ദിവസവും അവാക്കാഡോ കഴിക്കുന്നത് പതിവാക്കൂ, കാരണം ഇതാണ്
ദിവസവും അവാക്കാഡോ കഴിക്കുന്നത് പതിവാക്കൂ, കാരണം ഇതാണ്.
അവാക്കാഡോ
ദിവസവും അവാക്കാഡോ കഴിക്കുന്നത് പതിവാക്കൂ, കാരണം ഇതാണ്
അവാക്കാഡോ
ധാരാളം പോഷകങ്ങൾ അടങ്ങിയ പഴമാണ് അവാക്കാഡോ. സമീകൃതാഹാരത്തിന്റെ ഭാഗമായി അവാക്കാഡോ പതിവായി കഴിക്കുന്നതിലൂടെ, ശരീരത്തെ അവശ്യ പോഷകങ്ങളാൽ പോഷിപ്പിക്കുകയും ദീർഘകാല ആരോഗ്യത്തിനും സഹായിക്കുന്നു.
അവാക്കാഡോ
വിറ്റാമിൻ സി, ഇ, കെ, ബി വിറ്റാമിനുകൾ, പൊട്ടാസ്യം, മഗ്നീഷ്യം, ആരോഗ്യകരമായ കൊഴുപ്പുകൾ എന്നിവയുൾപ്പെടെയുള്ള അവശ്യ പോഷകങ്ങളാൽ സമ്പുഷ്ടമാണ് അവാക്കാഡോകൾ. അവാക്കാഡോ പോലുള്ള പോഷക സമ്പുഷ്ടമായ ഭക്ഷണങ്ങൾ കഴിക്കുന്നത് മൊത്തത്തിലുള്ള ആരോഗ്യത്തിന് സഹായിക്കുന്നു.
മോശം കൊളസ്ട്രോൾ കുറയ്ക്കും
ഹൃദയാരോഗ്യത്തിന് ഗുണം ചെയ്യുന്ന മോണോസാച്ചുറേറ്റഡ് കൊഴുപ്പുകളുടെ, പ്രത്യേകിച്ച് ഒലിയിക് ആസിഡ് അവക്കാഡോയിൽ അടങ്ങിയിട്ടുണ്ട്. ഈ കൊഴുപ്പുകൾ എൽഡിഎൽ (മോശം) കൊളസ്ട്രോളിന്റെ അളവ് കുറയ്ക്കാനും എച്ച്ഡിഎൽ (നല്ല) കൊളസ്ട്രോളിന്റെ അളവ് വർദ്ധിപ്പിക്കാനും സഹായിക്കുന്നു.
ശരീരഭാരം കുറയ്ക്കും
അവാക്കാഡോ ശരീരഭാരം നിയന്ത്രിക്കാൻ സഹായിക്കും. അവാക്കാഡോയിലെ ഉയർന്ന നാരുകൾ അമിത വിശപ്പ് കുറയ്ക്കുകയും ചെയ്യുന്നു. ഭക്ഷണത്തിൽ അവാക്കാഡോ ഉൾപ്പെടുത്തുന്നത് ആരോഗ്യകരമായ ഭാരം നിലനിർത്താൻ എളുപ്പമാക്കുന്നു.
ദഹന പ്രശ്നങ്ങൾ കുറയ്ക്കും
അവാക്കാഡോ ദഹനത്തിന്റെ ആരോഗ്യത്തിനും സഹായിക്കുന്നു. അവാക്കാഡോകളിൽ ലയിക്കുന്ന നാരുകൾ അടങ്ങിയിട്ടുണ്ട്. ഇത് ഗുണം ചെയ്യുന്ന കുടൽ ബാക്ടീരിയകളെ പോഷിപ്പിക്കുന്നു. ആരോഗ്യകരമായ കുടൽ മൈക്രോബയോമിനെയും മൊത്തത്തിലുള്ള ദഹന പ്രവർത്തനത്തെയും പിന്തുണയ്ക്കുന്നു.
കണ്ണുകളെ സംരക്ഷിക്കും
കണ്ണിന്റെ ആരോഗ്യത്തിന് അത്യാവശ്യമായ രണ്ട് ആന്റിഓക്സിഡന്റുകളായ ല്യൂട്ടിൻ, സിയാക്സാന്തിൻ എന്നിവ അവാക്കാഡോകളിൽ അടങ്ങിയിട്ടുണ്ട്. ഈ സംയുക്തങ്ങൾ ദോഷകരമായ നീല വെളിച്ചം ഫിൽട്ടർ ചെയ്തും റെറ്റിനയിലെ ഓക്സിഡേറ്റീവ് സമ്മർദ്ദം കുറച്ചും പ്രായവുമായി ബന്ധപ്പെട്ട മാക്കുലാർ ഡീജനറേഷൻ, തിമിരം എന്നിവയിൽ നിന്ന് കണ്ണുകളെ സംരക്ഷിക്കാൻ സഹായിക്കുന്നു.
ബ്ലഡ് ഷുഗർ അളവ് നിയന്ത്രിക്കും
അവാക്കാഡോകളിലെ മോണോസാച്ചുറേറ്റഡ് കൊഴുപ്പുകളും ലയിക്കുന്ന നാരുകളും രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും ഇൻസുലിൻ സംവേദനക്ഷമത മെച്ചപ്പെടുത്താനും സഹായിക്കും.
അവാക്കാഡോ
അവാക്കാഡോകളിൽ വിറ്റാമിൻ ഇ, പോളിഫെനോൾസ് തുടങ്ങിയ ആന്റിഓക്സിഡന്റുകൾ ഉൾപ്പെടെയുള്ള വിവിധ ഫൈറ്റോകെമിക്കലുകൾ അടങ്ങിയിട്ടുണ്ട്. ഇവയ്ക്ക് വീക്കം തടയുന്ന ഗുണങ്ങളുണ്ട്. അവോക്കാഡോ പതിവായി കഴിക്കുന്നത് ശരീരത്തിലെ വീക്കം കുറയ്ക്കാനും വിട്ടുമാറാത്ത രോഗങ്ങളുടെ സാധ്യത കുറയ്ക്കാനും സഹായിക്കും.
ചർമ്മത്തെ സംരക്ഷിക്കും
അവാക്കാഡോയിലെ വിറ്റാമിനുകളും ആന്റിഓക്സിഡന്റുകളും ആരോഗ്യകരവും തിളക്കമുള്ളതുമായ ചർമ്മത്തിന് സഹായിക്കുന്നു. വിറ്റാമിൻ ഇ ഓക്സിഡേറ്റീവ് നാശത്തിൽ നിന്ന് ചർമ്മത്തെ സംരക്ഷിക്കുകയും അകാല വാർദ്ധക്യവും ചുളിവുകളും തടയാൻ സഹായിക്കുകയും ചെയ്യുന്നു.
ചർമ്മത്തെ സംരക്ഷിക്കും
അവാക്കാഡോകളിലെ മോണോസാച്ചുറേറ്റഡ് കൊഴുപ്പുകൾ ചർമ്മത്തെ ഉള്ളിൽ നിന്ന് പോഷിപ്പിക്കുകയും ജലാംശം നിലനിർത്തുകയും ചെയ്യുന്നു.
ഓർമ്മശക്തി കൂട്ടും
അവാക്കാഡോ പതിവായി കഴിക്കുന്നത് മെമ്മറി, ഏകാഗ്രത, മൊത്തത്തിലുള്ള തലച്ചോറിന്റെ ആരോഗ്യം എന്നിവ നിലനിർത്താൻ സഹായിച്ചേക്കാം.
