ഫൈബര് അഥവാ നാരുകള് കൂടുതലുള്ള ഭക്ഷണ പദാര്ത്ഥങ്ങള് ആവശ്യത്തിന് കഴിച്ചില്ലെങ്കില് അത് വയറിലൂടെയും കുടലുകളിലൂടെയുമുള്ള ഭക്ഷണത്തിന്റെ ശരിയായ നീക്കത്തെ ബാധിക്കാം.
വയറിന്റെ അഥവാ കുടലിന്റെ ആരോഗ്യം സംരക്ഷിക്കേണ്ടത് ഏറെ പ്രധാനമാണ്. വയറില് എപ്പോഴും ഗ്യാസ് കെട്ടുന്നതും അസിഡിറ്റിയും വയര് വീര്ത്തിരിക്കുന്നതും ദഹന സംവിധാനം അവതാളത്തിലായതിന്റെ സൂചനയാണ്. ഫൈബര് അഥവാ നാരുകള് കൂടുതലുള്ള ഭക്ഷണ പദാര്ത്ഥങ്ങള് ആവശ്യത്തിന് കഴിച്ചില്ലെങ്കില് അത് വയറിലൂടെയും കുടലുകളിലൂടെയുമുള്ള ഭക്ഷണത്തിന്റെ ശരിയായ നീക്കത്തെ ബാധിക്കാം. ഗട്ട് സംവിധാനത്തില് ഭക്ഷണം കെട്ടിക്കിടക്കുന്നത് പല തരത്തിലുള്ള അണുക്കളുടെ വളര്ച്ചയ്ക്കും രോഗങ്ങള്ക്കും കാരണമാകും. അതിനാല് ഫൈബര് അടങ്ങിയ ഭക്ഷണങ്ങള് ധാരാളമായി കഴിക്കേണ്ടത് വയറിന്റെ ആരോഗ്യത്തിന് പ്രധാനമാണ്.
അത്തരത്തില് വയറിന്റെ ആരോഗ്യത്തിനായി കഴിക്കേണ്ട ഫൈബര് അടങ്ങിയ ചില പച്ചക്കറികളെ പരിചയപ്പെടാം...
ഒന്ന്...
ബ്രൊക്കോളിയാണ് ആദ്യമായി ഈ പട്ടികയില് ഉള്പ്പെടുന്നത്. ഫൈബറിന് പുറമേ വിറ്റാമിനുകളും ആന്റി ഓക്സിഡന്റുകളും ധാരാളം അടങ്ങിയ ബ്രൊക്കോളി കഴിക്കുന്നത് വയറിന്റെ ആരോഗ്യത്തിന് ഏറെ നല്ലതാണ്.
രണ്ട്...
ചീരയാണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇലക്കറിയാണ് ചീര. കൂടാതെ വിറ്റാമിന് എ, കെ, സി തുടങ്ങിയവയും അടങ്ങിയ ചീര കഴിക്കുന്നതും കുടലിന്റെ ആരോഗ്യത്തിനും ശരീരത്തിന്റെ മൊത്തം ആരോഗ്യത്തിനും ഗുണം ചെയ്യും.
മൂന്ന്...
ക്യാരറ്റാണ് അടുത്തതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ക്യാരറ്റ് കഴിക്കുന്നത് ദഹനം മെച്ചപ്പെടുത്താനും മലബന്ധത്തെ അകറ്റാനും വയറിന്റെ ആരോഗ്യത്തിനും ഗുണം ചെയ്യും. കണ്ണുകളുടെ ആരോഗ്യത്തിനും രോഗ പ്രതിരോധശേഷി കൂട്ടാനും ക്യാരറ്റ് കഴിക്കുന്നത് നല്ലതാണ്.
നാല്...
ബീറ്റ്റൂട്ടാണ് നാലാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ബീറ്റ്റൂട്ട് കഴിക്കുന്നത് മലബന്ധത്തെ അകറ്റാനും ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും സഹായിക്കും,
അഞ്ച്...
പാവയ്ക്കയാണ അവസാനമായി ഈ പട്ടികയില് ഉള്പ്പെടുന്നത്. ഫൈബറും വിറ്റാമിന് സിയും അടങ്ങിയ പാവയ്ക്ക കഴിക്കുന്നതും വയറിന്റെ ആരോഗ്യത്തിന് ഗുണം ചെയ്യും.
ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ദിവസവും കോളിഫ്ലവർ കഴിക്കൂ; അറിയാം ഈ അത്ഭുത ഗുണങ്ങള്...
