Asianet News MalayalamAsianet News Malayalam

Mahindra XUV700 price : വാങ്ങാന്‍ തള്ളിക്കയറ്റം, ഈ വണ്ടിയുടെ വില കുത്തനെ കൂട്ടി മഹീന്ദ്ര!

XUV700 ഉൾപ്പെടെ, 2022 ജനുവരിയിൽ മഹീന്ദ്ര അവരുടെ നിരവധി മോഡലുകളുടെ വില വർദ്ധിപ്പിച്ചു. XUV700ന്‍റെ വില 81,000 രൂപ വരെ കമ്പനി വർധിപ്പിച്ചു

Mahindra XUV700 prices hiked by up to Rs 81000
Author
Mumbai, First Published Jan 14, 2022, 10:48 AM IST
  • Facebook
  • Twitter
  • Whatsapp

2021 ഒക്ടോബറിൽ ആണ് മഹീന്ദ്ര ആൻഡ് മഹീന്ദ്ര (Mahindra And Mahindra) XUV700നെ ഇന്ത്യൻ വിപണിയിൽ അവതരിപ്പിക്കുന്നത്. എത്തി വെറും രണ്ട് ദിവസങ്ങൾക്കുള്ളിൽ 50,000 ബുക്കിംഗുകൾ നേടിയാണ് XUV700 എസ്‌യുവി വിപണി പിടിച്ചടക്കിയത്. ഈ മോഡലിനായുള്ള ബുക്കിംഗ് കണക്കുകൾ ക്രമാനുഗതമായി വർദ്ധിച്ചുകൊണ്ടിരിക്കുന്നു. ഇത് വേരിയന്റിനെ ആശ്രയിച്ച് വാഹനത്തിനായുള്ള കാത്തിരിപ്പ് കാലയളവ് 17 മാസമായി ഉയർത്തി.

വിറ്റത് 700, ബുക്കിംഗ് 70000; ഉത്സവം ആഘോഷമാക്കി XUV700

ഇപ്പോഴിതാ XUV700ന്‍റെ വില കൂട്ടിയിരിക്കുകയാണ് മഹീന്ദ്ര ആന്‍ഡ് മഹീന്ദ്ര എന്നാണ് റിപ്പോര്‍ട്ടുകള്‍. വിവിധ വേരിയന്‍റുകളെ അടിസ്ഥാനമാക്കി 80000 രൂപയോളമാണ് കമ്പനി കൂട്ടിയിരിക്കുന്നതെന്നാണ് റിപ്പോര്‍ട്ടുകള്‍.  മഹീന്ദ്ര XUV700 2021-ലെ ഏറ്റവും പ്രതീക്ഷിക്കപ്പെട്ട മോഡലുകളിൽ ഒന്നായിരുന്നു. പ്രാരംഭ വിലയായ 11.99 ലക്ഷം രൂപ (എക്സ്-ഷോറൂം, ഇന്ത്യ) എന്ന് അമ്പരപ്പിക്കുന്ന വിലയില്‍ ആയിരുന്നു വാഹനത്തിന്‍റെ അവതരണം. എന്നാല്‍ വലിയ ഡിമാൻഡിന്റെ പിൻബലത്തിൽ, കാർ നിർമ്മാതാവ് 2021 ഒക്ടോബറിൽ XUV700-ന്റെ വില ആദ്യമായി വർദ്ധിപ്പിച്ചു. അതിനാൽ, ഇപ്പോൾ വരുന്നത് SUV-യുടെ രണ്ടാമത്തെ വില വർദ്ധനവാണ്. 

XUV700 പെട്രോളിന് കരുത്തേകുന്നത് 2.0 ലിറ്റർ, നാല് സിലിണ്ടർ, മഹീന്ദ്ര എം സ്റ്റാലിയന്‍ ടർബോ-പെട്രോൾ യൂണിറ്റാണ്. ഈ എഞ്ചിന്‍ 200hp കരുത്തും 380Nm ടോര്‍ഖും ഉത്പാദിപ്പിക്കാൻ ട്യൂൺ ചെയ്‍തിരിക്കുന്നു. 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ഗിയർബോക്‌സ് ഓപ്ഷനുകളിൽ വാഹനം ലഭ്യമാണ്. അതേസമയം എൻട്രി ലെവൽ MX വേരിയന്റ് മാനുവലിൽ മാത്രമേ ലഭ്യമാകൂ.

കുട്ടികളുടെ സുരക്ഷയില്‍ ചരിത്ര നേട്ടം, ഇടിച്ചിട്ടും തകരാതെ മഹീന്ദ്ര, കയ്യടിച്ച് രാജ്യം!

പെട്രോൾ വേരിയന്റുകൾക്ക്, മഹീന്ദ്ര XUV700 ന്റെ വില 46,000 മുതല്‍ 75,000 രൂപയോളം വർദ്ധിപ്പിച്ചിട്ടുണ്ട്. അടിസ്ഥാന MX MT 5-സീറ്റർ വേരിയന്റിന് ഏറ്റവും കുറഞ്ഞ വില വർദ്ധനവ് ലഭിക്കുന്നു, അതേസമയം ശ്രേണിയിലെ ടോപ്പിംഗ് AX7 AT ലക്ഷ്വറി 7-സീറ്റർ വേരിയന്റാണ് ഈ മാസത്തെ ഏറ്റവും ഉയർന്ന വിലവർദ്ധന കാണുന്നത്.

മഹീന്ദ്ര XUV700 പെട്രോൾ വില (എക്സ്-ഷോറൂം, ഇന്ത്യ)

  • XUV700 പെട്രോൾ വേരിയന്റ് പുതിയ വില പഴയ വില വ്യത്യാസം
  • MX MT 5-സീറ്റ് 12.95 ലക്ഷം രൂപ 12.49 ലക്ഷം രൂപ 46,000
  • AX3 MT 5-സീറ്റ് 15.02 ലക്ഷം രൂപ 14.49 ലക്ഷം രൂപ 53,000
  • AX3 AT 5-സീറ്റ് 16.57 ലക്ഷം രൂപ 15.99 ലക്ഷം രൂപ 58,000 രൂപ
  • AX5 MT 5-സീറ്റ് 16.05 ലക്ഷം രൂപ 15.49 ലക്ഷം രൂപ 56,000
  • AX5 MT 7-സീറ്റ് 16.67 ലക്ഷം രൂപ 16.09 ലക്ഷം രൂപ 58,000 രൂപ
  • AX5 AT 5-സീറ്റ് 17.70 ലക്ഷം രൂപ 17.09 ലക്ഷം രൂപ 61,000 രൂപ
  • AX7 MT 7-സീറ്റ് 18.63 ലക്ഷം രൂപ 17.99 ലക്ഷം രൂപ 64,000
  • AX7 AT 7-സീറ്റ് 20.28 ലക്ഷം രൂപ 19.59 ലക്ഷം രൂപ 69,000 രൂപ
  • AX7 AT Lux 7-സീറ്റ് 22.04 ലക്ഷം രൂപ 21.29 ലക്ഷം 75,000 രൂപ

അതേസമയം, ഡീസൽ XUV700 ന് കരുത്ത് പകരുന്നത് 2.2 ലിറ്റർ, നാല് സിലിണ്ടർ mHawk ടർബോചാർജ്ഡ് യൂണിറ്റാണ്, അത് രണ്ട് ട്യൂൺ സ്റ്റേറ്റുകളിൽ വരുന്നു. ലോവർ പവർ യൂണിറ്റ് (എൻട്രി ലെവൽ MX പതിപ്പിനായി കരുതിവച്ചിരിക്കുന്നത്) 155hp, 360Nm എന്നിവ ഉത്പാദിപ്പിക്കുന്നു, അതേസമയം AX വേരിയന്റുകളിലെ യൂണിറ്റ് 185hp, 420Nm (ഓട്ടോമാറ്റിക് ഗിയർബോക്‌സിനൊപ്പം 450Nm) ഉത്പാദിപ്പിക്കുന്നു. ഡീസൽ എഞ്ചിന് ഓൾ-വീൽ-ഡ്രൈവ് ഓപ്ഷനുമുണ്ട്, കൂടാതെ സിപ്പ്, സാപ്പ്, സൂം, കസ്റ്റം എന്നീ നാല് ഡ്രൈവ് മോഡുകൾ ലഭിക്കുന്നു - അവ പ്രകടനത്തിലും സ്റ്റിയറിംഗ് പ്രതികരണത്തിലും മാറ്റം വരുത്തുമെന്ന് അവകാശപ്പെടുന്നു. രണ്ട് എഞ്ചിനുകളും 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ഗിയർബോക്‌സ് ഓപ്ഷനുകളിൽ ഉണ്ടായിരിക്കാം, എന്നിരുന്നാലും താഴ്ന്ന-സ്പെക്ക് ഡീസൽ മാനുവലിൽ മാത്രമേ ലഭ്യമാകൂ.

വിലക്കയറ്റം കാരണം, XUV700 ഡീസൽ ഇപ്പോൾ മുമ്പത്തേക്കാൾ 81,000 രൂപ വരെ കൂടുതലാണ്. XUV700 ഡീസൽ വില 48,000 മുതല്‍ 81,000 രൂപ വരെയാണ്. ഏറ്റവും ഉയർന്ന വില വർദ്ധനയുള്ള വേരിയന്റ് ടോപ്പ്-സ്പെക്ക് AX7 AT AWD ലക്ഷ്വറി 7-സീറ്റർ ആണ്, അതേസമയം ഏറ്റവും കുറഞ്ഞ വില വർദ്ധനയുള്ള വേരിയന്റ് അടിസ്ഥാന MX MT 5-സീറ്റർ ആണ്.

മഹീന്ദ്ര XUV700 ഡീസൽ വില (എക്സ്-ഷോറൂം, ഇന്ത്യ)

  • XUV700 ഡീസൽ വേരിയന്റ് പുതിയ വില പഴയ വില വ്യത്യാസം
  • MX MT 5-സീറ്റ് 13.47 ലക്ഷം രൂപ 12.99 ലക്ഷം രൂപ 48,000
  • AX3 MT 5-സീറ്റ് 15.53 ലക്ഷം രൂപ 14.99 ലക്ഷം രൂപ 54,000
  • AX3 MT 7-സീറ്റ് 16.26 ലക്ഷം രൂപ 15.69 ലക്ഷം രൂപ 57,000 രൂപ
  • AX3 AT 5-സീറ്റ് 17.29 ലക്ഷം രൂപ 16.69 ലക്ഷം രൂപ 60,000 രൂപ
  • AX5 MT 5-സീറ്റ് 16.67 ലക്ഷം രൂപ 16.09 ലക്ഷം രൂപ 58,000 രൂപ
  • AX5 MT 7-സീറ്റ് 17.29 ലക്ഷം രൂപ 16.69 ലക്ഷം രൂപ 60,000 രൂപ
  • AX5 AT 5-സീറ്റ് 18.32 ലക്ഷം രൂപ 17.69 ലക്ഷം രൂപ 63,000 രൂപ
  • AX5 AT 7-സീറ്റ് 18.94 ലക്ഷം രൂപ 18.29 ലക്ഷം രൂപ 65,000 രൂപ
  • AX7 MT 7-സീറ്റ് 19.25 ലക്ഷം രൂപ 18.59 ലക്ഷം രൂപ 66,000 രൂപ
  • AX7 MT ലക്സ് 7-സീറ്റ് 21.01 ലക്ഷം രൂപ 20.29 ലക്ഷം രൂപ 72,000 രൂപ
  • AX7 AT 7-സീറ്റ് 20.90 ലക്ഷം രൂപ 20.19 ലക്ഷം രൂപ 71,000 രൂപ
  • AX7 AT AWD 7-സീറ്റ് 22.25 ലക്ഷം രൂപ 21.49 ലക്ഷം രൂപ 76,000 രൂപ
  • AX7 AT Lux 7-സീറ്റ് 22.66 ലക്ഷം രൂപ 21.89 ലക്ഷം 77,000 രൂപ
  • AX7 AT AWD ലക്സ് 7-സീറ്റ് 23.80 ലക്ഷം രൂപ 22.99 ലക്ഷം രൂപ 81,000 രൂപ

സുമിത് ആന്‍റിലിന് XUV700ന്‍റെ ആദ്യ ജാവലിന്‍ എഡിഷന്‍ കൈമാറി മഹീന്ദ്ര

Follow Us:
Download App:
  • android
  • ios