Asianet News MalayalamAsianet News Malayalam

'വർണ്ണപ്പകിട്ട്' നിർത്തുന്നു? പ്രതികരണവുമായി ജിഷിന്‍ മോഹന്‍

വർണ്ണപ്പകിട്ട് അവസാനിപ്പിക്കുന്നതായ വാര്‍ത്തകളെക്കുറിച്ച് പ്രതികരണവുമായി എത്തിയിരിക്കുകയാണ് നടൻ ജിഷിൻ മോഹൻ

Jishin mohan about serial varnappakittu
Author
Thiruvananthapuram, First Published Jun 11, 2021, 6:58 PM IST

ലോക്ക് ഡൗണ്‍ പശ്ചാത്തലത്തിൽ സീരിയൽ-സിനിമ ചിത്രീകരണങ്ങളൊക്കെ നിർത്തിവച്ചിരിക്കുകയാണ്. ഇതിനിടയിലാണ് സൂര്യ ടിവിയിൽ സംപ്രേഷണം ചെയ്തിരുന്ന വർണ്ണപ്പകിട്ട് എന്ന പരമ്പര അവസാനിക്കാൻ പോകുന്നു എന്ന തരത്തിൽ വാർത്തകൾ പുറത്തുവന്നത്. മറ്റു ചില സീരിയലുകളും ഇതേ രീതിയിൽ അവസാനിപ്പിച്ചുവെന്ന് വാർത്തകളുണ്ട്. ഇപ്പോഴിതാ വർണ്ണപ്പകിട്ട് അവസാനിപ്പിക്കുന്നതിനെ കുറിച്ച് പ്രതികരണവുമായി എത്തിയിരിക്കുകയാണ് നടൻ ജിഷിൻ മോഹൻ.

ലോക്ക്ഡൗൺ കഴിഞ്ഞാല്‍ ചിത്രീകരണം തുടങ്ങുമല്ലോ എന്നോർത്ത് ആശ്വസിച്ചിരിക്കുമ്പോഴാണ് വർണ്ണപ്പകിട്ട് നിർത്താൻ പോകുന്നുവെന്ന വാർത്ത കേട്ടതെന്നും, വെറും 53 എപ്പിസോഡ് ആയപ്പോഴേക്കും ഈ സീരിയൽ നിർത്തുന്നുവെന്ന് കേട്ടപ്പോൾ ഷോക്ക് ആയിപ്പോയി എന്നും ജിഷിൻ ഫേസ്ബുക്ക് കുറിപ്പിൽ പറയുന്നു. യൂട്യൂബിൽ എപ്പിസോഡിന് താഴെ ഈ സീരിയൽ ഇഷ്ടപ്പെടുന്ന ആൾക്കാരുടെ നൂറു കണക്കിന് കമന്റ്സ് കാണാറുണ്ട്. എന്നിട്ടും എന്താണ് നിർത്താൻ കാരണമെന്ന് അറിയുന്നില്ലെന്ന് ജിഷിൻ പറയുന്നു.

ജിഷിന്‍റെ കുറിപ്പ് 

പ്രിൻസ് രാജകുമാരനും ഡയാന രാജകുമാരിയും പിണങ്ങി നിൽക്കുവാണെന്ന് വിചാരിക്കണ്ട. വർണ്ണപ്പകിട്ട് സീരിയലിലെ ദയയും ഉണ്ണിമുകുന്ദനും. പതിവിന് വിപരീതമായി ഒരു മുഴുനീള കോമഡി ക്യാരക്ടർ ആണ് എനിക്ക് വർണ്ണപ്പകിട്ടിൽ ലഭിച്ചത്. സുഹൃത്തുക്കളുടെ നല്ല അഭിപ്രായവും ലഭിച്ചു. ലോക്ക്ഡൌൺ കഴിഞ്ഞ ഉടനെ ഷൂട്ട് തുടങ്ങുമല്ലോ എന്നോർത്ത് ആശ്വസിച്ചിരിക്കുമ്പോഴാ വർണ്ണപ്പകിട്ട് നിർത്താൻ പോകുന്നു എന്ന വാർത്ത കേട്ടത്. 

വെറും 53 എപ്പിസോഡ് ആയപ്പോഴേക്കും ഈ സീരിയൽ നിർത്തുന്നു എന്ന് കേട്ടപ്പോൾ ഷോക്ക് ആയിപ്പോയി. യൂട്യൂബിൽ എപ്പിസോഡിന് താഴെ ഈ സീരിയൽ ഇഷ്ടപ്പെടുന്ന ആൾക്കാരുടെ നൂറു കണക്കിന് കമന്‍റുകള്‍ കാണാറുണ്ട്. എന്നിട്ടും എന്താണ് കാരണം എന്ന് അറിയുന്നില്ല. ഒരു ടര്‍ക്കിഷ് സീരിസിന്‍റെ റീമേക്ക് ആയിരുന്നു മാജിക് ഫ്രെയിംസ് പ്രൊഡ്യൂസ് ചെയ്ത് ബിനു വെള്ളത്തൂവൽ ഡയറക്റ്റ് ചെയ്യുന്ന വർണ്ണപ്പകിട്ട് എന്ന സീരിയൽ. 

പതിവ് സീരിയൽ പാറ്റേൺ വിട്ട് കളർഫുൾ ആയ ഒരു പ്രണയ കഥ. ഒരു സീരിയൽ ആകുമ്പോൾ കഥയിലേക്ക് കടക്കാൻ മിനിമം 50 എപ്പിസോഡ് എങ്കിലും വേണം. ആ കടമ്പ കടന്ന് കഥയിലേക്ക് കടക്കുന്ന ഈ സമയത്ത് സീരിയൽ നിർത്തരുതേ എന്നൊരു റിക്വസ്റ്റ്  സൂര്യ ടിവിയുടെ മുന്നിൽ വെക്കുകയാണ്. നല്ലൊരു ടൈം സ്ലോട്ടിൽ (9മണി) നൂറ് എപ്പിസോഡുകൾ കൂടി തുടരാൻ അനുവാദം കിട്ടിയാൽ നമ്മുടെ സീരിയൽ റേറ്റിംഗ് തിരിച്ചു പിടിക്കും എന്ന കാര്യത്തിൽ ഒരു സംശയവും ഇല്ല.

പിന്നൊരു പ്രധാന കാര്യം, യൂട്യൂബിൽ ഈ സീരിയൽ ലക്ഷക്കണക്കിന് ആൾക്കാർ കാണുന്നുണ്ട്. പക്ഷെ അവർ അത് യൂട്യൂബിൽ കാണാതെ ടീവി യിൽ നിർദ്ദിഷ്‍ട സമയത്ത് കണ്ടാലേ റേറ്റിംഗിൽ അത് കൌണ്ട് ആകൂ. എന്തായാലും #bringbackvarnapakittu എന്ന ഹാഷ് ടാഗോടു കൂടിയ ഈ ക്യാമ്പയിനിൽ, നമ്മുടെ സീരിയലിലെ എല്ലാ സഹപ്രവർത്തകരോടുമൊപ്പം ഞാനും പങ്കാളി ആകുന്നു. ഈ സീരിയൽ ഇഷ്ടപ്പെടുന്ന നിങ്ങളും ഈ ഹാഷ്ടാഗ് യൂസ് ചെയ്ത് പങ്കാളികൾ ആകണേ. സൂര്യ ടിവി നമ്മുടെ ഈ അപേക്ഷ തള്ളിക്കളയില്ല എന്ന് പ്രത്യാശിക്കാം...

ഈ പോസ്റ്റിനു മോശം കമന്‍റ് ഇടാൻ വരുന്നവരോട് ഒരു വാക്ക്. സീരിയൽ എന്ന് പറഞ്ഞാൽ ആർട്ടിസ്റ്റുകൾ മാത്രമല്ല. ക്യാമറയ്ക്കു പുറകിൽ നിൽക്കുന്ന ഒരുപറ്റം ആൾക്കാരുടെ കൂടെ പ്രയത്നവും അവരുടെ അന്നവുമാണ്. എല്ലാവരെയും പോലെ കഷ്ടപ്പെടുന്ന ഒരു വിഭാഗം. അത് മനസ്സിലാക്കുമല്ലോ. അല്ലേ.

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona 

Follow Us:
Download App:
  • android
  • ios