ബോളിവുഡ് താരം സോനാക്ഷി സിൻഹ തന്റെ ബാന്ദ്രയിലെ വീട്ടിൽ അനുഭവിച്ച 'പ്രേതാനുഭവം' വെളിപ്പെടുത്തി.
മുംബൈ: ബോളിവുഡ് താരം സോനാക്ഷി സിൻഹ തന്റെ വീട്ടിൽ അനുഭവിച്ച 'പ്രേതാനുഭവം' തുറന്നു പറഞ്ഞിരിക്കുകയാണ്. തന്റെ പുതിയ പാരാനോയ്ഡ് ചിത്രമായ ‘നികിത റോയ്’യുടെ പ്രമോഷന്റെ ഭാഗമായി സംസാരിക്കവെയാണ് സോനാക്ഷി തന്റെ ബാന്ദ്രയിലെ വീട്ടിൽ ഒരു ‘നിരുപദ്രവകരമായ പ്രേതം’ത്തിന്റെ സാന്നിധ്യം അനുഭവിച്ചതായി വെളിപ്പെടുത്തിയത്. ഈ അനുഭവം തന്റെ ഉറക്കം നഷ്ടപ്പെടുത്തിയെന്നും എന്നാൽ ആ ‘ആത്മാവ്’ ഉപദ്രവിക്കുന്നതല്ലെന്നുമാണ് താരം പറഞ്ഞത്.
സോനാക്ഷി പറഞ്ഞത് ഇതാണ്, ഒരു ദിവസം പുലർച്ചെ നാല് മണിയോടെ തന്റെ കിടപ്പുമുറിയിൽ ഒരു വിചിത്രമായ സാന്നിധ്യം അനുഭവപ്പെട്ടു. “എന്തോ ഒരു പ്രഷര്, ആരോ എന്നെ ഉണർത്താൻ ശ്രമിക്കുന്നതുപോലെ തോന്നി. ഞാൻ ഞെട്ടിത്തരിച്ചുപോയി, ശരീരം മുഴുവൻ വിയർത്തു, കട്ടിലിൽ നിന്ന് എഴുന്നേൽക്കാൻ പോലും ധൈര്യം വന്നില്ല ” സോനാക്ഷി ഒരു അഭിമുഖത്തിൽ പറഞ്ഞു. ഈ അനുഭവത്തില് 'എന്റെ ബോധം തന്നെ നഷ്ടപ്പെട്ടു' എന്നും താരം തമാശയായി കൂട്ടിച്ചേർത്തു.
സോനാക്ഷി കഴിഞ്ഞ വർഷം വിറ്റ ബാന്ദ്രയിലെ വീട്ടിലാണ് ഈ സംഭവം നടന്നത്. “ആ വീടിന് എന്തോ ഒരു വിചിത്രമായ എനര്ജി ഉണ്ടായിരുന്നു. പക്ഷേ, അത് ഒരു ദോഷകരമായ ആത്മാവല്ല, ഒരുപക്ഷേ നിരുപദ്രവകരമായ ഒന്നായിരിക്കാം,” സോനാക്ഷി വ്യക്തമാക്കി. തന്റെ വീട്ടിൽ ഇത്തരമൊരു അനുഭവം ഉണ്ടായതിനാൽ ‘നികിത റോയ്’ എന്ന പാരാനോയ്ഡ് ചിത്രത്തിൽ അഭിനയിക്കുമ്പോൾ തനിക്ക് കൂടുതൽ ആഴത്തിൽ വേഷം മനസ്സിലാക്കാൻ കഴിഞ്ഞുവെന്നും താരം പറഞ്ഞു.
Related Articles
ഈ വെളിപ്പെടുത്തൽ സോഷ്യൽ മീഡിയയിൽ, പ്രത്യേകിച്ച് എക്സിൽ, വലിയ ചർച്ചകൾക്ക് വഴിവെച്ചിട്ടുണ്ട്. ആരാധകരിൽ ചിലർ സോനാക്ഷിയുടെ ധൈര്യത്തെ പ്രശംസിച്ചപ്പോൾ, മറ്റുചിലർ ഇത് ചിത്രത്തിന്റെ പ്രമോഷന് വേണ്ടിയുള്ള പരിപാടിയാണ് എന്നാണ് പറയുന്നത്. അതേ സമയം അടുത്തിടെ തന്റെ മാ എന്ന ചിത്രത്തിന്റെ പ്രമോഷനിലെ ഹൈദരാബാദ് റാമോജി റാവു ഫിലിം സിറ്റിയില് 'പ്രേത ബാധ' എന്ന സൂചന നല്കിയ കാജോളിന്റെ വാര്ത്തയോട് ഇതിനെ പലരും ഉപമിക്കുന്നുണ്ട്.
ഇതെന്താണ് ബോളിവുഡ് നടിമാര് പ്രേതങ്ങള്ക്ക് പിന്നാലെയാണല്ലോ എന്നാണ് പലരും പറയുന്നത്. എന്തായാലും ‘നികിത റോയ്’ ഒരു സൂപ്പര് നാച്വറല് പ്രതിഭാസങ്ങള് അന്വേഷിക്കുന്ന യുവതിയുടെ കഥയാണ് പറയുന്നത്. കുഷ് എസ് സിന്ഹ സംവിധാനം ചെയ്യുന്ന ചിത്രത്തില് പരേഷ് റാവല് പ്രധാന വേഷത്തില് എത്തുന്നുണ്ട്.
