അനേകങ്ങളാണ് ഈ മനോഹരമായ വീഡിയോ കണ്ടിരിക്കുന്നതും അതിന് കമന്റുകൾ നൽകിയിരിക്കുന്നതും. സംഗീത മൽഹോത്ര എന്ന സ്ത്രീയാണ് വീഡിയോയിൽ ഉള്ളത് എന്ന് ഒരുപാടുപേർ തിരിച്ചറിഞ്ഞു.
ഏറ്റവുമധികം നന്ദിയും കടപ്പാടും സ്നേഹവുമുള്ള മൃഗമാണ് നായ എന്ന് പറയാറുണ്ട്. സർവോപരി കാലാകാലങ്ങളായി നായകൾ മനുഷ്യരുടെ ഏറ്റവുമടുത്ത ചങ്ങാതി കൂടിയാണ്. മനുഷ്യരും നായകളും തമ്മിലുള്ള സ്നേഹത്തിന്റെ കഥകൾ നാം ഒരുപാട് കേട്ടുകാണും. എന്തിനേറെ പറയുന്നു, ഇന്ന് നായകളെ സ്വന്തം കുഞ്ഞുങ്ങളെ പോലെ നോക്കി വളർത്തുന്ന മനുഷ്യരും ഏറെയാണ്. ഒരുപാട് വീഡിയോകളാണ് മനുഷ്യരും നായയും തമ്മിലുള്ള സൗഹൃദത്തിന്റേതായി ഓരോ ദിവസവും സോഷ്യൽ മീഡിയയിൽ ശ്രദ്ധിക്കപ്പെടുന്നത്. അതുപോലെ ഒരു വീഡിയോയാണ് ഇപ്പോൾ ആളുകളുടെ ശ്രദ്ധ പിടിച്ചുപറ്റുന്നത്. വീഡിയോ പകർത്തിയിരിക്കുന്നത് ബെംഗളൂരുവിൽ നിന്നാണ്.
ആർടി നഗറിൽ നിന്നും പകർത്തിയിരിക്കുന്ന ഈ വീഡിയോയിൽ കാണുന്നത് 28 ഗോൾഡൻ റിട്രീവറുകളുമായി നഗരത്തിലൂടെ നടക്കുന്ന ഒരു സ്ത്രീയെയാണ്. @xploreraa എന്ന യൂസറാണ് ഈ വീഡിയോ ഇൻസ്റ്റാഗ്രാമിൽ ഷെയർ ചെയ്തിരിക്കുന്നത്. '28 നായകൾ, 1 വിശാലഹൃദയം, ബാംഗ്ലൂരിലെ ആർടി നഗറിലെ നായസ്നേഹിയായ ആന്റിയെ പരിചയപ്പെട്ടോളൂ' എന്ന കാപ്ഷനോടെയാണ് വീഡിയോ ഇൻസ്റ്റഗ്രാമിൽ ഷെയർ ചെയ്തിരിക്കുന്നത്.
'ബെംഗളൂരുവിലെ ആർ.ടി. നഗറിലാണ് 28 ഗോൾഡൻ റിട്രീവറുകൾക്കൊപ്പം നടക്കുന്ന ഈ സ്ത്രീയെ ഞങ്ങൾ കണ്ടത്, എല്ലാം ഒരുപോലെയുള്ള നായകളാണ്, എല്ലാം സന്തോഷത്തിലാണ്. ആ സ്ത്രീയും വളരെ ശാന്തയാണ്, അവരുടെ ഈ മൃഗകുടുംബത്തോടൊപ്പം പുഞ്ചിരിയോടെയാണ് അവരുള്ളത്. ഇന്നത്തെക്കാലത്ത് ജീവിതത്തിൽ വിശ്വസ്തരായ സുഹൃത്തുക്കൾ വിരളമാണ്, പക്ഷേ സ്നേഹവും വിശ്വസ്തതയും ചിലപ്പോൾ ഈ മൃഗങ്ങളിലൂടെയും വരാം' എന്നും വീഡിയോയിൽ പറയുന്നു.
Related Articles
അനേകങ്ങളാണ് ഈ മനോഹരമായ വീഡിയോ കണ്ടിരിക്കുന്നതും അതിന് കമന്റുകൾ നൽകിയിരിക്കുന്നതും. സംഗീത മൽഹോത്ര എന്ന സ്ത്രീയാണ് വീഡിയോയിൽ ഉള്ളത് എന്ന് ഒരുപാടുപേർ തിരിച്ചറിഞ്ഞു. അവർ വളരെ നല്ല ഹൃദയത്തിന് ഉടമയാണ്, വർഷങ്ങളായി അവർ ഈ നായകളെ വളർത്തുന്നുണ്ട്, അവരെയും നായകളേയും കാണാറുണ്ട്, അത് മനോഹരമായ കാഴ്ചയാണ് എന്നുമെല്ലാം ആളുകൾ വീഡിയോയ്ക്ക് കമന്റ് നൽകിയിട്ടുണ്ട്.
