Asianet News MalayalamAsianet News Malayalam

'വാര്‍ത്തകള്‍ക്ക് ചൂട് പോരാഞ്ഞ് ഇസ്തിരിയിട്ട് ചൂടാക്കി വായിക്കുന്ന രഞ്ജി സര്‍'; വീഡിയോയുമായി സുരഭി

കഴിഞ്ഞ ദിവസം ഇന്ദ്രന്‍സും സുരഭിയും ഒരുമിച്ചുള്ള ഇന്‍സ്റ്റഗ്രാം റീൽ ഏറെ ശ്രദ്ധനേടിയിരുന്നു.

actress surabhi lakshmi share video with renji panicker
Author
Kochi, First Published Sep 5, 2021, 5:57 PM IST
  • Facebook
  • Twitter
  • Whatsapp

ന്റെ അഭിനയപാടവം കൊണ്ട് മലയാള സിനിമയിൽ തന്റേതായൊരു ഇടം സ്വന്തമാക്കിയ താരമാണ് നടി സുരഭി ലക്ഷ്മി. മികച്ച നടിക്കുള്ള 2016-ലെ ദേശീയ ചലച്ചിത്രപുരസ്കാരവും സ്വന്തമാക്കി സുരഭി തന്റെ അഭിനയ ജീവിതം തുടരുകയാണ്. മിനിസ്ക്രീൻ പ്രേക്ഷകർക്കും ഏറെ പ്രിയങ്കരിയാണ് സുരഭി. ഇപ്പോഴിതാ താരം പങ്കുവച്ചൊരു വീഡിയോ ആണ് ശ്രദ്ധനേടുന്നത്. 

പുതിയ സിനിമയുടെ സെറ്റില്‍ കോസ്റ്റ്യൂമര്‍ എന്തോ കാര്യമായി ഇസ്തിരിയിടുന്നത് നോക്കാന്‍ പോയതാണ് സുരഭി. നോക്കുമ്പോള്‍ പത്രമാണ് അയാൾ ഇസ്തിരിയിട്ട് കൊണ്ടിരിക്കുന്നത്. ഇതെന്തിനാണ് പത്രം ഇസ്തിരിയിടുന്നതെന്ന് ചോദിച്ചപ്പോള്‍ രഞ്ജി പണിക്കര്‍ക്കാണെന്നാണ് കോസ്റ്റ്യൂമര്‍ മറുപടി പറഞ്ഞത്.

'മാധ്യമപ്രവര്‍ത്തകന്‍ ആയാല്‍ ഇങ്ങനെ വേണം. വാര്‍ത്തകള്‍ക്ക് ചൂട് പോരാഞ്ഞിട്ട് ചൂടാക്കി വായിക്കാനിരിക്കുന്ന രഞ്ജിസര്‍' എന്നാണ് വീഡിയോയിലെ ക്യാപ്ഷന്‍. ഇന്ദ്രന്‍സാണ് ഈ രസകരമായ ക്യാപ്ഷന്‍ ഇട്ടതെന്ന് സുരഭി പോസ്റ്റില്‍ പരാമര്‍ശിച്ചിട്ടുണ്ട്.

കഴിഞ്ഞ ദിവസം ഇന്ദ്രന്‍സും സുരഭിയും ഒരുമിച്ചുള്ള ഇന്‍സ്റ്റഗ്രാം റീൽ ഏറെ ശ്രദ്ധനേടിയിരുന്നു. തേന്‍മാവിന്‍ കൊമ്പത്തിലെ മാണിക്ക്യനും കാര്‍ത്തുമ്പിയുമായി ഇരുവരും അഭിനയിക്കുന്ന വീഡിയോയാണ് താരം പങ്കുവെച്ചത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona

Follow Us:
Download App:
  • android
  • ios