വൈത്തിരിക്ക് സമീപം മൂന്ന് പ്രധാന വിനോദസഞ്ചാര കേന്ദ്രങ്ങളാണുള്ളത്.
മൺസൂൺ എത്തുന്നതോടെ കേരളത്തിലെ പ്രശസ്തമായ വിനോദസഞ്ചാര കേന്ദ്രങ്ങളിലേയ്ക്ക് സഞ്ചാരികളുടെ ഒഴുക്കാണ്. അത്തരത്തിൽ നിരവധിയാളുകൾ എത്തുന്നയിടമാണ് വയനാട്. വയനാട്ടിലേയ്ക്ക് യാത്ര ചെയ്യുന്നവർക്ക് ഒരു ദിവസം കൊണ്ട് പെട്ടെന്ന് കണ്ടുവരാൻ സാധിക്കുന്ന ചില സ്ഥലങ്ങളുണ്ട്. അവ ഏതൊക്കെയാണെന്ന് നോക്കാം.
വയനാടിന്റെ കവാടമെന്ന് അറിയപ്പെടുന്ന സ്ഥലമാണ് വൈത്തിരി. സുഗന്ധവ്യഞ്ജനത്തോട്ടങ്ങൾക്ക് പേരുകേട്ട സ്ഥലമാണിത്. അനേകം ഗോത്രവർഗ കഥകളുറങ്ങുന്ന വൈത്തിരി കേരളത്തിലെ തന്നെ മികച്ച വിനോദസഞ്ചാര കേന്ദ്രങ്ങളിലൊന്നാണ്. താമരശ്ശേരി ചുരം കയറി വയനാട്ടിലേയ്ക്ക് എത്തുന്നവർക്ക് വൈത്തിരിയ്ക്ക് സമീപത്തുള്ള ചില സ്ഥലങ്ങൾ കാണാം. കർലാട് തടാകം, ലക്കിടി, പൂക്കോട് തടാകം എന്നിവയാണ് കുറഞ്ഞ സമയത്തിനുള്ളിൽ കാണാൻ അനുയോജ്യമായ ഇടങ്ങൾ.
കര്ലാട് തടാകം
Related Articles
വൈത്തിരിയില് നിന്ന് 8 കി. മീ. അകലെയാണ് കര്ലാട് തടാകം സ്ഥിതി ചെയ്യുന്നത്. ബോട്ടിംഗിനും ചൂണ്ടയിടലിനും ഇവിടെ സൗകര്യങ്ങളുണ്ട്. ഈ തടാകത്തിനരികിലേക്ക് സാഹസിക നടത്തത്തിനുമുള്ള സാധ്യതകളുമുണ്ട്.
ലക്കിടി
കോഴിക്കോട് നിന്ന് 55 കിലോ മീറ്ററും വൈത്തിരിയില് നിന്ന് 5 കിലോ മീറ്ററും അകലെയാണ് ലക്കിടി സ്ഥിതി ചെയ്യുന്നത്. കോഴിക്കോട് - മൈസൂര് പാതയില് താമരശ്ശേരി ചുരം കഴിഞ്ഞാല് ആദ്യത്തെ ജനവാസകേന്ദ്രമാണിത്. വയനാട്ടിലേക്കുള്ള ഈ പ്രവേശനകവാടം മലനിരകളും തോട്ടങ്ങളും വനവും അടങ്ങുന്ന സമ്മിശ്ര പ്രകൃതിയുടെ നേർകാഴ്ചയാണ്. സമുദ്ര നിരപ്പില് നിന്ന് 700 മീറ്റര് ഉയരത്തിലാണ് ലക്കിടി സ്ഥിതി ചെയ്യുന്നത്. ഇവിടെ നിന്ന് താമരശ്ശേരി ചുരം കാണാൻ സാധിക്കും. വൈകുന്നേരങ്ങളിൽ ഇവിടേയ്ക്ക് നിരവധിയാളുകൾ എത്താറുണ്ട്.
പൂക്കോട് തടാകം
വൈത്തിരിയില് നിന്ന് വെറും 3 കിലോമീറ്റർ മാത്രം അകലെ സ്ഥിതി ചെയ്യുന്ന വിനോദസഞ്ചാര കേന്ദ്രമാണ് പൂക്കോട് തടാകം. ഉള്ളില് സ്വാഭാവിക വനങ്ങളാല് ചുറ്റപ്പെട്ട ഒരു കൊച്ചു തടാകമാണ് ഇത്. കയാക്കിംഗ്, വഞ്ചി തുഴയല്, പെഡല് ബോട്ടിംഗ്, ശുദ്ധജല അക്വേറിയം, കുട്ടികളുടെ പാര്ക്ക്, കരകൗശല, സുഗന്ധ വ്യജ്ഞന വില്പനശാലകള് എന്നിവ ഇവിടെയുണ്ട്. തടാകത്തിനു ചുറ്റുമുള്ള നടപ്പാത സഞ്ചാരികളെ ആകര്ഷിക്കും. കുടുംബത്തോടൊപ്പം ഒരു ദിവസം ചെലവഴിക്കണമെങ്കിൽ പൂക്കോട് തടാകത്തിലേയ്ക്ക് പോകാം.
