കൊളസ്റ്ററോൾ കുറയ്ക്കാൻ നിർബന്ധമായും കഴിക്കേണ്ട 7 ഭക്ഷണങ്ങൾ
ശരീരത്തിൽ കൊളസ്റ്ററോളിന്റെ അളവ് കൂടുതലാകുമ്പോൾ നമുക്ക് പലതരം രോഗങ്ങൾ വരുന്നു. ഹൃദ്രോഗങ്ങൾ തുടങ്ങി മൊത്തമായി ഇത് ആരോഗ്യത്തെ ബാധിക്കും. ദിവസവും ഈ ഭക്ഷണങ്ങൾ കഴിക്കു. ചീത്ത കൊളസ്റ്ററോൾ കുറയ്ക്കാം.
ഓട്സ്
ഓട്സിൽ ധാരാളം ഫൈബർ അടങ്ങിയിട്ടുണ്ട്. ഇത് കൊളസ്റ്ററോൾ ഇല്ലാതാക്കാൻ സഹായിക്കുന്നു. ദിവസവും രാവിലെ ഓട്സ് കഴിക്കുന്നത് ശീലമാക്കാം.
നട്സ്
ബദാം, വാൽനട്ട്, പിസ്ത തുടങ്ങിയ നട്സുകൾ കഴിക്കുന്നത് ഹൃദയാരോഗ്യം സംരക്ഷിക്കാൻ സഹായിക്കുന്നു. നട്സിൽ നല്ല കൊഴുപ്പും, ഫൈബറും അടങ്ങിയിട്ടുണ്ട്.
തവിട് കളയാത്ത ധാന്യങ്ങൾ
ഓട്സ് പോലെതന്നെ ബാർലിയും തവിട് കളയാത്ത ധാന്യങ്ങളും കഴിക്കുന്നത് കൊളസ്റ്ററോൾ ഇല്ലാതാക്കാൻ സഹായിക്കും. കാരണം ഇവയിൽ ധാരാളം ഫൈബർ അടങ്ങിയിട്ടുണ്ട്.
വെണ്ട
വെണ്ടയിൽ കലോറി വളരെ കുറവാണ്. കൂടാതെ ഇതിൽ ധാരാളം ഫൈബറും അടങ്ങിയിട്ടുണ്ട്. ദിവസവും വെണ്ട കഴിക്കുന്നത് കൊളസ്റ്ററോൾ ഇല്ലാതാക്കാൻ സഹായിക്കുന്നു.
സോയാബീൻ
കൊളസ്റ്ററോളിനെ ഇല്ലാതാക്കാൻ സോയബീൻ കഴിക്കുന്നത് നല്ലതാണ്. സോയാബീനിൽ ധാരാളം ഫൈബർ അടങ്ങിയിട്ടുണ്ട്.
നല്ല കൊഴുപ്പുള്ള മത്സ്യങ്ങൾ
സാൽമൺ, മത്തി, അയല തുടങ്ങിയ മത്സ്യങ്ങൾ നല്ല കൊഴുപ്പ് അടങ്ങിയവയാണ്. ഇതിൽ ധാരാളം ഒമേഗ 3 ഫാറ്റി ആസിഡുകൾ അടങ്ങിയിട്ടുണ്ട്. ഇത് ചീത്ത കൊളസ്റ്ററോൾ ഇല്ലാതാക്കാൻ സഹായിക്കുന്നു.
പഴങ്ങൾ
ആപ്പിൾ, ബെറീസ്, ഗ്രേപ്സ്, സിട്രസ് പഴങ്ങൾ എന്നിവ കഴിക്കുന്നത് കൊളസ്റ്ററോൾ കുറയ്ക്കാൻ സഹായിക്കുന്നു. ഇതിൽ ധാരാളം പോഷക ഗുണങ്ങൾ അടങ്ങിയിട്ടുണ്ട്.
