- Home
- Sports
- Cricket
- ഓപ്പണര് സ്ഥാനം ഉറപ്പിച്ച് സഞ്ജു, ടീമില് 2 മാറ്റം ഉറപ്പ്, ഇഷാന് കിഷന്റെ പരിക്ക് ആശങ്ക, ഇന്ത്യയുടെ സാധ്യതാ ഇലവന്
ഓപ്പണര് സ്ഥാനം ഉറപ്പിച്ച് സഞ്ജു, ടീമില് 2 മാറ്റം ഉറപ്പ്, ഇഷാന് കിഷന്റെ പരിക്ക് ആശങ്ക, ഇന്ത്യയുടെ സാധ്യതാ ഇലവന്
ടി20 ലോകകപ്പിലെ രണ്ടാം മത്സരത്തിന് നമീബിയക്കെതിരെ ഇറങ്ങുമ്പോള് ഇന്ത്യയുടെ പ്ലേയിംഗ് ഇലവനില് എന്തൊക്കെ മാറ്റമുണ്ടാകുമെന്നറിയാനുള്ള ആകാംക്ഷയിലാണ് ആരാധകര്.
അഭിഷേകിന് വിശ്രമം
വയറിലെ അണുബാധയെ തുടര്ന്ന് ആശുപത്രിയില് പ്രവേശിപ്പിക്കപ്പെട്ട വെടിക്കെട്ട് ഓപ്പണര് അഭിഷേക് ശര്മക്ക് നമീബിയക്കെതിരെ ഇന്ത്യ വിശ്രമം അനുവദിക്കും. പാകിസ്ഥാനെതിരെ 15ന് നിര്ണായക പോരാട്ടം കളിക്കാനുള്ളത് കണക്കിലെടുത്താണിത്.
സഞ്ജുവിന് ലോകകപ്പ് അരങ്ങേറ്റം
അഭിഷേകിന് പകരം സഞ്ജു സാംസണാകും ഇന്ത്യക്കായി നമീബിയക്കെതിരെ ഓപ്പണറായി ഇറങ്ങുക. ന്യൂസിലൻഡിനെതിരെ നിറം മങ്ങിയ സഞ്ജുവിന് ഫോം വീണ്ടെടുക്കാനും വീണ്ടും ഓപ്പണര് സ്ഥാനത്തേക്ക് അവകാശവാദമുന്നയിക്കാനും ലഭിക്കുന്ന സുവര്ണാവസരമാകും ഇത്.
കിഷന്റെ പരിക്കില് ആശങ്ക
മത്സരത്തലേന്ന് ബാറ്റിംഗ് പരിശീലനത്തിനിടെ ജസ്പ്രീത് ബുമ്രയുടെ യോര്ക്കര് കൊണ്ട് കാല്വിരലില് പരിക്കേറ്റ ഇഷാന് കിഷന്റെ പരിക്ക് ആശങ്കയാമെങ്കിലും അഭിഷേകിന്റെ അസാന്നിധ്യത്തില് കിഷന് കളിക്കുമെന്ന് തന്നെയാണ് കരുതുന്നത്.
തിലക് തുടരും
പരിക്കില് നിന്ന് മുക്തനായി ടീമില് തിരിച്ചെത്തി തിലക് വര്മ മൂന്നാം നമ്പറില് തുടരും. അമേരിക്കക്കെതിരെ 25 റണ്സടിച്ച് നല്ല തുടക്കമിട്ട തിലകിന് അത് വലിയ സ്കോറാക്കി മാറ്റാനായിരുന്നില്ല.
സൂര്യയുടെ മിന്നും ഫോം
അമേരിക്കക്കെതിരെ ഇന്ത്യ ബാറ്റിംഗ് തകര്ച്ച നേരിട്ടപ്പോള് ഒറ്റക്ക് പൊരുതി 84 റണ്സുമായി ടോപ് സ്കോററായ സൂര്യകുമാര് യാദവിന്റെ മിന്നും ഫോമിലാണ് ഇന്ത്യയുടെ പ്രതീക്ഷ.
ഹാര്ദ്ദിക്കിന് തിരിച്ചുവരണം
അമേരിക്കക്കെതിരെ നിരാശപ്പെടുത്തിയെങ്കിലും ഹാര്ദ്ദിക് പാണ്ഡ്യ നമീബിയക്കെതിരെ ശക്തമായ തിരിച്ചുവരവു നടത്തുമെന്നാണ് ആരാധകര് കരുതുന്നത്.രുന്നു.
റിങ്കു തുടരും
അഭിഷേക് ശര്മയുടെ അസാന്നിധ്യത്തില് ഇന്ത്യ ബാറ്റിംഗ് നിരയില് റിങ്കു സിംഗിന് വീണ്ടും അവസരം നല്കും. അമേരിക്കക്കെതിരെ റിങ്കുവിന് തിളങ്ങാനായിരുന്നില്ല.
തകര്ത്തുവാരാന് ശിവം ദുബെ
അമേരിക്കക്കെതിരായ ആദ്യ മത്സരത്തില് ഗോള്ഡന് ഡക്കായി നിരാശപ്പെടുത്തിയ ശിവം ദുബെയില് നിന്നും ഇന്ത്യ ഒരു വെടിക്കെട്ട് ഫിനിഷിംഗില് കുറഞ്ഞതൊന്നും പ്രതീക്ഷിക്കന്നില്ല.
ഫോമിലാവുമോ അക്സര്
ബാറ്റിംഗില് സമീപകാലത്തായി ഫോം കണ്ടെത്താന് പാടുപെടുന്ന അക്സര് പട്ടേലിനും നാളെ ഫോമിലേക്ക് ഉയരാനുള്ള അവസരമാണ്.
കുല്ദീപ് തിരിച്ചെത്തുമോ
ഐപിഎല്ലിലെ ഹോം ഗ്രൗണ്ടായ അരുണ് ജെയ്റ്റ്ലി സ്റ്റേഡിയത്തില് പന്തെറിയാന് കുല്ദീപ് യാദവിനും അവസരം ലഭിച്ചേക്കും. കുല്ദീപ് കളിച്ചാല് വരുണ് ചക്രവര്ത്തി പുറത്തിരിക്കും.
തിരിച്ചെത്തും ബുമ്ര
പേസര് മുഹമ്മദ് സിറാജിന് പകരം ജസ്പ്രീത് ബുമ്ര പ്ലേയിംഗ് ഇലവനില് തിരിച്ചെത്താനാണ് സാധ്യത. അസുഖം മൂലം ബുമ്ര ആദ്യ മത്സരത്തില് കളിച്ചിരുന്നില്ല. പാകിസ്ഥാനെതിരായ മത്സരത്തിന് മുമ്പ് മത്സരപരിചയം ലഭിക്കാനും ബുമ്രക്ക് അവസരം ലഭിക്കും.
എറിഞ്ഞിടാന് അര്ഷ്ദീപ്
ബുമ്രക്കൊപ്പം ന്യൂബോള് പങ്കിടാന് അര്ഷ്ദീപ് തന്നെയാവും ഉണ്ടാവുക. അമേരിക്കക്കെതിരായ ആദ്യ മത്സരത്തില് അര്ഷ്ദീപ് രണ്ട് വിക്കറ്റെടുത്തി
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
