ദോശ മാവിൽ ഈയൊരു സാധനം ചേർത്താൽ മതി; ഹോട്ടൽ ദോശ വീട്ടിൽ റെഡി!

വീട്ടിൽ സാധാരണ അരിയും ഉഴുന്നും മാത്രം ചേർത്ത് ദോശ ഉണ്ടാക്കി മടുത്തോ? ഹോട്ടലിൽ നിന്ന് കിട്ടുന്നതുപോലെ നല്ല മൊരിഞ്ഞ മസാല ദോശ കഴിക്കാൻ ആഗ്രഹമുണ്ടോ? എങ്കിൽ ഈ റെസിപ്പി ഒന്ന് പരീക്ഷിച്ചുനോക്കൂ. വളരെ എളുപ്പത്തിൽ ഇത് തയ്യാറാക്കാം.

Image Credit : Getty

ചേരുവകൾ എന്തൊക്കെ?

രണ്ട് കപ്പ് അരി, അര കപ്പ് കടലപ്പരിപ്പ്, അര കപ്പ് ഉഴുന്ന്, രണ്ട് സ്പൂൺ ഉലുവ എന്നിവ ഒരുമിച്ച് കുതിർക്കാൻ വെക്കുക. ഇതിനൊപ്പം അര കപ്പ് അവൽ ചേർക്കാനും മറക്കരുത്.

Image Credit : Getty

നന്നായി അരച്ചെടുക്കാം

ഈ ചേരുവകൾ മൂന്ന് മണിക്കൂറിൽ കൂടുതൽ നേരം കുതിർത്ത് വെക്കണം. ശേഷം നല്ല മയത്തിൽ അരച്ചെടുക്കുക. ഈ മാവ് അരച്ച് മൂന്ന് മണിക്കൂർ കഴിഞ്ഞ ശേഷം ദോശ ചുട്ടാൽ രുചി കൂടും.

Image Credit : Getty

എങ്ങനെ മൊരിച്ചെടുക്കാം?

ദോശ എളുപ്പത്തിൽ മൊരിഞ്ഞു കിട്ടാറില്ലെന്ന് പലരും പറയാറുണ്ട്. ദോശ നന്നായി മൊരിഞ്ഞു കിട്ടാൻ, തയ്യാറാക്കിയ മാവിനൊപ്പം അര കപ്പ് അരിപ്പൊടി കൂടി ചേർത്ത് ഇളക്കുക. ഇതോടെ ദോശ നല്ല ക്രിസ്പി ആയി വരും.

Image Credit : Getty

മസാല തയ്യാറാക്കുന്ന വിധം

എണ്ണ ചൂടാക്കി ഉണക്കമുളക്, പച്ചമുളക്, കശുവണ്ടി, ഉഴുന്ന്, കടുക്, സവാള എന്നിവയിട്ട് വഴറ്റുക. ശേഷം, വേവിച്ചുവെച്ച ഉരുളക്കിഴങ്ങ് ഇതിലേക്ക് ചേർത്ത് ഉടച്ചെടുക്കാം. ഒപ്പം അൽപം നാരങ്ങാനീരും മല്ലിയിലയും ചേർത്ത് നന്നായി ഇളക്കുക.