- Home
- Sports
- Cricket
- ഗ്രീന് മുതല് പതിരാന വരെ, ഐപിഎല് മിനി താരലേലത്തില് റെക്കോര്ഡിടാൻ ഇടയുള്ള വിദേശതാരങ്ങള്
ഗ്രീന് മുതല് പതിരാന വരെ, ഐപിഎല് മിനി താരലേലത്തില് റെക്കോര്ഡിടാൻ ഇടയുള്ള വിദേശതാരങ്ങള്
നാളെ അബുദാബിയില് നടക്കുന്ന ഐപിഎല് മിനി താരലേലത്തില് ഓസീസ് ഓൾ റൗണ്ടര് കാമറൂണ് ഗ്രീന് ഏറ്റവും വിലയേറിയ താരമാകുമെന്ന് പ്രതീക്ഷിക്കുമ്പോള്, മതീഷ പതിരാന, ലിയാം ലിവിംഗ്സ്റ്റണ്, വാനിന്ദു ഹസരങ്ക തുടങ്ങിയവരും ടീമുകളുടെ റഡാറിലുണ്ട്.
താരലേലം നാളെ
നാളെ അബുദാബിയില് നടക്കുന്ന ഐപിഎല് മിനി താരലേലത്തില് കണ്ണുനട്ടിരിക്കുകയാണ് ആരാധകര്. 10 ടീമുകളിലായി 77 സ്ഥാനങ്ങളാണ് വിവിധ ടീമുകളിലായി നികത്താനുള്ളത്. 350 താരങ്ങളാണ് അന്തിമ ലേലപ്പട്ടികയില് ഇടം നേടിയത്.
ചരിത്രം തിരിത്തുമോ ഗ്രീന്
ഐപിഎല്ലില് ഏറ്റവും കൂടുതല് ആവശ്യക്കാരുണ്ടാകുക ഓസ്ട്രേലിയന് ഓൾ റൗണ്ടര് കാമറൂണ് ഗ്രീനിനായിരിക്കുമെന്നാണ് വിലയിരുത്തല്. പരിക്കില് നിന്ന് മോചിതനായി വീണ്ടും പന്തെറിഞ്ഞു തുടങ്ങിയ ഗ്രീന് ബാറ്റിംഗിലും വിസ്ഫോടനങ്ങള്ക്ക് കെല്പുള്ള താരമാണ്. 2 കോടി രൂപയാണ് ഗ്രീനിന്റെ അടിസ്ഥാന വില.
ഓസീസ് വെടിക്കെട്ട്
ഓസ്ട്രേലിയയുടെ വെടിക്കെട്ട് ഓപ്പണറായ ജേക്ക് ഫ്രേസര് മക്ഗുര്ഗ് ആകും താലേലത്തില് ശ്രദ്ധേയനാകുന്ന മറ്റൊരു താരം. മുന് ഡല്ഹി ക്യാപിറ്റല്സ് താരമായ മക്ഗുര്ഗിനെ ഇത്തവണ താരലേലത്തില് പൊന്നുംവില കൊടുത്ത് സ്വന്തമാക്കാന് ടീമുകളെത്തുമെന്നാണ് കരുതുന്നത്.
സര്പ്രൈസാകുമോ ഹെന്റി
ഐപിഎല് മിനി താരലേലത്തില് ഏറ്റവും കൂടുതല് ആവശ്യക്കാരുള്ള വിദേശ പേസര് ന്യൂസിലന്ഡ് താരം മാറ്റ് ഹെന്റിയായിരിക്കുമെന്നാണ് കരുതുന്നത്. 2017ല് പഞ്ചാബിലും 2024ല് ലക്നൗവിലും കളിച്ച ഹെന്റിയുടെ വിക്കറ്റ് വീഴ്ത്താനുള്ള മികവിനൊപ്പം മിന്നും ഫോമിലാണെന്നതും ടീമുകള് കണക്കിലെടുത്തേക്കും.
ലിയാം ലിവിംഗ്സ്റ്റണ്
ഇംഗ്ലണ്ട് ഓള് റൗണ്ടര് ലിയാം ലിവിംഗ്സ്റ്റണാണ് ലേലത്തില് ടീമുകളുടെ നോട്ടപ്പുള്ളിയാകാനിടയുള്ള മറ്റൊരു താരം. കഴിഞ്ഞ സീസണില് കിരീടം നേടിയ ആര്സിബി ടീമിന്റെ ഭാഗമായ ലിവിംഗ്സ്റ്റണുവേണ്ടി ഇത്തവണ കടുത്ത മത്സരമുണ്ടാകുമെന്നാണ് പ്രതീക്ഷിക്കുന്നത്.
മതീഷ പതിരാന
ചെന്നൈ സൂപ്പര് കിംഗ്സില് ധോണിയുടെ വജ്രായുധമായിരുന്ന മതീഷ പതിരാനയാണ് ലേലത്തില് ടീമുകളുടെ ശ്രദ്ധയാകര്ഷിക്കുന്ന മറ്റൊരു വിദേശ താരം. കഴിഞ്ഞ സീസണിൽ ചെന്നൈ കുപ്പായത്തില് തിളങ്ങാനായില്ലെങ്കിലും സ്ലിംഗ് ആക്ഷനില് മികച്ച പേസ് കണ്ടെത്താന് കഴിയുന്ന പതിരാനക്കുവേണ്ടി ചെന്നൈ തന്നെ വീണ്ടും രംഗത്തെത്തുമോ എന്നും ആരാധകര് ഉറ്റുനോക്കുന്നു.
വാനിന്ദു ഹസരങ്ക
ശ്രീലങ്കയുടെ മിസ്റ്ററി സ്പിന്നറായ വാനിന്ദു ഹസരങ്കക്കു വേണ്ടിയും ലേലത്തില് ടീമുകള് വാശിയോടെ രംഗത്തെത്താന് സാധ്യതതയുണ്ട്. കഴിഞ്ഞ സീസണില് രാജസ്ഥാന് റോയല്സിനായി നിരാശപ്പെടുത്തിയെങ്കിലും ലങ്കന് കുപ്പായത്തില് നടത്തിയ മികച്ച പ്രകടനം ഹസരങ്കക്ക് തുണയാകുമെന്നാണ് കരുതുന്നത്.
ജോഷ് ഇംഗ്ലിസ്
ഓസ്ട്രേലിയന് വിക്കറ്റ് കീപ്പര് ബാറ്ററായ ജോഷ് ഇംഗ്ലിസാണ് ലേലത്തില് ശ്രദ്ധയാകര്ഷിക്കുന്ന മറ്റൊരു താരം. വിക്കറ്റ് കീപ്പറായും മധ്യനിരയില് റണ്നിരക്ക് ഉയര്ത്താന് കെല്പുള്ള വെടിക്കെറ്റ് ബാറ്ററായും ഇംഗ്ലിസിനെ ഉപയോഗിക്കാമെന്നത് ഇംഗ്ലിസിന്റെ മൂല്യം കൂട്ടും.
ജോഷ് ഇംഗ്ലിസ്
ഓസ്ട്രേലിയന് വിക്കറ്റ് കീപ്പര് ബാറ്ററായ ജോഷ് ഇംഗ്ലിസാണ് ലേലത്തില് ശ്രദ്ധയാകര്ഷിക്കുന്ന മറ്റൊരു താരം. വിക്കറ്റ് കീപ്പറായും മധ്യനിരയില് റണ്നിരക്ക് ഉയര്ത്താന് കെല്പുള്ള വെടിക്കെറ്റ് ബാറ്ററായും ഇംഗ്ലിസിനെ ഉപയോഗിക്കാമെന്നത് ഇംഗ്ലിസിന്റെ മൂല്യം കൂട്ടും.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
