മലരിക്കൽ, വാഗമൺ, ഗവി, പൊന്മുടി, ഇല്ലിക്കൽ കല്ല് തുടങ്ങിയ വിനോദ സഞ്ചാര കേന്ദ്രങ്ങളിലേക്കും യാത്രകൾ ഒരുക്കിയിട്ടുണ്ട്.
കൊല്ലം: രാമായണ മാസം പ്രമാണിച്ച് തൃശൂര്, എറണാകുളം, കോട്ടയം ജില്ലകളിലെ നാലമ്പല ദര്ശനവും ആറന്മുള വള്ളസദ്യ ഉള്പ്പെടുന്ന പഞ്ചപാണ്ഡവക്ഷേത്ര യാത്രകള് ഒരുക്കി കെ.എസ്.ആര്.ടി.സി കൊല്ലം ബജറ്റ് ടൂറിസം സെൽ. തൃശൂര് നാലമ്പലങ്ങളായ തൃപ്രയാര്, കൂടല് മാണിക്യം, മൂഴിക്കുളം, പായമ്മല് എന്നിവിടങ്ങള് സന്ദര്ശിക്കുന്ന നാലമ്പല തീര്ത്ഥാടനം ഓഗസ്റ്റ് 1, 7, 13, 15 തീയതകളില് രാത്രി എട്ടിന് ആരംഭിച്ച് അടുത്ത ദിവസം വൈകുന്നേരത്തോടെ മടങ്ങി എത്തുന്ന യാത്രയ്ക്ക് 1320 രൂപയാണ് നിരക്ക്.
ഓഗസ്റ്റ് 9, 10, 15, 16 തീയതികളിലാണ് എറണാകുളം നാലമ്പല യാത്ര. മാമലശ്ശേരി ശ്രീരാമ ക്ഷേത്രം, മേല്മുറി ഭരത ക്ഷേത്രം, മുളക്കുളം ശ്രീ ലക്ഷ്മണ ക്ഷേത്രം, മാമലശ്ശേരി ശത്രുഘ്ന ക്ഷേത്രം എന്നിവയാണ് ഉള്പ്പെട്ടിരിക്കുന്നത്. രാവിലെ 5ന് ആരംഭിച്ച് രാത്രി ഒമ്പതോടെ മടങ്ങിയെത്തുന്ന യാത്രയ്ക്ക് 840 രൂപയാണ് നിരക്ക്. ഓഗസ്റ്റ് 3, 16 തീയതകളില് കോട്ടയം നാലമ്പല യാത്ര ഉണ്ടായിരിക്കും. ആറന്മുള വള്ളസദ്യ ഉള്പ്പെടുന്ന പഞ്ചപാണ്ഡവ ക്ഷേത്രദര്ശനം ഓഗസ്റ്റ് 10, 14, 15, 23, 30 ദിവസങ്ങളിലാണ്. പഞ്ചപാണ്ഡവരാല് പ്രതിഷ്ഠിതമായ അഞ്ച് മഹാവിഷ്ണു ക്ഷേത്രങ്ങളാണ് തീര്ത്ഥാടനത്തില് ഉള്പ്പെടുന്നത്. പള്ളിയോട സേവാ സംഘം ഒരുക്കുന്ന വള്ളസദ്യ ഉള്പ്പെടെ 910 രൂപയാണ് നിരക്ക്.
തീര്ത്ഥാടന യാത്രകള്ക്ക് പുറമേ നിരവധി വിനോദസഞ്ചാര യാത്രകളും ചാര്ട്ടില് ഉള്പ്പെട്ടിട്ടുണ്ട്. ഓഗസ്റ്റ് 2, 9, 17 തീയതികളില് മലരിക്കല് ആമ്പല് പാടം, ഹില് പാലസ് മ്യൂസിയം, കൊച്ചൊരിക്കല് ഗുഹ, അരീക്കല് വെള്ളച്ചാട്ടം എന്നിവ ഉള്പ്പെടുന്ന യാത്ര സംഘടിപ്പിച്ചിട്ടുണ്ട്. 890 രൂപയാണ് നിരക്ക്. ഓഗസ്റ്റ് 3ലെ വാഗമണ് യാത്ര രാവിലെ അഞ്ചിന് ആരംഭിക്കും. ഉച്ചഭക്ഷണം ഉള്പ്പെടെ 1020 രൂപയാണ് നിരക്ക്. കാനന യാത്രയായ ഗവി 7, 19 തീയതികളിലാണ്. 1750 രൂപയാണ് നിരക്ക്. ഓഗസ്റ്റ് 9ലെ പൊന്മുടി യാത്ര രാവിലെ 6.30ന് ആരംഭിച്ചു രാത്രി ഒമ്പതോടെ മടങ്ങി എത്തും. 650 രൂപയാണ് നിരക്ക്. ഇല്ലിക്കല് കല്ല്- ഇലവീഴാ പൂഞ്ചിറ യാത്ര 10, 17 തീയതികളില് ചാര്ട്ട് ചെയ്തിട്ടുണ്ട്. 820 രൂപയാണ് നിരക്ക്. അന്വേഷണങ്ങള്ക്ക്: 9747969768, 9995554409.
