ചൈനീസ് സ്മാർട്ട്ഫോൺ നിർമ്മാതാക്കളായ ഷവോമി അവരുടെ 17 സീരീസിലേക്ക് പുതിയ മോഡലുകൾ ചേർക്കുന്നു. ഷവോമി 17ടി ജൂൺ 4-ന് ഇന്ത്യയിൽ അവതരിപ്പിക്കും.
ദില്ലി: ചൈനീസ് സ്മാർട്ട്ഫോൺ നിർമ്മാതാക്കളായ ഷവോമി അവരുടെ പുതിയ 17 സീരീസ് വിപുലീകരിക്കുകയാണ്. ഷവോമി 17ടി, 17ടി പ്രോ എന്നീ മോഡലുകൾ കമ്പനി ടീസർ ചെയ്തിട്ടുണ്ട്. ഇതിൽ ഷവോമി 17ടി പ്രോ ആഗോള വിപണിയിൽ മെയ് 28-ന് അവതരിപ്പിക്കാനിരിക്കുമ്പോൾ, 17ടി മോഡൽ ഇന്ത്യയിൽ ജൂൺ 4-ന് ലോഞ്ച് ചെയ്യുമെന്ന് സ്ഥിരീകരിച്ചിട്ടുണ്ട്. ഇതിനകം തന്നെ ഷവോമി 17 സീരീസിൽ ഷവോമി 17, 17 പ്രോ, 17 പ്രോ മാക്സ്, 17 അൾട്ര, 17മാക്സ് എന്നിങ്ങനെ അഞ്ച് ഫോണുകൾ ഉൾപ്പെടുന്നു. ഇതിന് പുറമേ വരാനിരിക്കുന്ന 17ടി, 17ടി പ്രോ മോഡലുകളോടെ സീരീസ് മൊത്തം ഏഴ് ഡിവൈസുകളായി വികസിക്കും.
ഷവോമി 17ടി: പ്രതീക്ഷിക്കുന്ന സവിശേഷതകൾ
ഷവോമി ഔദ്യോഗികമായി മുഴുവൻ സ്പെസിഫിക്കേഷനുകൾ വെളിപ്പെടുത്തിയിട്ടില്ലെങ്കിലും, ലീക്കുകൾ പ്രകാരം ക്യാമറ ഫീച്ചറുകൾക്ക് വലിയ പ്രാധാന്യം നൽകുന്ന ഒരു ഡിവൈസ് ആയിരിക്കുമെന്ന് സൂചനകളുണ്ട്. റിപ്പോർട്ടുകൾ പ്രകാരം ഷവോമി 17ടി-യിൽ 6.59 ഇഞ്ച് അമോലെഡ് ഡിസ്പ്ലേ ഉണ്ടാകാം. ഇത് 1.5K റെസല്യൂഷനും 120Hz റിഫ്രെഷ് റേറ്റും ഉൾക്കൊള്ളും. ഡിസൈൻ ഭാഗത്ത്, ഫ്ലാറ്റ് എഡ്ജുകളും സ്ക്വിർക്കിൾ ആകൃതിയിലുള്ള ക്യാമറ മോഡ്യൂളും ഷവോമി 17 മോഡലിൽ നിന്നുള്ള പ്രചോദനമായിരിക്കും. പെർഫോമൻസിനായി മീഡിയാടെക് ഡൈമെൻസിറ്റി 8500 അൾട്രാ ചിപ്സെറ്റ് ഉപയോഗിക്കും എന്നാണ് റിപ്പോർട്ടുകൾ.
ഷവോമി 17ടി ക്യാമറ
ക്യാമറ വിഭാഗത്തിൽ ട്രിപ്പിൾ റിയർ സെറ്റ്അപ്പ് പ്രതീക്ഷിക്കുന്നു. ഇതിൽ രണ്ട് 50-മെഗാപിക്സൽ സെൻസറുകളും ഒരു 12-മെഗാപിക്സൽ ലെൻസും ഉൾപ്പെടും. ലൈക്ക ബ്രാൻഡിംഗ് ഉണ്ടായിരിക്കുമെന്നതും ലീക്കുകളിൽ പറയുന്നു. സെൽഫികൾക്കും വീഡിയോ കോളുകൾക്കുമായി 32-മെഗാപിക്സൽ ഫ്രണ്ട് ക്യാമറ നൽകും.
Related Articles
ബാറ്ററി വിഭാഗത്തിൽ 6,500 എംഎഎച്ച് ശേഷിയുള്ള യൂണിറ്റ് പ്രതീക്ഷിക്കപ്പെടുന്നു. ഇത് സിലിക്കൺ-കാർബൺ ടെക്നോളജി ഉപയോഗിച്ച് കൂടുതൽ കാര്യക്ഷമത നൽകുമെന്നതാണ് സൂചന. കൂടാതെ ആൻഡ്രോയ്ഡ് 16, ഡ്യുവൽ സിം പിന്തുണ, ഐപി68 റേറ്റഡ് ഡസ്റ്റ്-വാട്ടർ റെസിസ്റ്റൻസ് എന്നിവയും ഉണ്ടായേക്കാം. വിലയിടപാടിൽ മിഡ്-റേഞ്ച് മുതൽ പ്രീമിയം സെഗ്മെന്റിന് ഇടയിൽ വരുന്ന ഒരു ഡിവൈസ് ആയിരിക്കാം എന്നാണ് വിലയിരുത്തൽ. എന്നാൽ ഷവോമിയുടെ ആക്രാമകമായ പ്രൈസിംഗ് തന്ത്രം ഇതിനെ പ്രീമിയം സെഗ്മെന്റിൽ ശക്തമായ മോഡൽ ആക്കാൻ സാധ്യതയുണ്ട്.
ഷവോമി 17
കഴിഞ്ഞ വർഷം പുറത്തിറങ്ങിയ ഷവോമി 17 മോഡലിൽ 6.3 ഇഞ്ച് എൽടിപിഒ അമോലെഡ് ഡിസ്പ്ലേ, സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ്, ഹൈപ്പർഒഎസ് 3 സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ്, ഹൈപ്പർഒഎസ് 3 അടിസ്ഥാനമാക്കിയ ആൻഡ്രോയ്ഡ് 16 എന്നിവ ഉൾപ്പെട്ടിരുന്നു. ക്യാമറ വിഭാഗത്തിൽ ട്രിപ്പിൾ 50എംപി സെറ്റപ്പും ശക്തമായ ബാറ്ററി സംവിധാനവും ഈ മോഡലിന്റെ പ്രത്യേകതകളായിരുന്നു.
