ലോകകപ്പിന് മുൻപ് ഒരു 'ഫൈനൽ' റിഹേഴ്സൽ, സന്നാഹ മത്സരക്രമം പുറത്ത്, ഇന്ത്യയുടെ എതിരാളികള്‍ ദക്ഷിണാഫ്രിക്ക

ടി20 ലോകകപ്പിന് മുന്നോടിയായുള്ള സന്നാഹ മത്സരങ്ങളുടെ മത്സരക്രമം ഐസിസി പുറത്തുവിട്ടു. യുവതാരങ്ങൾക്ക് അവസരം നൽകാൻ ഇന്ത്യ എ ടീമും കളത്തിലിറങ്ങുമ്പോൾ, ഇംഗ്ലണ്ട് സന്നാഹ മത്സരങ്ങളിൽ നിന്ന് വിട്ടുനിൽക്കും.

Image Credit : AFP

ലോകകപ്പ് സന്നാഹം തുടങ്ങുന്നു

അടുത്തമാസം തുടങ്ങുന്ന ടി20 ലോകകപ്പിന് മുന്നോടിയായുള്ള സന്നാഹ മത്സരങ്ങളുടെ മത്സരക്രമം പുറത്തുവിട്ട് ഐസിസി. കിരീടം നിലനിർത്താനിറങ്ങുന്ന ഇന്ത്യയുടെ ആദ്യ വെല്ലുവിളി കഴിഞ്ഞ ലോകകപ്പ് ഫൈനലിലെ തങ്ങളുടെ എതിരാളികളായിരുന്ന ദക്ഷിണാഫ്രിക്കയാണ്.

Image Credit : X/BCCI

ഇന്ത്യക്ക് ഒരേയൊരു സന്നാഹ മത്സരം

സൂര്യകുമാർ യാദവ് നയിക്കുന്ന ഇന്ത്യൻ ടീം ഒരൊറ്റ സന്നാഹ മത്സരത്തിൽ മാത്രമാണ് കളത്തിലിറങ്ങുന്നത്. ഫെബ്രുവരി 4-ന് നവി മുംബൈയിലെ ഡി.വൈ പാട്ടീൽ സ്റ്റേഡിയത്തിൽ വെച്ചാണ് ദക്ഷിണഫ്രിക്കക്കെതിരായ സന്നാഹ മത്സരം. ന്യൂസിലൻഡിനെതിരെയുള്ള അഞ്ച് മത്സരങ്ങളടങ്ങിയ ടി20 പരമ്പരയ്ക്ക് തൊട്ടുപിന്നാലെ ലോകകപ്പ് എത്തുന്നതിനാലാണ് ടീം ഇന്ത്യയുടെ മത്സരങ്ങളുടെ എണ്ണം കുറച്ചത്.

Image Credit : Getty

യുവനിരയ്ക്ക് അവസരം: 'ഇന്ത്യ എ' കളത്തിലിറങ്ങുന്നു

സീനിയര്‍ ടീം ലോകകപ്പിനായി തയ്യാറെടുക്കുമ്പോൾ, യുവതാരങ്ങൾക്ക് അന്താരാഷ്ട്ര ടീമുകൾക്കെതിരെ മത്സരപരിചയം ഉറപ്പാക്കാൻ ബിസിസിഐ 'ഇന്ത്യ എ' ടീമിനെയും സന്നാഹ മത്സരങ്ങൾക്കായി ഇറക്കുന്നുണ്ട്. ഫെബ്രുവരി രണ്ടിന് മേരിക്കക്കെതിരെ നവി മുംബൈയിലാണ് ഇന്ത്യ എ ആദ്യ സന്നാഹ മത്സരത്തിനിറങ്ങുക. ഫെബ്രുവരി 6ന് നമീബിയയാണ് രണ്ടാം സന്നാഹ മത്സരത്തില്‍ ഇന്ത്യ എയുടെ എതിരാളികള്‍.

Image Credit : Getty

ആകെ 16 മത്സരങ്ങള്‍, വേദികള്‍ ഇതാ

ഫെബ്രുവരി 2 മുതൽ 6 വരെ ഇന്ത്യയിലെ മുംബൈ, ബെംഗളൂരു, ചെന്നൈ എന്നിവിടങ്ങളിലും ശ്രീലങ്കയിലെ കൊളംബോ യിലുമായി ആകെ 16 സന്നാഹ മത്സരങ്ങളാണ് ലോകകപ്പിന് മുമ്പായി നടക്കുക.

Image Credit : AFP

സന്നാഹ മത്സരങ്ങളുടെ മത്സരക്രമം, ഇന്ത്യൻ സമയം

ഫെബ്രുവരി 2 അഫ്ഗാനിസ്ഥാൻ vs സ്കോട്ട്ലൻഡ്,ബെംഗളൂരു 3:00 PM
ഫെബ്രുവരി 2 ഇന്ത്യ എ vs യുഎസ്എ, നവി മുംബൈ 5:00 PM ഫെബ്രുവരി 3 നെതർലൻഡ്‌സ് vs സിംബാബ്‌വെ, കൊളംബോ 3:00 PM ഫെബ്രുവരി 4 ഇന്ത്യ vs ദക്ഷിണാഫ്രിക്ക ,നവി മുംബൈ 7:00 PM ഫെബ്രുവരി 4 പാകിസ്ഥാൻ vs അയർലൻഡ്, കൊളംബോ 5:00 PM ഫെബ്രുവരി 5 ഓസ്‌ട്രേലിയ vs നെതർലൻഡ്‌സ്, കൊളംബോ 5:00 PM ഫെബ്രുവരി 5 ന്യൂസിലൻഡ് vs യുഎസ്എ, നവി മുംബൈ 7:00 PM

Image Credit : Asianet News

ഇംഗ്ലണ്ടിന് സന്നാഹമില്ല

ഇംഗ്ലണ്ട് ടീം സന്നാഹ മത്സരങ്ങളിൽ നിന്ന് പൂർണ്ണമായും വിട്ടുനിൽക്കാൻ തീരുമാനിച്ചു. മത്സരങ്ങൾക്ക് പകരം സ്വന്തം നിലയിലുള്ള പരിശീലന സെഷനുകൾക്കാണ് അവർ മുൻഗണന നൽകുന്നത്.

Image Credit : X@BCCI

എന്തുകൊണ്ട് ഈ മത്സരങ്ങൾ നിർണായകം

ഉപഭൂഖണ്ഡത്തിലെ സാഹചര്യങ്ങളുമായി പൊരുത്തപ്പെടാൻ ടീമുകൾക്ക് ലഭിക്കുന്ന അവസാന അവസരമാണിത്. ഡി.വൈ പാട്ടീൽ സ്റ്റേഡിയത്തിലെ ബാറ്റിംഗിന് അനുകൂലമായ പിച്ചിൽ ദക്ഷിണാഫ്രിക്കയ്‌ക്കെതിരെ നടത്തുന്ന പോരാട്ടം ഇന്ത്യയുടെ മിഡിൽ ഓർഡർ കരുത്ത് അളക്കാനുള്ള സുവർണ്ണാവസരമാണ്. ഫെബ്രുവരി 7-ന് യുഎസ്എയുമായാണ് ഇന്ത്യയുടെ ലോകകപ്പിലെ ആദ്യ മത്സരം.