കരൾ ക്യാൻസർ ; ശരീരം മുൻകൂട്ടി കാണിക്കുന്ന ചില ലക്ഷണങ്ങൾ

കരളിലെ കോശങ്ങളിൽ മാരകമായ കോശങ്ങൾ അസാധാരണമായി വളരുന്ന ഒരു രോഗമാണ് കരൾ ക്യാൻസർ. ഹെപ്പറ്റോസെല്ലുലാർ കാർസിനോമ (HCC) ആണ് ഏറ്റവും സാധാരണമായ പ്രാഥമിക കരൾ അർബുദം. മറ്റു ക്യാൻസറുകളിൽ നിന്ന് കരളിലെ ക്യാൻസറിനെ വ്യത്യസ്തമാക്കുന്ന ഒന്നുണ്ട്. 

Image Credit : Getty

കരൾ ക്യാൻസർ ; ശരീരം മുൻകൂട്ടി കാണിക്കുന്ന ചില ലക്ഷണങ്ങൾ

കരളിലെ കോശങ്ങളിൽ മാരകമായ കോശങ്ങൾ അസാധാരണമായി വളരുന്ന ഒരു രോഗമാണ് കരൾ ക്യാൻസർ. ഹെപ്പറ്റോസെല്ലുലാർ കാർസിനോമ (HCC) ആണ് ഏറ്റവും സാധാരണമായ പ്രാഥമിക കരൾ അർബുദം. മറ്റു ക്യാൻസറുകളിൽ നിന്ന് കരളിലെ ക്യാൻസറിനെ വ്യത്യസ്തമാക്കുന്ന ഒന്നുണ്ട്. രോഗം വന്ന കരളിനെയാണ് കാൻസർ ബാധിക്കൂ എന്നതാണത്.

Image Credit : Getty

കരളിലെ ജീവന് ഭീഷണിയായ മാരകമായ ട്യൂമറാണ് ലിവർ ക്യാൻസർ

ആൽക്കഹോളിക് ലിവർ ഡിസീസ്, നോൺ ആൽക്കഹോളിക് ഫാറ്റി ലിവർ ഡിസീസ്, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി തുടങ്ങിയ കരൾ രോഗങ്ങളാണ് കരളിലെ ക്യാൻസറിലേക്ക് നയിക്കുന്നത്. ഈ രോഗങ്ങൾ മൂലമുള്ള കരൾനാശം സിറോസിസിലേക്കു നയിക്കും. ആദ്യഘട്ടങ്ങളിൽ ചികിത്സ തേടിയില്ലെങ്കിൽ ഇത് കരളിലെ ക്യാൻസറിലേക്കും കരളിന്റെ പ്രവർത്തന തകരാറിലേക്കും നയിക്കും. കരൾ ക്യാൻസറിന്റെ ചില പ്രധാനപ്പെട്ട ലക്ഷണങ്ങളെ കുറിച്ചാണ് ഇനി പറയുന്നത്.

Image Credit : Getty

അപ്രതീക്ഷിതമായി ശരീരഭാരം കുറയുന്നത് കരൾ ക്യാൻസറിന്റെ പ്രാരംഭ ലക്ഷണമായിരിക്കാം.

അപ്രതീക്ഷിതമായി ശരീരഭാരം കുറയുന്നത് കരൾ ക്യാൻസറിന്റെ പ്രാരംഭ ലക്ഷണമായിരിക്കാം. കരൾ ക്യാൻസർ കണ്ടെത്തിയ രോഗികളിൽ 40% പേർക്കും ശരീരഭാരം കുറയുന്നതായി റിപ്പോർട്ടുകൾ പറയുന്നു.

Image Credit : Getty

പ്രാരംഭ ഘട്ടത്തിൽ, അമിതമായ വേദന വളരെ അപൂർവമായി മാത്രമേ ഉണ്ടാകൂ

വയറിന്റെ മുകൾഭാഗത്ത് കരൾ ക്യാൻസർ മൂലം വേദനയും അസ്വസ്ഥതയും അനുഭവപ്പെടാൻ സാധ്യതയുണ്ട്. പ്രാരംഭ ഘട്ടത്തിൽ, അമിതമായ വേദന വളരെ അപൂർവമായി മാത്രമേ ഉണ്ടാകൂ. എന്നാൽ ക്യാൻസർ പുരോഗമിക്കുമ്പോൾ അത് കൂടുതൽ വഷളാകുന്നു. തോളുകളുടെ വലതുവശത്തും വേദന അനുഭവപ്പെടാം.

Image Credit : Getty

കരൾ ക്യാൻസറിന്റെ ലക്ഷണമാകുമ്പോൾ വിശപ്പില്ലായ്മയും വയറുവേദനയും ഉണ്ടാകാം

കരൾ ക്യാൻസറിന്റെ ലക്ഷണമാകുമ്പോൾ വിശപ്പില്ലായ്മയും വയറുവേദനയും ഉണ്ടാകാം. കരൾ ക്യാൻസറിന്റെ മറ്റ് എല്ലാ ലക്ഷണങ്ങൾക്കും മുമ്പായി ഇത് പ്രത്യക്ഷപ്പെടുന്നു. കരൾ ശരിയായി പ്രവർത്തിക്കാത്തപ്പോൾ ശരീരത്തിലെ ദോഷകരമായ വസ്തുക്കൾ ഫിൽട്ടർ ചെയ്യാൻ അതിന് കഴിയില്ല. ദുർബലമായ മെറ്റബോളിസത്തിന്റെ ഫലമായാണ് ഇത് സംഭവിക്കുന്നത്. ചികിത്സിച്ചില്ലെങ്കിൽ, ഇത് കൂടുതൽ വഷളാകുകയും ഛർദ്ദി, വിശപ്പ് പൂർണ്ണമായി നഷ്ടപ്പെടുകയും ചെയ്യും.

Image Credit : Getty

ശരീരത്തിനും കണ്ണിനും മഞ്ഞ നിറം ഉണ്ടാവുന്നത് കരളിലുണ്ടാകുന്ന ക്യാന്‍സറിന്‍റെ ലക്ഷണമാകാം

ശരീരത്തിനും കണ്ണിനും മഞ്ഞ നിറം ഉണ്ടാവുന്നത് കരളിലുണ്ടാകുന്ന ക്യാന്‍സറിന്‍റെ ലക്ഷണമാകാം. ചര്‍മ്മം അകാരണമായി ചൊറിയുന്നതും ലിവർ ക്യാൻസറിന്റെ ലക്ഷണമാണ്. മലത്തിലെ നിറ വ്യത്യാസം, മൂത്രത്തിന് കടുംനിറം എന്നിവയും കരളിലുണ്ടാകുന്ന ക്യാന്‍സറിന്‍റെ ലക്ഷണമാകാം.

Image Credit : Getty

അമിതമായ ബലഹീനതയും വിട്ടുമാറാത്ത ക്ഷീണവുമാണ് മറ്റൊരു ലക്ഷണം.

അമിതമായ ബലഹീനതയും വിട്ടുമാറാത്ത ക്ഷീണവുമാണ് മറ്റൊരു ലക്ഷണം. ഗുരുതരമായ ആരോഗ്യസ്ഥിതിയുടെ പ്രാരംഭ ലക്ഷണങ്ങളാണിവ. ക്യാൻസർ ചിലപ്പോൾ മെറ്റബോളിസത്തെയും ഊർജ്ജ നിലയെയും താറുമാറാക്കുകയും ശരീരത്തെ ക്ഷീണിപ്പിക്കുകയും അസ്വസ്ഥമാക്കുകയും ചെയ്യുന്നു.