള സംവിധാനമാണ് പ്രവര്ത്തന പഥത്തിലായത്.
റിയാദ്: സൗദിയില്(Saudi Arabia) മൂന്നുമാസ അടിസ്ഥാനത്തില് ഇഖാമയും(Iqama) (താമസ രേഖ) വര്ക്ക് പെര്മിറ്റും എടുക്കല്/പുതുക്കല് സേവനം ആരംഭിച്ചു. സൗദി അതോറിറ്റി ഫോര് ഡാറ്റ ആന്ഡ് ആര്ട്ടിഫിഷ്യല് ഇന്റലിജന്സ് (സദയ)യുടെ സാങ്കേതിക സഹായത്തോടെയാണ് പാസ്പോര്ട്ട് ഡയറക്ടറേറ്റും (ജവാസത്ത്)(Jawazat) മാനവവിഭവ ശേഷി മന്ത്രാലയവും ഈ സേവനം ആരംഭിച്ചത്.
മാനവവിഭവ ശേഷി വകുപ്പിന്റെ ലെവി, ജവാസത്തിന്റെ ഫീസ് എന്നിവ ചേര്ത്ത് വലിയ തുകയാണ് ഇഖാമയും വര്ക്ക് പെര്മിറ്റും പുതുക്കനോ പുതിയത് എടുക്കാനോ ചെലവുവരുക. ഇതിന്റെ നാലിലൊന്ന് തുക മാത്രം അടച്ച് മൂന്ന് മാസത്തേക്ക് മാത്രമായി അല്ലെങ്കില് അതിന്റെ ഗുണിതങ്ങളായി ഇഖാമ പുതുക്കാനുള്ള സംവിധാനമാണ് പ്രവര്ത്തന പഥത്തിലായത്. മൂന്ന് മാസത്തിന് പുറമെ ആറുമാസം, ഒമ്പത് മാസം, 12 മാസം എന്നീ കാലയളവുകളായും ഇഖാമ പുതുക്കുകയോ പുതിയത് എടുക്കുകയോ ചെയ്യാനാവും. തൊഴിലുടമക്ക് തെന്റ സ്ഥാപനത്തിന്റെ ആവശ്യത്തിന് അനുസരിച്ച് മാത്രം ജീവനക്കാരുടെ ഇഖാമ പുതുക്കാന് കഴിയുന്നത് രാജ്യത്തെ സ്വകാര്യ മേഖലക്കും തൊഴില് വിപണിക്കും വലിയ ആശ്വാസവും സഹായവുമാകും എന്നാണ് കരുതുന്നത്. ഈ നിയമം രാജ്യത്തെ വിദേശ ഗാര്ഹിക ജോലിക്കാര്ക്ക് ബാധകമല്ല.
പ്രവാസികള്ക്ക് സന്തോഷ വാര്ത്ത; ഇന്ത്യയില് നിന്ന് സൗദിയിലേക്ക് നേരിട്ട് വിമാന സര്വീസിന് അനുമതി
സൗദിയില് കൊവിഡ് രോഗികളുടെ എണ്ണത്തില് വന് കുറവ്
റിയാദ്: സൗദിയില്(Saudi Arabia) ഇന്ന് (നവംബര് 25) 28 പേര്ക്ക് കൊവിഡ് (covid 19)ബാധ. 38 പേര് സുഖം പ്രാപിച്ചു. ഒരു മരണം കൊവിഡ് മൂലമാണെന്ന് സ്ഥിരീകരിച്ചു. ഇതുവരെ രാജ്യത്ത് റിപ്പോര്ട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 549,618 ഉം രോഗമുക്തരുടെ എണ്ണം 538,740 ഉം ആയി. ഇതോടെ ആകെ മരണസംഖ്യ 8,829 ആയി.
2,049 പേരാണ് നിലവില് ചികിത്സയില് കഴിയുന്നത്. ഇവരില് 48 പേര് ഗുരുതരാവസ്ഥയിലാണ്. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളില് പുതുതായി റിപ്പോര്ട്ട് ചെയ്ത രോഗികളുടെ എണ്ണം: റിയാദ് 9, ജിദ്ദ 5, മദീന 3, ത്വാഇഫ് 2, മറ്റ് 9 സ്ഥലങ്ങളില് ഓരോ വീതം രോഗികള്. സൗദി അറേബ്യയില് ഇതുവരെ 47,224,590 ഡോസ് കൊവിഡ് വാക്സിന് വിതരണം ചെയ്തു. ഇതില് 24,557,091 ആദ്യ ഡോസും 22,326,769 രണ്ടാം ഡോസും 340,730 ബൂസ്റ്റര് ഡോസുമാണ്.