‘ജോർജൂട്ടിയെ കുടുക്കാൻ അനുമോളുടെ പിന്നാലെ നടന്ന രോഹിത്, ഞങ്ങളുടെ കുട്ടായി’; ധന്യ മേരി വർഗീസ്
ധന്യയുടെ അനിയനാണ് രോഹിത് എന്ന കഥാപാത്രമായി വേഷമിട്ട ഇഗ്നേഷ്യസ് സി.ജെ. കുടുംബത്തില്‍ നിന്നും ഒരാള്‍ കൂടി സിനിമയില്‍ എത്തിയതിന്റെ സന്തോഷമാണ് ധന്യ പങ്കുവച്ചിരിക്കുന്നത്.
മോഹൻലാൽ - ജീത്തു ജോസഫ് കൂട്ടുകെട്ടിലൊരുങ്ങിയ 'ദൃശ്യം 2' എന്ന സിനിമ ആമസോൺ പ്രൈമിലൂടെയെത്തി ഇതിനകം ലോകം മുഴുവൻ ചര്‍ച്ചയായി കഴിഞ്ഞിരിക്കുകയാണ്. ആദ്യ ഭാഗത്തോട് നീതി പുലര്‍ത്തുന്നതാണ് രണ്ടാം ഭാഗം എന്ന് പ്രേക്ഷകരും നിരൂപകരും ഉള്‍പ്പെടെ പലരും സമ്മതിച്ചുകഴിഞ്ഞു. ആദ്യ ഭാഗത്തിൽ ഇല്ലാത്ത ചിലർ കൂടി രണ്ടാം ഭാഗത്തിലുണ്ട്. അത്തരത്തിലൊരാളാണ് ജോര്‍ജ്ജുകുട്ടിയുടെ മകള്‍ അനുമോളുടെ സുഹൃത്തായി വരുന്ന രോഹിത് എന്ന കഥാപാത്രം. ഇപ്പോഴിതാ ആ കഥാപാത്രമായെത്തിയ ഇഗ്നേഷ്യസിനെ പരിചയപ്പെടുത്തിയിരിക്കുകയാണ് നടി ധന്യ മേരി വ‍ര്‍ഗ്ഗീസ്.
ധന്യയുടെ അനിയനാണ് രോഹിത് എന്ന കഥാപാത്രമായി വേഷമിട്ട ഇഗ്നേഷ്യസ് സി.ജെ. കുടുംബത്തില്‍ നിന്നും ഒരാള്‍ കൂടി സിനിമയില്‍ എത്തിയതിന്റെ സന്തോഷമാണ് ധന്യ പങ്കുവച്ചിരിക്കുന്നത്.
ധന്യ മേരി വര്‍ഗീസിന്റെ കുറിപ്പ്
ദൃശ്യം 2 കണ്ടതു മുതല്‍ കാത്തിരിക്കുകയായിരുന്നു എസ്തറിന്റെ പിന്നാലെ ഷോര്‍ട്ട് ഫിലിം എടുക്കാന്‍ നടന്ന രോഹിത്, ഞങ്ങളുടെ കുട്ടായിയെ (എന്റെ അനിയന് ഇഗ്നേഷ്യസ് സി.ജെ.) ഒന്നു കണ്ടു കിട്ടാന്‍. ഇന്നലെ അവനും ചാച്ചനും ആന്റിയും വീട്ടില്‍ വന്നതോടെ പിന്നെ വേറൊന്നും നോക്കിയില്ല, നമ്മുടെ സ്റ്റാറിനെ പിടിച്ചു നിര്‍ത്തി 2 ഫോട്ടോ എടുത്തു.
അങ്ങനെ ഞങ്ങളുടെ ഫാമിലിയില്‍ നിന്നും ഒരാള്‍ക്കൂടി ക്യാമറക്കു മുന്നില്‍ എത്തി. കോളേജില്‍ സ്റ്റാര്‍ ആയതിന്റെ ത്രില്ലില്‍ ആണ് ആശാന്‍. അടുത്തതെന്താ പരിപാടിയെന്നു ചോദിച്ചപ്പോള്‍ ദൃശ്യം 2ലെ സോംഗിനു കൊറിയോഗ്രാഫി ചെയ്തു ഷൂട്ട് ചെയ്തു കഴിഞ്ഞു, ഇനി അതു പോസ്റ്റാനുള്ള പരിപാടിയിലാണ് ആശാന്‍. അതു എങ്ങനേലും ലാലേട്ടന്റെ മുന്നിലെത്തിക്കണം എന്നുള്ളതാണ് ആഗ്രഹം.. എന്താല്ലേ പിള്ളേരെല്ലാം വേറെ ലെവല്‍ ആണെന്നെ. ചെറിയ വേഷമാണെങ്കിലും ഒരു വലിയ സിനിമയിലൂടെ തുടക്കം കിട്ടിയ കുട്ടായിക്ക് ചേച്ചിയുടെ ബെസ്റ്റ് വിഷസ്. എല്ലാരുടെയും സപ്പോര്‍ട്ട് വേണം കേട്ടോ എന്റെ അനിയന്.
ദൃശ്യം 2 കണ്ടതു മുതൽ കാത്തിരിക്കുകയായിരുന്നു Esther ന്റെ പിന്നാലെ short film എടുക്കാൻ നടന്ന Rohit, ഞങ്ങളുടെ കുട്ടായിയെ...
Posted by Dhanya Mary Varghese on Wednesday, 17 March 2021
