റമദാൻ മാസത്തിൽ വിവിധ സ്ഥലങ്ങളിലെ ബിഎൽഎസ് സെന്ററുകളിലെ പ്രവൃത്തി സമയമാണ് പ്രഖ്യാപിച്ചത്.
കുവൈത്ത് സിറ്റി: കുവൈത്ത് സിറ്റി, ജലീബ് അൽ-ഷുയൂക്ക്, ഫഹാഹീൽ, ജഹ്റ എന്നിവിടങ്ങളിലെ ബിഎൽഎസ് പാസ്പോർട്ട് കേന്ദ്രങ്ങളിൽ, പാസ്പോർട്ട്, വിസ, കോൺസുലാർ അറ്റസ്റ്റേഷൻ സർവീസുകൾക്കായി വിശുദ്ധ റമദാൻ മാസത്തിലെ പ്രവൃത്തി സമയം പ്രഖ്യാപിച്ചു.
റമദാൻ ദിവസങ്ങളിൽ പാസ്പോർട്ട്, വിസ, അറ്റസ്റ്റേഷൻ സേവനങ്ങളുടെ പ്രവർത്തനം ശനിയാഴ്ച മുതൽ വ്യാഴം വരെ രാവിലെ 09:00 മുതൽ ഉച്ചയ്ക്ക് 3:00 വരെ ആയിരിക്കും. വെള്ളിയാഴ്ച അവധിയായിരിക്കും. കോൺസുലാർ അറ്റസ്റ്റേഷനായി ബിഎൽഎസ് സെന്ററുകളിൽ ലഭിക്കുന്ന അപേക്ഷകൾ അടുത്ത പ്രവൃത്തി ദിവസം വൈകുന്നേരം 3:00 മുതൽ 4:00 വരെ അതത് ബിഎൽഎസ് സെന്ററിൽ അപേക്ഷകർക്ക് തിരികെ നൽകും. അടിയന്തര സാഹചര്യങ്ങളിൽ അതേ ദിവസത്തെ അറ്റസ്റ്റേഷനുള്ള അഭ്യർത്ഥനകൾ അടിയന്തരാവസ്ഥയുടെ സ്വഭാവത്തെ അടിസ്ഥാനമാക്കി കേസ്-ടു-കേസ് അടിസ്ഥാനത്തിൽ തീരുമാനിക്കും.
Read Also - മക്ക-മദീന ഹറമൈൻ ട്രെയിനുകളിൽ സീറ്റുകൾ 18 ശതമാനം കൂട്ടി
